1 Vimyene 4:30 - Livulu lya Shukulu Kalunga

³⁰ Solomoni wakele na mana manene kutuvakana mana a vaje vanu vakele mu ngangela, nambe kutuvakana vanu vaka-mana va mu Ingito.

1 Vimyene 4:30 Iomraidhean Croise

Kushangumuka 25:6

oloni omo simbu wakele nakuyoya, Avilahama wapangezelele vwana kuli vana vendi vaje vakitilile kuli vanakazi vendi va mbanja. Asinoni watumine ava vana ku lifuti lya mu ngangela, kulyala na munendi Isake.

Kushangumuka 29:1

Asinoni Yakomba waile vungenzi vwendi, ku lifuti lya mu ngangela.

1 Vimyene 10:23

Mwene Solomoni watuvakanene vimyene voshe ku vufuko na mana.

Yombi 1:3

co wakele na vimanga vakupwa 7,000, na tumelo vakupwa 3,000, na vingombe vakupwa 1,000 vakulimisa, na vimulu vakupwa 5,000. Wakele lalo na vangamba vavangi manene, co munalume ou wapwile wakufuka manene kutuvakana vanu voshe vaje vakele mu ngangela.

Muka-kwambulula 1:16

Njalyendekesele mu mbunge yange ngwange, “Njili na mana manene kutuvakana voshe vaje vashwanene mu Yelusalema. Njili na cizango cakulilongesa, co njalilongesa vyuma vyavingi.”

Ezekiyele 25:4

Omwo yeni mwavwaelelele, njikamikundika ku mavoko a vanu vakutunda mu mambo ya mu ngangela ngeci vakamifungulule. Co vakatunga vilombo vyavo mu lifuti lyeni nakukalamo. Vakalya vushuka nakunwa mavele vije vyapandele kupwa vyeni.

Ndanyele 1:20

Co mu vyuma vyoshe vya mana na vyakuzivisisa vije vyavehwile mwene, wavawanene ngeci vaje vakwenje vawana vakele na mana manene visimbu likumi kutuvakana vaka-kutaa nambe vaka-manseno va mu lifuti lyendi lyoshe.

Ndanyele 4:7

Co voshe vaka-kutaa na vaka-manseno na valozi, na vaka-kulukiya vezile, co njavalekele njozi yange, oloni kuvasele kunjilumbunwinayo.

Mateo 2:1

Omo Yesu wasemukile mu Mbetelehema, mu lifuti lya Yunda, a simbu ya Mwene Helonde, vaka-mana vatundile mu ngangela, vakevo valilongesele vya vingongonosi, vezile ku Yelusalema

Mateo 2:16

Omo Helonde wamwene ngeci vaka-mana vaje vatundile mu ngangela vanamukwisa, waluvalele manene. Watumine mashwalale vendi ngeci vatsiye vanike voshe va vanalume vaje vakele mu Mbetelehema na mu membo akwatako, washikile ngeci vatsiye vanike vaje vakele na myaka ivali na vaje vavandondo, ngwe muje mwakon̄ele vaka-mana a simbu ije omo ngongonosi yasholokele.

Vilinga vya Miluwa 7:22

Co vamulongesele mana oshe a vaka-Ingito, co wapwile munalume wakama mukwendeka kwendi na mu vilinga.

Maako 6:33

Asinoni vaMindyani voshe, na vaAmaleke, na vanu va mu mambo vezile amo voshe, vajavukile Ndonga ya Yondau, co vatungile cilombo mu Cana ca Njezelele.