1 Vimyene 22:46 - Livulu lya Shukulu Kalunga

⁴⁶ Co ikeye washekele voshe vikwizi va vanalume na ava va vanakazi vaje vakele nakupanga ku mitula ya vinjambi va makuli vaje vasaleleo kutunda ku matangwa a ishe Asa.

1 Vimyene 22:46 Iomraidhean Croise

Kushangumuka 19:5

Vasanene Lote nakumwihula ngwavo, “Vali kulijo vaje vanalume vaneja kuli yove vutsiki vuno? Tutuwisilevo ano anja!” Vanalume va mu Sondoma vendekele ngacije omwo vashakele kulala navo.

1 Vimyene 14:24

Vuvi vwakama manene vuvalingile ovu, kwakele vanalume na vanakazi vaje valingile vukwizi ku mitambela yakulemesela ya vaka-kujeneka kukulaela. Co vanu va Yunda valingile vyuma vya vunyengwe manene vije vivalingile vanu vaje vashekele Shukulu Kalunga mu lifuti muje muvaile vaIsalele.

1 Vimyene 14:29

Vyuma vyeka vije vyalingile Mwene Lehovowame vavisoneka mu Livulu lya Mizimbu ya Vimyene va mu Yunda.

1 Vimyene 15:12

Ikeye washekele mu lifuti vikwizi voshe va vanalume na ava va vanakazi, vaje vakele nakupanga ku mitambela ije ivakele nakulemesela vaje vaka-kujeneka kukulaela, co ikeye watundisile tumponya twoshe tuje tuvalingile vaje vaashwanene.

1 Kolinte 6:9

Mwa vushunga mwazivuka ngeci vaka-vuvi kuvakashwana Vumwene vwa Njambi. Kesi mulikwise yeni vavenya, vaka-vukwizi nambe vaka-kulemesa tumponya nambe vaka-vupangala nambe vaka-vundei

Kwituluka mu Mashiko 23:17

“Kesi kukakale cikwizi akati ka vana va vanakazi va vaIsalele, nambe kesi kukakale vundeyi akati ka vana va vanalume va vaIsalele embwe.

1 Timateo 1:10

na kuli vaka-vupangala, nambe kuli vanalume vaje vaka-kulinga vundei na vakwavo vanalume lalo na kuli mangwangwa, na kuli vaje vaka-kwendeka makuli nakwana vukaleo vwa makuli nambe kulinga cuma cimo ca ngila ikwavo yakunyongesa vilongesa vya vushunga.

Yunda 1:7

Anukeni Sondoma na Ngomola, na vinganda vije vyateleko, vije vanu vamwo valingile ngwe muje muvalingile vaje tungelo mukulikundika ku vilinga vya vupangala na mu mashungu amavi, vayanda na n̄avava ya cihiso ca tuhya ca myaka yoshe kupwa kunangula kwa mutanya mwelu kuli voshe.

Maako 19:22

Omo vakele nakulivwaelelesa vakevo vavenya, co vanu vaka-vuvi vezile kutunda muje mu limbo, vazengelekele ije njuvo nakushangumuka kumbombola a lipito. Co vendekele kuli uje mukulunu wa munalume ngwavo, “Tuwisa uje munalume naija ku njuvo yove! Tushaka kulala nendi!”