1 Vimyene 8:42 - Livulu lya Shukulu Kalunga

⁴² co aija ku Njuvo eyi nakulemesa nakulombela,

1 Vimyene 8:42 Iomraidhean Croise

1 Vimyene 8:41

“Omo muka-kwija, atunda ku lifuti lya kulyala aziva lutsimo lwove, na vyuma vyakama vije viwunalingila vanu vove,

2 Vimyene 17:36

Mukononoka lika yange Kalunga, uje wamitundisile mu Ingito na nzili yange yakama, mukanjitsikamena nakunjikombelela vin̄ombelo.

2 Vimyene 19:19

Ololo, Shukulu Kalunga Njambi yetu, twamene ku movoko a vaAsilya, ngeci miyati yoshe ya mu kaye vazivuke ngeci yove lika Shukulu Kalunga, wapwa Njambi.”

2 Mizimbu 32:31

Nameme omo vamyata vaje vatundile ku Mbambilone vezile mukwihula a vije vyalingiwile mu lifuti, Njambi watavele ngeci eseke Hezekiya azivuke vyoshe vije vyakele mu mbunge yendi.

Myaso 136:12

Na livoko lyendi lya nzili, omwo cizemo cendi cije kucesi kutenguluka cakala ku myaka yoshe.

Myaso 89:13

Yove u muka-nzili yakukomokesa! Nzili yove yapwa yakama!

Kutuuka 13:14

Kulutwe, omo munove wa munalume akakwihula a lishiko eli ngwendi linanunguluka vatijo, co ukamukumbulula ngwove, ‘Shukulu Kalunga watutundisile mu Ingito na livoko lyendi lya nzili, muje twakele mu lifuti lya vunzinda.

Kutuuka 13:3

Asinoni Mosesa wendekele kuli vanu ngwendi, “Anukeni litangwa eli, omwo a litangwa eli likelyo mwatundile mu Ingito kuje mwakele mu vunzinda. Eli likelyo litangwa lije Shukulu Kalunga wamituwisile na livoko lyendi lya nzili. Co kesi mulye makende akwaka musima.

Kutuuka 15:14

Miyati ya vanu vaje vazivileko vajajele omwo lyova, vaFilisitiya vavupukile na lyova lyakukomokesa.

Kutuuka 3:19

Oloni njazivuka ngeci mwene wa Ingito kakamitavesa kuya kuvanga livoko lya nzili limusindiiye.

Kutuuka 6:6

Ngecivene, leka vaIsalele ngwove, ‘Yange njapwa Kalunga, njikamipatula mu vundungo vweni kuli vaka-Ingito. Njikajundula livoko lyange lya nzili mukusholola cihiso cakukomokesa ali vakevo, oloni yeni njikamikula.

Kutuuka 9:15

Nga njajundwile livoko lyange nakukupupa yove na vanu vove na mushongo wa ciita, nga wanyonga laja.

Isaya 51:9

Induka, Shukulu Kalunga nakutukwasa! Pangesa nzili yove nakutwamena, ipangese ngwe muwaipangesele ku visimbu vya ku san̄ulu. Yove wapunzwile cikashama Lahave wa mu mema a kalunga vipuka-vipuka.

Isaya 63:12

Nzili ya Shukulu Kalunga yapangesele Mosesa vyuma vyakama, uje wemikile mema a kalunga nakutwamenena vanu vendi a nzinga, ngeci lizina lyendi litsimane ku myaka yoshe.”

Njelemiya 27:5

“Yange njatangele kaye, na vanu, na tusitu, vaje vali ano asi, na nzili yange yakama na livoko lyange lyakwolola, co njivyana kuli munu uje injashaka.

Njelemiya 3:19

Shukulu Kalunga alinakwendeka ngwendi, “Isalele, njashakele kukutambula ngeci upwe u munange nakukwana lifuti lyalivwa, lifuti lyalivwa manene mu kaye koshe. Njashekele ngwange unjitumbule nji isho ngeci kesi utunde lalo kuli yange.

Njelemiya 31:11

Njinapatula vanu va Isalele, co njinavamena ku muyati wa vanu va nzili.

