1 Vimyene 8:29 - Livulu lya Shukulu Kalunga

²⁹ Nyunga eyi Njuvo mutanya na vutsiki, mwela ou uunaangula wakukulemesela. Njizive omo njikenga ku Njuvo eyi nakulombela.

1 Vimyene 8:29 Iomraidhean Croise

1 Vimyene 11:13

Kunjikatundisa vumwene vwoshe kuli ikeye embwe, oloni njikamusezela muyati umo omwo a lizina lya ngamba yange Ndaviti na a lizina lya Yelusalema, nganda ije injalyangwilile.”

1 Vimyene 11:36

oloni njikatava muna Solomoni kunyunga muyati umolika, ngecivene, simbu yoshe njikakale na mutekulwila wa ngamba yange Ndaviti kushwana mu Yelusalema, nganda ije njinaangula kupwa mutambela wakunjilemesela.

1 Vimyene 14:21

Lehovowame muna Solomoni wakele na myaka makumi awana na mwaka umo omo wapwile mwene mu Yunda, co washwanene myaka likumi na itanu na ivali mu Yelusalema, nganda ije yaangwile Shukulu Kalunga mu mitambela yoshe ya Isalele kupwa mwela uje wakumulemesela. Vaina ya Lehovowame vapwile Nama wa ku Amoni.

1 Vimyene 8:16

‘Tunde a litangwa lije njatundisile vanu vange mu Ingito, njangwile nganda naimo yai mu lifuti lyoshe lya Isalele ngeci vase kutungilamo Njuvo mwakunjilemesela. Oloni njaangwile yove Ndaviti kushwana vanu vange.’ ”

1 Vimyene 8:43

tolilila lilombelo lyendi. Mwilu, omo wakala, muzive, co mulingile vije vyakulomba, ngeci miyati yoshe ya muno mu kaye vakuzivuke nakukwononoka, ngwe muvakalingi vanu vove va Isalele. Ngeci vakazivuke ngwavo kuma eyi Njuvo injinatungu inapu mwela wakukulemesela.

1 Vimyene 8:52

“Shukulu Kalunga wa Akamwa ya Vyoshe, simbu yoshe kala na mema ku mbunge ali vanu vove va Isalele na mwene yavo, ziva kulomba kwavo simbu yoshe vakusana ngeci uvakwase.

1 Vimyene 9:3

Co Shukulu Kalunga wendekele kuli ikeye ngwendi, “Njinazivi lilombelo lyove. Njinajelesa Njuvo eyi unatungu kupwa mwela uje vakanjilemesela ku myaka yoshe. Njikainyunga simbu yoshe.

2 Vimyene 19:16

Ololo Shukulu Kalunga, kenga a vyuma evi vilinakulingiwa kuli yetu, tolilila ku vyuma vyoshe vije vyalinakwendeka Senakelivi vyakushaula yove Njambi wakuyoya.

2 Vimyene 21:4

Watungile mitula ya vaka-kujeneka kukulaela mu Njuvo ya Shukulu Kalunga, mwela uje watumbwile Shukulu Kalunga ngwendi lizina lyendi vakalilemesela mu Yelusalema.

2 Vimyene 21:7

Ikeye waakele cifwa ca Ashela njambi wa munakazi mu Njuvo ya Shukulu Kalunga, mwela uje watumbwile Shukulu Kalunga kuli Ndaviti na kuli munendi Solomoni ngwendi, “Muno mu Yelusalema, mu Njuvo eyi vene, ukewo mwela unjinalyangwila mu lifuti lyoshe ku miyati likumi na ivali ya Isalele kupwa mwela muje vakalemesela lizina lyange ku myaka yoshe.

2 Vimyene 23:27

Shukulu Kalunga wendekele ngwendi, “Njikalinga ku Yunda ngwe vije vinjalingile ku Isalele, njikatundisa vanu va mu Yunda ku mesho ange, co njikavyana Yelusalema, nganda ije injaangwile, na Njuvo yange mwela uje njendekele ngwange lizina lyange vakalilemesela kuje.”

2 Mizimbu 16:9

Shukulu Kalunga akanyungu kaye koshe, ngeci amwese nzili vaje vanakulaela kuli ikeye na vimbunge vyavo vyoshe. Yove unalingi mwa vulema, cooni kutunda ku lelo nakutwala kulutwe simbu yoshe ukakala mu nzita.”

2 Mizimbu 20:8

Vakevo vanakala mu lifuti lino, co vanatungu Njuvo nakukusingimika,

2 Mizimbu 33:4

Watungile mitula ya vaka-kujeneka kukulaela mu Njuvo ya Shukulu Kalunga, mwela uje watumbwile Shukulu Kalunga ngwendi kukekwo kuvakamulemesela myaka yoshe.

2 Mizimbu 33:7

Ikeye waakele cifwa ca Ashela njambi wa munakazi mu Njuvo ya Shukulu Kalunga, mwela uje watumbwile Njambi kuli Ndaviti na kuli munendi Solomoni ngwendi, “Muno mu Yelusalema, mu Njuvo eyi vene, ukewo mwela unjinalyangwila mu lifuti lyoshe ku miyati likumi na ivali ya Isalele kupwa mwela wakunjilemesela.

