1 Vimyene 4:29 - Livulu lya Shukulu Kalunga

²⁹ Njambi waanene Solomoni mana nakuzivisisa nakuzivuka, mana aje apwile akama manene aje naumo wai wasele kuwesekesa.

1 Vimyene 4:29 Iomraidhean Croise

Kushangumuka 41:49

Kwakele tiliku yaingi manene ije Yosefa kasele kuyeseka, yapwile ngwe lishen̄avu lya ku mema a kalunga.

1 Vimyene 3:12

co njikakulingila evi unalombo. Njikakwana mana nakuzivisisa kwakama kutuvakana vaje vakeleko akulivanga, nameme vaje vakaija munima yove.

1 Vimyene 3:28

Omo vanu va Isalele vazivile majwi akusompa kwa Solomoni, vakele na kasingimiko kakama manene ali ikeye, omo vazivukile ngeci mwa vushunga vene Njambi namwana mana akusompa vin̄anda mu vushunga.

1 Vimyene 4:20

Vanu va Yunda na Isalele vapwile vavangi manene ngwe lishen̄avu lya ku cikuma ca mema a kalunga, valile na kunwa, co vavwaelelele.

Myaso 119:32

Njikakakateya kwononoka mashiko ove, omwo yove unanjana kuzivisisa mwamuvwa.

Myaso 119:34

Njane mana ngeci njinyunge mashiko ove, co njikawononoka na mbunge yange yoshe.

Visimo 2:6

Shukulu Kalunga akana mana, kuli ikeye kutunda mana nakuzivisisa.

Muka-kwambulula 1:16

Njalyendekesele mu mbunge yange ngwange, “Njili na mana manene kutuvakana voshe vaje vashwanene mu Yelusalema. Njili na cizango cakulilongesa, co njalilongesa vyuma vyavingi.”

Muka-kwambulula 2:26

Njambi aana mana, nakuzivuka, nakuvwaelela kuli vaje vamuvwaelelesa, oloni akapangesa vaka-vuvi, kuwana nakutulika, ngeci vije vivawana vavyane kuli vaje vamuvwaelelesa. Evi vyoshe vinapu vyangoco, vinapu lika ngwe kusheka lihunzi.

Isaya 60:5

Ukamona vyuma evi, co ukajolela manene, co mbunge yove ikashula nakujolela. Vufuko vwa miyati ya vanu veka vakavunena kuli yove, vukatunda musambwa ya mema a kalunga.

Njelemiya 33:22

Njikatumisa manene vatekulwila va ngamba yange Ndaviti nakutumisa vaka-kukombelela va ku muyati wa Levi, ngeci naumo asa kuvalava wai, vakapwa ngwe vingongonosi vya mwilu, nambe ngwe lishen̄avu lya ku cikuma ca mema a kalunga.”

Ndanyele 2:21

Akatengulula visimbu na myaka, atumbika vimyene nakutundisa vimyene. Akana mana nakuzivisisa.

Hambakuke 1:9

“Omo mbunga ya mashwalale va vaMbambilone vaya kulutwe mukulwa, co vapangesa nzili na muuka mukufungulula munu woshe. Omo vashwenya kuyehi, munu woshe-iwoshe alijajela na lyova. Co vambata vinzinda vavangi manene vaje naumo wai asa kuvalava.

Yakomba 1:17

Cashu coshe cacivwa na vwana vwoshe vwavuvwa vyatunda mwilu, vyatunda kuli Njambi, Ishamatanga wa vyeke vya mwilu, uje kesi kutenguluka nambe kunena lisusulungu akutenguluka.

Yakomba 1:5

Oloni nga kuli umo weni najeneka mana, alombe kuli Njambi, uje akamwanawo, omwo Njambi akana kuli vanu voshe nakushemutuka na kutetela.

Yakomba 3:17

Oloni mana akutunda mwilu akulivanga apwa akujela, co apwa a kwoloka na vuvwa na vusamba, ashula na mema ku mbunge, co akasholola kuteja kwakuvwa kwa vilinga vyavivwa, co kuwakele na cizindo nameme na civembulu.

Maako 7:12

Co vaMindyani, na vaAmaleke, na vanalume va miyati ya vanu va mu mambo valishandwelele mu cana ngwe vimbimba mikumbi, co vakevo vakele na tumelo vavangi ngwe lishen̄avu lya ku ngenge ya mema a kalunga.