Njelemiya 32:17

“Shukulu Kalunga wa Akamwa ya Vyoshe, yove watangele kaye na melu na nzili yove yakama, na livoko lyove lyakwolola, kukwesi cuma cacikalu kuli yove cai.

Ezekiyele 20:33

“Mwa vushunga vene yange Kalunga wa Akamwa ya Vyoshe, njapwa Njambi wakuyoya njiminangula ngwange mukuluvala kwange njikamishwana na livoko lya nzili, na nzili yange yoshe.

Ezekiyele 20:9

Oloni kunjalingilemo, nga njalingilemo, nga lizina lyange lyashaukile, omwo ku mesho a vanu vaje vakele nakukala amo kuje, njambulwile ngwange njikatundisa Isalele mu Ingito.

Ndanyele 2:47

Mwene wendekele ngwendi, “Njambi yove wapwa wakama manene kutuvakana vinjambi voshe, ikeye wapwa Shukulu wa akamwa ya vimyene voshe, ikeye akajombolola mahungu. Njazivuka cuma eci omwo unasa kulumbununa lihungu eli.”

Ndanyele 3:28

Ngecivene, mwene wendekele ngwendi, “Shangazaleni Njambi ya Shandelaki, na Meshake, na Ambendenengo! Ikeye natumu kangelo kendi kwamena vanalume ava vaka-kumupangela nakumukulaela. Vakevo kuvononokele lishiko lyange, co valambwile myonyo yavo ngeci kesi vakulame nakulemesa njambi weka kuvanga Njambi yavo lika.

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Zakaliya 14:16

Asinoni vaje vasaleleo ku miyati yoshe ya vanu vaje valwisile Yelusalema vakaya ku Yelusalema a mwaka na mwaka mukulemesa Shukulu Kalunga Muka-nzili yoshe ngwe mwene, co vakalisamba a Ciwano ca Mapapela.

Kulava 15:14

Ku visemwa vyeni vyoshe vikaija kulutwe omo muka-kwija nambe munu woshe-iwoshe uje alinakukala akati keni ashaka kulambula mulambu wa vyakulya, vweko vwavuvwa vuvwaelelesa Shukulu Kalunga, napande kunyunga mashiko awa.

Vilinga vya Miluwa 8:27

Ngecivene, Filipu wakatukile waile waliwanene na kayunuke umo kaIsopya, wapwile mukulunu wa vulemu muka-kunyunga vufuko vwa vamwene wa ku Isopya. Co waile ku Yelusalema nakulemesa Njambi.

Kwituluka mu Mashiko 3:24

‘Yove Shukulu Kalunga wa Akamwa ya Vyoshe, njazivuka ngwange yove wanjisholwela lika vushangumukilo vwa nzili na vyuma vyakukomokesa vije viwukalinga. Co kukwesi njambi weka lalo mwilu nambe ano asi uje asa kulinga vyuma vya nzili ngwe viwukalingi!

Kwituluka mu Mashiko 4:34

Kuma kwakele njambi weka watundisile muyati umo ku muyati ukwavo, ngeci akavapwise vanu vendi, ngwe mwalingile Shukulu Kalunga Njambi yeni ali yeni mu Ingito ndi? Ku mesho eni vene ikeye washolwele nzili yendi yakama na vukama, wanenele mishongo yakulitambwisa amo na nzita, co walingile vizivukiso na vikomokeso, co washolwele vyuma vyakujajesa mu Ingito mwoshe.

Kwituluka mu Mashiko 4:6

Ngecivene, ononokeni mashiko, co eci cikamwesa vanu va miyati yeka mana eni. Omo vakaziva mashiko oshe awa, co vakendeka ngwavo, ‘Mwa vushunga muyati ou vali na mana nakuzivisisa kwakuvwa!’

Yoshwa 4:24

walingile eci ngeci vanu voshe va ano asi vakazivuke muvwapwa vukama na nzili ya Shukulu Kalunga, co mukasingimika Shukulu Kalunga Njambi yeni ku myaka yoshe.”

Yoshwa 7:9

Omo vaKanana na vanu veka va mu lifuti vakaziva vyuma evi, co vakatuzengeleka nakutunyongesa. Cooni yove Shukulu Kalunga cuma mukajo ukalinga mukunyunga lizina lyove lyakama?”