1 Vimyene 8:43 - Livulu lya Shukulu Kalunga

⁴³ tolilila lilombelo lyendi. Mwilu, omo wakala, muzive, co mulingile vije vyakulomba, ngeci miyati yoshe ya muno mu kaye vakuzivuke nakukwononoka, ngwe muvakalingi vanu vove va Isalele. Ngeci vakazivuke ngwavo kuma eyi Njuvo injinatungu inapu mwela wakukulemesela.

1 Vimyene 8:43 Iomraidhean Croise

1 Vimyene 18:36

A simbu yakukombelela kwa cingwezi Elinja muka-kwimanena washwenyele ku mutula nakulombela ngwendi, “Shukulu Kalunga, Njambi ya Avilahama, ya Isake, ya Yakomba, ololo mwesa ngeci kuma yove unapu u Njambi ya Isalele, co nange njinapu nji ngamba yove, njalingi vyoshe evi akushika kwove.

1 Vimyene 8:60

Ngecivene, miyati yoshe ya mu kaye vakazivuke ngeci Shukulu Kalunga ikeye lika wapwa Njambi, kukwesi weka lalo embwe.

2 Vimyene 19:19

Ololo, Shukulu Kalunga Njambi yetu, twamene ku movoko a vaAsilya, ngeci miyati yoshe ya mu kaye vazivuke ngeci yove lika Shukulu Kalunga, wapwa Njambi.”

1 Mizimbu 16:8

Kandeleleni kuli Shukulu Kalunga, ambululeni vukama vwendi, tsimaneseni vilinga vyendi akati ka vanu.

2 Mizimbu 6:33

tolilila ku lilombelo lyavo. Vazive omo mwilu muwakala, co valingile vije vivakulomba, ngeci miyati yoshe ya muno mu kaye vakuzivuke nakukwononoka, ngwe muvakalingi vanu vove va Isalele. Ngeci vakazivuke ngwavo kuma eyi Njuvo injinatungu inapu mwela wakukulemesela.

Myaso 102:15

Ngecivene, miyati yoshe vakasingimika Shukulu Kalunga, co vimyene voshe va ano asi vakashangazala vumpau vwove.

Myaso 22:27

Miyati yoshe vakanuka Shukulu Kalunga, mitambela yoshe ya mu kaye vakatengulukila kuli ikeye, co vanu voshe vakamulemesa.

Myaso 33:14

Shukulu Kalunga natumbama a litanda lyendi oku nakenge asi ali voshe vaje vakalao.

Myaso 67:2

ngeci vanu voshe va asi vazivuke cizango cove, co lalo miyati yoshe vazivuke kwamena kwove.

Myaso 86:9

Miyati yoshe iwatangele vakaija nakutsikama kuli yove, co vakashangazala vukama vwove.

Isaya 11:9

A Siyone, lilundu lya Njambi lyakujela, kwaakakala cuma cimo cakukuvulumuna nambe vuvi. Lifuti likashula na mana akuzivuka Shukulu Kalunga ngwe mema a kalunga mwakajalela.

Njelemiya 25:29

Njikashangumuka vipangi vyange vyakunyongesa mu nganda yange vavenya. Kuma vayongola ngwavo kuvakavanyanyamesa ndi? Embwe, vakavanyanyamesa, omwo njikatuma nzita ku vanu voshe ano asi. Yange Kalunga Muka-nzili yoshe, njinendekamo.

Kwituluka mu Mashiko 26:15

Co kenga ano asi oku uli mu mwela wove wakujela mwilu, vezikisa vanu vove vaIsalele na livu liwunatwana, ngwe muje muwakulaesele vakukulwila vetu, lifuti lyalivwa nevi vyakujenekamo vyai.’

Yoshwa 4:23

Mukavaleka ngweni Shukulu Kalunga Njambi yetu womisile mema a mu Yondau cau omwo twajavukile, ngwe muje lalo mwomisile cau mema a mu Lishali Lyakuvenga,

Yoshwa 4:24

walingile eci ngeci vanu voshe va ano asi vakazivuke muvwapwa vukama na nzili ya Shukulu Kalunga, co mukasingimika Shukulu Kalunga Njambi yeni ku myaka yoshe.”

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

1 Samwele 17:46

Ku litangwa lya lelo vene, Shukulu Kalunga akakukundika mu livoko lyange, co njikakutsiya nakutapa mutwe wove, njikana mivila ya mashwalale va vaFilisitiya ku tuzila na ku tusitu. Co lifuti lyoshe likazivuka ngeci Njambi ali mu Isalele,