1 Vimyene 6:6 - Livulu lya Shukulu Kalunga

⁶ Co mulili umo na umo wa njuvo ya kwisi wakele na mamita 2.2 mu vwihi, co mulili wa mukati wapwile mamita 2.7 mu vwihi, mulili wa akamwa wapwile mamita 3.1 mu vwihi. Omwo anja akele viyakelo ku civumbe ca Njuvo ya Shukulu Kalunga mukuyizengeleka, ngeci mikambo kesi ikwate ku civumbe.

1 Vimyene 6:6 Iomraidhean Croise

1 Vimyene 6:5

Co ku vivumbe vya anja, ku mitambela yoshe ivali, na kunima ya Njuvo ya Shukulu Kalunga, vatungilileko vinjuvo vitatu vyakutulikila vyakutungila imo akamwa ya ikwavo, imo na imo mu vulaja vwa akamwa vwayo yapwile mamita 2.2.

1 Vimyene 6:7

Mamanya aje vatungisile Njuvo ya Shukulu Kalunga vawashongelele kuje ku citapu, ngeci kesi kukale muyoyo wa tuvulo, na vinjaviti, nambe vikuvo vimo omo vanu vakele nakutunga Njuvo ya Shukulu Kalunga.

2 Mizimbu 3:1

Mwene Ndaviti, ishe ya Solomoni, wavwaeselele cimweja mwela wakutungila Njuvo ya Shukulu Kalunga. Mwela wakele mu Yelusalema, ku Munkinda wa Moliya, kuje Shukulu Kalunga walisholwele kuli Ndaviti ku lijungwilo lya Alauna kaNjevushi. Co Mwene Solomoni washangumukile kutunga Njuvo ya Shukulu Kalunga

Ezekiyele 41:6

Milili eyi yakele mu mindando itatu. Co a mundando umo na umo akele milili makumi atatu. Milili eyi yakele na vikwateso vije vyazengelekele civumbe ca vinjuvo vya kumukulo, oloni vikwateso vije kuvavikwatesele ku civumbe ca Njuvo ya Shukulu Kalunga.