1 Vimyene 4:27 - Livulu lya Shukulu Kalunga

²⁷ Co vanguvulu vendi likumi na vavali, umo na umo a ngonde wakele nakunenela Mwene Solomoni vyakulya vije vivashakele voshe vaje vakele nakulila mu lipela, co simbu yoshe vakele nakwana vyuma vyoshe vije vyashakiwile.

1 Vimyene 4:27 Iomraidhean Croise

1 Vimyene 4:26

Solomoni wakele na tuvalu vakupwa 40,000 va matemba a visileyi, na vaka-kulonda a tuvalu vakupwa 12,000.

1 Vimyene 4:28

Nguvulu na nguvulu lalo wakele nakwana litambelo lyendi lya mbale ya maumwa na mwila ku tuvalu va matemba na tuvalu vakwavo kuje vyashakiwile.

1 Mizimbu 27:1

Ou ukewo mukana wa vakulunu va mu naanga ya vaIsalele na vantwama va vikota na vamyata vavo vaje vatwamenenene vipangi vya vumwene. A ngonde na ngonde, a mwaka uje vene, munga yeka ya vanalume vakupwa 24,000 vakele na kulyakula-akula vipangi mwisi ya muka-kushika wa mu ngonde ije.

1 Samwele 8:12

Co akapwisa vamo kushika vanu 1,000, vamo kushika makumi atanu a vanu. Co vana veni va vanalume vakalima mahya endi, na kuteja vimbuto vyendi, co vakapanga vitwa vya nzita, na vivala vya matemba.