1 Vimyene 8:53 - Livulu lya Shukulu Kalunga

⁵³ Wavaangwile ku miyati yoshe ngeci vapwe vanu vove, ngwe muje wavalekele ali ngamba yove Mosesa omo watundisile vakukulwila vetu ku Ingito.”

1 Vimyene 8:53 Iomraidhean Croise

2 Samwele 20:19

Nganda yetu yapwa yakama, vanu vamwo vapwa va kwoloka na kulongwa mu Isalele. Omwo vikajo ushaka kuyinyongesa? Kuma yove ushaka kuviisa vushwana vwa Shukulu Kalunga ndi?”

Kutuuka 33:16

Vatijo vanu vakazivuka ngeci yove ulinakuvwaelela na vanu vove amo nange, nga yove kuuyi amo netu? Nga yove uya amo netu, co cikatwangununa ku vanu voshe veka vali ano asi.”

Njelemiya 10:16

Njambi ya Yakomba kalifwile navo, ikeye lika watangele vyuma vyoshe, waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Kulava 23:9

Omwo ano akamwa ya minkinda njinavamono, njasa kuvelula omo njili akamwa ya malundu. Kenga vakevo vapwa vanu vakuyoya avo lika, vanalyangunuka mukati ka miyati ikwavo.

Efeso 1:18

Njilomba lalo ngeci atonese mesho a vimbunge vyeni ngeci mumone ceke cendi, ngeci mwase kuzivuka cinyangavili cije wamisaneneco, muzivuke vufuko vuje vwakukomokesa vwa vivezikiso vije akulaesa vanu vendi,

Kwituluka mu Mashiko 14:2

Omwo yeni mwapwa mu vanu va Shukulu Kalunga Njambi yeni, ikeye wamyangwile ngeci mupwe vanu vendi, akati ka miyati yoshe eyi yakala ano asi.

Kwituluka mu Mashiko 32:9

Oloni ikeye walyangwilile vatekulwila va Yakomba, wavaangwile kupwa vushwana vwendi.

Kwituluka mu Mashiko 4:34

Kuma kwakele njambi weka watundisile muyati umo ku muyati ukwavo, ngeci akavapwise vanu vendi, ngwe mwalingile Shukulu Kalunga Njambi yeni ali yeni mu Ingito ndi? Ku mesho eni vene ikeye washolwele nzili yendi yakama na vukama, wanenele mishongo yakulitambwisa amo na nzita, co walingile vizivukiso na vikomokeso, co washolwele vyuma vyakujajesa mu Ingito mwoshe.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.