2 Mizimbu 6:20

Nyunga eyi Njuvo mutanya na vutsiki. Yove wakulaesele ngeci, ou ukewo mwela uunaangula wakukulemesela, ngecivene, njizive omo njikenga ku Njuvo eyi nakulombela.

2 Mizimbu 6:40

“Ololo Shukulu Kalunga Njambi yange, kenga ali yetu, co tolilila malombelo atulombela mu mwela uno.

Nehemiya 1:6

Shukulu Kalunga, njikenge, co ziva lilombelo lyange, omo njilinakulombela vutsiki na mutanya ali vangamba vove, vanu va Isalele. Njalitavela ngeci yetu, vanu va Isalele, tunalingi vuvi. Vakukulwila vange, nange tunalingi vuvi.

Nehemiya 1:9

Oloni nga mwiluka kuli yange, nakunyunga mashiko ange nakuwalinga, co nameme mwashandokelele ku shongo ya mafuti aano asi, njikamiilwisa ku mwela uje unjinaangula kupwa wakunjilemesela.’

Myaso 138:2

Njikalemesa ku Njuvo yove yakujela, nakushangazala lizina lyove, omwo cizemo cove cije kucesi kutenguluka na kulongwa kwove, omwo unaalesa mashiko ove, kutuvakana lizina lyove.

Myaso 34:15

Shukulu Kalunga akenga ali vaka-vushunga, co aziva mutambi wavo,

Kutuuka 20:24

Co njimungileni mutula wa livu, akeo mukakombelelao vimanga veni na vingombe veni kupwa milambu yamutunu ya kwenyeka, amo na milambu ya kulitombola. Mu mutambela woshe uje njikemika wakunjilemesela, co njikaija kuli yeni nakumivezikisa.

Ndanyele 6:10

Omo Ndanyele wanangukile ngeci lije lishiko mwene nalitava nendi nasonekako, co waile ku njuvo yendi. Co vinjanena vya ku mulili wendi wa akamwa vyakengesele ku Yelusalema. Co watsikamene ku vinjanena vyakushokolola nakulombela kuli Njambi yendi ngwe mwakele nakulinga-linga matangwa oshe.

Ndanyele 9:18

Yove Njambi tolilila kuli yetu, kenga ali yetu, mona tuyando twetu na tuyando twa nganda yove. Tulinakulombela kuli yove omwo wakala na mema ku mbunge, kesi ngwe omo tunalingi vushunga embwe.

Zakaliya 12:4

A simbu ije njikayiya-yiisa tuvalu twavo twoshe, co vaka-kulondao voshe vakapwa viyambangani. Njikanyunga vanu va mu Yunda, oloni njikatsitsivalesa mesho a tuvalu twa vitozi vavo.

Kwituluka mu Mashiko 12:11

Asinoni Shukulu Kalunga Njambi yeni akaangula mwela umo kuje kumukamulemesela, co kuje vene mukatwala vyuma vyoshe vije vinjinamishiki, vin̄ombelo vyeni vya kwenyeka, na vin̄ombelo vyeni vikwavo, na cavulikumi, na mulambu uje mulinakwana, na vin̄ombelo vyeni vyoshe vya cikulaeso vije mulinakulikulaesa navyo kuli Shukulu Kalunga.

Kwituluka mu Mashiko 12:14

Oloni kuvanga lika ku mwela uje wakaangula Shukulu Kalunga ku muyati umo a miyati yeni, kukekwo lika kumukakombelela vin̄ombelo vyeni vya kwenyeka. Co kukekwo lalo kumukalingila vyoshe vije vinjilinakumishika.

Kwituluka mu Mashiko 12:5

Oloni mukashakezeka mwela uje wakaangula Shukulu Kalunga Njambi yeni akati ka miyati yeni, kuje vanu vakaija ku mesho endi nakumulemesa.

Kwituluka mu Mashiko 16:2

Co mukakombelela n̄ombelo ya manga nambe ya ngombe kuli Shukulu Kalunga Njambi yeni ya Ciwano ca Pasovala ku mwela uje wakaangula Shukulu Kalunga Njambi yeni wakumulemesela.

Kwituluka mu Mashiko 16:6

kuvanga lika ku mwela uje wakaangula Shukulu Kalunga Njambi yeni wakumulemesela. Kukekwo mukakombelela n̄ombelo ya Ciwano ca Pasovala ku cingwezi akulauka kwa litangwa a simbu ije mwatundile nayo mu Ingito.

Kwituluka mu Mashiko 26:2

munapande kwambata vushuka vwakulivanga vuje vumukongulula mu lifuti lyeni lije lyakamyana Shukulu Kalunga Njambi yeni. Co mukavwake mu mitonga, asinoni mukaye ku mutambela wakumulemesela wakaangula Shukulu Kalunga Njambi yeni.