1 Vimyene 5:18 - Livulu lya Shukulu Kalunga

¹⁸ Vanu va Solomoni, na vanu va Hilame, na vanalume vaje vatundile mu nganda ya Ngembale vavwaesele mamanya na viti vyakutungisa Njuvo ya Shukulu Kalunga.

1 Vimyene 5:18 Iomraidhean Croise

1 Vimyene 5:4

Oloni ololo Shukulu Kalunga Njambi yange nanjana kwoloka ku vinginga vyange vyoshe. Kunjesi na vitozi, co lalo kukwesi vushonde vwakulwa.

1 Mizimbu 22:2

Mwene Ndaviti waanene lishiko kuli vaka-kwija vaje vakele mu lifuti lya Isalele ngeci vakunguluke, co wavanene vipangi. Vamo vapwile vaka-kushonga mamanya akutungisa Njuvo ya Shukulu Kalunga.

Myaso 83:7

na vanu va ku Ngembale na vanu va ku Amoni, na vanu va ku Amaleke na vanu va ku Filisitiya na vanu va ku Tile.

Ezekiyele 27:9

Vaka-kushonga vwato vapwile vaka-kulilongesa manene va ku Ngembale. Vaka-kujavula vatundile ku mitambela yoshe, valandele mu mavenda a mu vikuma vyove.’

Yoshwa 13:5

na lifuti lya vaNgembale, na mu ngangela ya Lembanone mwoshe, kutunda ku Mbalengande, ije yakala mu mbwela ya Munkinda wa Helemone, nakweta ku Ngila ya Hamate.