1 Vimyene 8:21 - Livulu lya Shukulu Kalunga

²¹ Co lalo njinavwaesa mwela mu Njuvo ya Shukulu Kalunga wa Cikasa ca Cikumiiyo muje muli vitale vya mamanya vya cikumiiyo cije walikumiiye Shukulu Kalunga na vakukulwila vetu omo wavatundisile ku Ingito. ”

1 Vimyene 8:21 Iomraidhean Croise

1 Vimyene 8:9

Kumwakele cuma ceka lalo muje mukati ka Cikasa ca Cikumiiyo kuvanga vije vitale vya mamanya vivali vyaakelemo Mosesa ku Munkinda wa Sinai, omo Shukulu Kalunga walikumiiye na vanu va Isalele omo vatundile ku Ingito.

1 Mizimbu 22:19

Ololo pangeleni Shukulu Kalunga Njambi yeni na vimbunge vyeni vyoshe, na mwonyo weni woshe. Shangumukeni kutunga Njuvo ya Shukulu Kalunga, ngeci mwakemo Cikasa ca Cikumiiyo ca Shukulu Kalunga, na vyuma vyoshe vyakujela vyakupangesa akumulemesa.”

Kutuuka 24:8

Asinoni Mosesa wanonele maninga aje akele a malonga nakuwashamwina a vanu. Co wendekele ngwendi, “Awa akewo maninga a cikumiiyo cije canalingi Shukulu Kalunga neni omo wamyanene mashiko oshe aje ashikile.”

Kutuuka 34:28

Co Mosesa wakele kuje na Shukulu Kalunga matangwa makumi awana vutsiki na mutanya, kalile vyakulya nameme kunwa mema. Co ikeye wasonekele a vitale majwi a cikumiiyo, akewo Mashiko Likumi.

Kwituluka mu Mashiko 31:26

“Ambateni livulu eli lya mashiko a Njambi, co lyakeni kumukulo wa Cikasa ca Cikumiiyo ca Shukulu Kalunga Njambi yeni, ngeci likale kuje kupwa vukaleo ali vanu vendi.

Kwituluka mu Mashiko 9:11

Munima ya matangwa aje makumi awana a mutanya na vutsiki, Shukulu Kalunga wanjanene vitale vivali vya mamanya aje wasonekeleo cikumiiyo.

Kwituluka mu Mashiko 9:9

Co omo njalamatele ku munkinda nakutambula vije vitale vya mamanya, vitale vya cikumiiyo cije walikumiiye Shukulu Kalunga, njakele kuje ku munkinda makumi awana a matangwa mutanya na vutsiki, co kunjalile vyakulya nambe kunwa mema.