1 Vimyene 6:5 - Livulu lya Shukulu Kalunga

⁵ Co ku vivumbe vya anja, ku mitambela yoshe ivali, na kunima ya Njuvo ya Shukulu Kalunga, vatungilileko vinjuvo vitatu vyakutulikila vyakutungila imo akamwa ya ikwavo, imo na imo mu vulaja vwa akamwa vwayo yapwile mamita 2.2.

1 Vimyene 6:5 Iomraidhean Croise

1 Vimyene 6:16

Mulili wa mukati uvatumbwile Mwela Wakujela Manene, vautungilile kunima ya Njuvo ya Shukulu Kalunga. Vulaja vwawo vwapwile mamita 9, co vautepesele na mavaya a kendale kutunda asi nakweta kwilu.

1 Vimyene 6:31

Vashongele mapito avali a mavaya a miti ya olive vaakele ku cikolo ca ku Mwela Wakujela Manene, co civumbe ca akamwa ya cikolo cafwile ngwe vuta vwa lusipa vwakulema.

1 Vimyene 6:6

Co mulili umo na umo wa njuvo ya kwisi wakele na mamita 2.2 mu vwihi, co mulili wa mukati wapwile mamita 2.7 mu vwihi, mulili wa akamwa wapwile mamita 3.1 mu vwihi. Omwo anja akele viyakelo ku civumbe ca Njuvo ya Shukulu Kalunga mukuyizengeleka, ngeci mikambo kesi ikwate ku civumbe.

1 Mizimbu 23:28

co vipangi vyavo vyapwile evi, kukwasa vaka-kukombelela vakutunda kuli Alone akulemesa kwa mu Njuvo ya Shukulu Kalunga, kuvwaesa mu vipango na milili yamwo, nakujelesa vyuma vyoshe vyakujela ngeci kesi vijwale,

1 Mizimbu 28:11

Ndaviti waanene Solomoni vutumbe vwoshe vwakutunga Njuvo ya Shukulu Kalunga, na milili yakutulikila, na milili ikwavo, na Mwela Wakujela Manene, muje mwakusambesela vuvi.

1 Mizimbu 9:26

Co vakulunu vaje vawana vapwile vaLevi, vakevo lalo vanyungile milili ya mu Njuvo ya Shukulu Kalunga, na vivala vije vyakelemo.

2 Mizimbu 31:11

Hezekiya washikile ngeci vavwaese milili yakutulikila ije yakele mu Njuvo ya Shukulu Kalunga,

2 Mizimbu 4:20

na citumbikilo ca vindeya na vindeya vyavivwa vya ngolinde vije vyakele nakushukuma kulutwe lwa Mwela Wakujela Manene ngwe muvayongwelelemo,

2 Mizimbu 5:7

Asinoni vaka-kukombelela vambatele Cikasa ca Cikumiiyo nakucaka mu Njuvo ya Shukulu Kalunga, co vacitumbikile mu Mwela Wakujela Manene, mwisi ya vakelumbi va mambava.

2 Mizimbu 5:9

Co mikambo yapwile yailaja manene ngeci vishongo vyayo vasele kuvimona akwimana kulutwe lwa Mwela Wakujela Manene, oloni mikambo kuvasele kuyimona vaka-anja. (Co ije mikambo na lelo lino kuyicili.)

Nehemiya 10:37

Co tukatwala kuli vaka-kukombelela mu Njuvo ya Shukulu Kalunga, mukasha wakutika wa vimbuto vyakulivanga, vije vitunateje a mwaka na mwaka, na milambu yetu ikwavo ya vinyu, na mazi a olive, na miyati yoshe ya vushuka. Tukatwala kuli vaLevi, ava valinakutambula camulikumi ku vyakulima vyetu mu membo, na cavulikumi ca ku vimbuto vije vilinakumena mu lifuti lyetu.

Nehemiya 12:44

A simbu ije vemikile vanu vaka-kunyunga ku milili yakutulikila milambu ya ku Njuvo ya Shukulu Kalunga, amo na vyavulikumi, na vimbuto vyakulivanga, na vushuka vuje vuvatejele a mwaka na mwaka. Vanu ava vakele na moko yakutambula milambu ku mahya aje akele kuyehi na vinganda vyakuliseza-seza, amo na milambu yakukwasa vaka-kukombelela na vaLevi, kwesekesa ku Mashiko. Vanu voshe va Yunda vavwaelelele na vaka-kukombelela na vaLevi,

Myaso 28:2

Njitolilile omo njitambeka kuli yove ngeci unjikwase, omo njolola mavoko ange ku Njuvo yove yakujela.

Kutuuka 25:22

Co njikakuwana muje mu Mbalaka Mwakuliwanena akamwa ya cifwiko ca mema ku mbunge, mukati ka vaje vakelumbi vavali va mambava, co njikakwana mashiko ange oshe aali vanu va Isalele.

Myaso ya Solomoni 1:4

Njiye amo nove, tushatuke lumbisi, pwa mwene yange, co njikovelese mu milili yove. Tuvwaelela nakujolela muli yove, tukashangazala cizemo cove kutuvakana vinyu. Kucikomokesa omwo vambanda voshe vakuzema.

Njelemiya 35:2

“Ya kuli vaka-cikota ca vaLekave ukendeke navo. Ya ukavatwale mu mulili umo wa mu Njuvo yange nakuvana vinyu.”

Njelemiya 35:4

co njavanenele ku Njuvo ya Shukulu Kalunga. Njavatwalele ku mulili wa Hanane muka-kwimanena muna Ingendaliya. Mulili ou wakele kuyehi na milili ya vamyata vakwavo, co mulili wa Hanane muka-kwimanena wakele akamwa ya mulili wa Maseya muna Shalume, uje wapwile mwata wakama mu Njuvo ya Shukulu Kalunga.

Ezekiyele 40:17

Co uje munalume wanjitwalele nakutuvakana mu ngila ya cikolo nakweta ku cipango ca mbanja. Kwakele milili makumi atatu yakutungila ku vivumbe vya anja, co kulutwe lwayo kwakele mutambela wakujala mamanya,

Ezekiyele 40:44

Asinoni wanjinenele mukati ka cipango ca mbanja. Co kuje kwakele milili ivali yakukengesela mukati ka cipango ca mbanja, umo wakengesele ku mutambela wa mu mbwela ku cikolo ca ku kunto, co ukwavo wakengesele ku mutambela wa ku kunto ku cikolo ca mu mbwela.

Ezekiyele 41:4

Wasetekele mulili uje wakele ku shongo ya Mwela Wakujela, wapwile mamita likumi mwoshe nomu-nomu. Asinoni uje munalume wendekele kuli yange ngwendi, “Ou ukewo Mwela Wakujela Manene.”

VaLevi 16:2

Co Shukulu Kalunga wendekele ngwendi, “Leka ndolome yove Alone ngwove, kuvanga a simbu ije lika vemika ikeyo yakaita kunima ya livamba mukukovela mu Mwela Wakujela Manene, omwo muje mukemwo munjikasholokela mu lishelwa akamwa ya cifwiko ca Cikasa ca Cikumiiyo. Nga kononoka, co akatsa.

Kulava 7:89

Omo Mosesa washakele kwendeka na Shukulu Kalunga, co wakovelele mu Mbalaka Mwakuliwanena, co wazivile lijwi lya Shukulu Kalunga lyakele nakwendeka nendi akamwa ya cikasa ca Cikumiiyo mukati ka vakelumbi va mambava vavali.