1 Vimyene 4:33 - Livulu lya Shukulu Kalunga

³³ Wendekele a miti na vyakumena, kushangumukila ku miti ya kendale ya Lembanone, nakweta ku hisope, miti ije yamena a vivumbe, co Solomoni wendekele lalo a tusitu, na a tuzila, na a vyakulikoka asi, na a visi.

1 Vimyene 4:33 Iomraidhean Croise

1 Vimyene 4:32

Co wasonekele visimo vyakupwa 3,000, na myaso yakutuvakana 1,000.

1 Vimyene 4:34

Co vimyene voshe va mu kaye vazivile a mana a Solomoni, co vatumineko vanu kuya nakumutolilila.

2 Vimyene 19:23

Yove watumine miluwa vove nakulishasha kuli yange ngwove na matemba ove oshe, wafungulwile minkinda yailaja ya Lembanone. Walishashele ngeci yove washinjile miti yailaja ya kendale, na miti yaivwa ya sipelese, co ngwove waketele ku vishwata vyakuzika manene.

Myaso 51:7

Tundisa vuvi vwange, co njikajela, njijwelese, co njikatoka too ngwe mema akukonda.

Myaso 92:12

Vaka-vushunga vakavezika ngwe miti ya mashakavale, co vakola ngwe miti ya kendale ya ku Lembanone.

Kutuuka 12:22

Co noneni kacishamo ka hisope, kambwitikeni mu lilonga muje muli maninga a cimuna, kwiteni aje maninga a vivuliko vya cikolo na akamwa ya cipamba ca njuvo, naumo wai akatuuka anja ya njuvo noo mutondo.

Myaso ya Solomoni 4:8

Ija tuye amo nange tutunde ku Lembanone, shombolwa yange, ija tuye amo nange tutunde ku Lembanone. Shelumuka utunde akamwa ya Munkinda wa Amana, utunde ku Munkinda wa Senile na ku Munkinda wa Helemone, kuje kwakala vindumba na viingwe.

Myaso ya Solomoni 5:15

Mendi endi anapu ngwe vimanda vya mamanya akutoka akulambesa, akwimika a vwimaneno vwa ngolinde. Cifwa cendi ngwe Munkinda wa Lembanone, cacivwa manene ngwe miti ya kendale.

VaLevi 14:51

Asinoni akanone tuviti tuje twa kendale, na hisope, na mukole wakuvenga, na kazila wa mwonyo, co akavimbwitike mu maninga akazila uje ivanatsiile, na mu mema aje amavwa. Co akashamwine a njuvo visimbu vitanu na vivali.

Kulava 19:18

Asinoni munu uje najele akambate kacishamo ka hisope nakukambwitika mu mema, nakushamwina aje mema a mbalaka ije, na a vivala vyoshe vilimo, na ali vanu vaje valimo. Mu ngila eyi vene mukemwo vakajelesa munu uje nakwatele a citsiya ca munu wa kutsa, nambe a civimbi ca munu uje natsi ku monde, nambe uje nakwata a mbumbo.

Kulava 24:6

Ngwe vyana vyakujanjavala, nambe ngwe myaaka ya ku n̄ondo ya ndonga, nambe ngwe malimangango aje akunine Shukulu Kalunga, nambe ngwe miti ya kendale ya ku ngenge ya ndonga.

VaHevelu 9:19

Akulivanga, Mosesa walekele vanu mashiko a Njambi oshe, ngwe muvaemikile. Co wambatele maninga a vana va vingombe va nkomba na vimembe nakwawakumbasana amo lika na mema, co waashamwinine a livulu lya Lishiko na a vanu voshe na kacishamo ka hisope, co na a a vimanga akuvenga.