1 Vimyene 7:50 - Livulu lya Shukulu Kalunga

⁵⁰ na vinganja, na vyakuzimisa vindeya, na malonga, na vimbashiya vya insense, na vikango vyakwambatela manungu a tuhya, na vikwateso vya mapito a ku Mwela Wakujela Manene, na vikolo vya anja ya Njuvo ya Shukulu Kalunga. Vivala vyoshe evi vavilingisile ngolinde.

1 Vimyene 7:50 Iomraidhean Croise

2 Vimyene 12:13

Oloni kuvapangesele vije vimbongo vivanenele mukufweta vaka-kupanga vinganja vya siliva na malonga na malupembo, nambe vivala vya citumbikilo ca vindeya, nambe cuma cimo ca siliva, nambe ca ngolinde.

2 Vimyene 25:15

Co vambatele tumalonga twatundondo na vikango vyakwambatela manungu a tuhya.

Kutuuka 25:29

Co fula malonga, na vinganja, na vinjava, amo na tulonga twatundondo twakupangesa a milambu ya vinyu. Co vyoshe evi vifule na ngolinde yakujela.

Kutuuka 25:38

Co fula vimana vyawo na malonga akushalamena a ngolinde yakujela.

Kutuuka 27:3

Fula mapanda akukundwila lito, vifwosholo, na tulonga, na vikwateso, na mapanda akwambatela tuhya a liko. Vyoshe evi vyakupangesa vipwe vyakufula na vunengu.

Njelemiya 52:19

Co vambatele tumalonga twatundondo, na vikango vyakwambatela manungu a tuhya, na malonga aje vapangesele mukukwatelao maninga a vin̄ombelo, na malonga akukwatela lito, na citumbikilo ca vindeya, na malonga akukunama akukwatela insense, na malonga akukunama akupangesa mukwitila vin̄ombelo vya vinyu, na vyuma vyoshe vije vavilingile na ngolinde na siliva.

Ezekiyele 41:4

Wasetekele mulili uje wakele ku shongo ya Mwela Wakujela, wapwile mamita likumi mwoshe nomu-nomu. Asinoni uje munalume wendekele kuli yange ngwendi, “Ou ukewo Mwela Wakujela Manene.”

VaLevi 16:12

Co akambate cikango cije cinashulu na manungu aje alinakwenyuka tuhya akutunda ku mutula, na mavoko avali akushula na insense yakutwa mwamuvwa nakuvinena mu Mwela Wakujela Manene.

Zakaliya 14:20

A litangwa lije vakasoneka a vingenjo vya tuvalu ngwavo, “Vyakukundika kuli Shukulu Kalunga.” Vindeo vya mu Njuvo ya Shukulu Kalunga vikapwa vyakujela ngwe malonga a ku mutula.

Kulava 7:86

Valambwile lalo mambashiya a ngolinde likumi na avali akushula na insense, vulemu vwao vwapwile makilo 1.32, ngwe ku vulemu vuje vemika.