1 Vimyene 6:35 - Livulu lya Shukulu Kalunga

³⁵ co vawatalekele nakuwacakeya na vakelumbi va mambava, na miti ya mashakavale, na vishani, vije vivafwikile na ngolinde.

1 Vimyene 6:35 Iomraidhean Croise

1 Vimyene 6:18

Mavaya a kendale akushela vaacakeyeye na vyakutaleka vya vishuwa na vishani, co vivumbe vyoshe vya mukati vavifwikile na kendale, ngeci mamanya a vivumbe kesi asholoke.

1 Vimyene 6:34

Kwakele mapito avali akweteka a mavaya a tulipi,

1 Vimyene 6:36

Cipango ca mukati vacitungilile kulutwe lwa Njuvo ya Shukulu Kalunga, vacishokele na vivumbe vya mamanya akushonga vije vyakele na mukana umo wa mikambo ya kendale ku mukana umo na umo waije mikana itatu.

1 Vimyene 7:26

Co mitambela ya lizau yapwile mamilimita 75 a kuhima ngwe mbanda ya livoko. Co kanwa kalyo kafwile ngwe ku kanwa ka nganja, yakutaleka akamwa ngwe vishani vya man̄anda. Co lije lizau lyakele nakushula na mema akupwa malita 40,000.

1 Vimyene 7:36

Co vyakwimanena na vikwateso vavicakeyeye na vifwa vya vakelumbi va mambava, na vindumba, na miti ya mashakavale, oshe aje akele mwela wavyo, kwoshe vazengelekeleko mukole wauvwa wakwosha.

2 Mizimbu 4:21

vishani vyakucakeya, na vindeya, na vimana,

2 Mizimbu 4:22

na vyakuzimisa vindeya, na malonga, na vimbashiya vya insense, na vikango vyakwambatela manungu a tuhya. Vivala vyoshe evi vavilingile na ngolinde yakujela. Mapito a anja ya Njuvo ya Shukulu Kalunga, na mapito a ku Mwela Wakujela Manene vyapwile vya ngolinde.

Myaso 74:6

Vatavozwele mavaya oshe akushonga mwamuvwa, na vinjaviti vyavo na vundoma.

Ezekiyele 40:16

Kwakele vimbengwa vyavindondo mu vivumbe vya anja vya ku milili yoshe na mu vivumbe vya mukati ka milili a vivumbe vya mukati vije vyalishungamene na ngila ya mukati vatalekeleo vimweso vya miti ya mashakaVaLe

Ezekiyele 40:22

Co mulili wakama na vinjanena na vivumbe vyakutaleka vimweso vya miti ya mashakavale vyalifwile ngwe vije vya ku cikolo ca mu ngangela. Kuje lalo vindendelo vitanu na vivali vyakengesele ku cikolo, co mulili wakama wakele ku shongo kulishungama na cipango ca mbanja.

Ezekiyele 41:18

na vimweso vya miti ya mashakavale na vakelumbi. Co miti ya mashakavale yakele akati ka kelumbi umo na umo ngeci vashungame mu mikana yoshe kuzengeleka mulili. Co kelumbi umo na umo wakele na vihanga vivali,