1 Vimyene 22:16 - Livulu lya Shukulu Kalunga

¹⁶ Oloni Ahave wamukumbulwile ngwendi, “Omo wendeka kuli yange mu lizina lya Shukulu Kalunga, unapande kwendeka vushunga! Visimbu vingaijo njikakuleka ngacije?”

1 Vimyene 22:16 Iomraidhean Croise

1 Vimyene 22:15

Omo ikeye wetele ku mesho a Mwene Ahave, co mwene wamwihwile ngwendi, “Mikaya, citava ngeci Mwene Njosefati nange tuye tukalwise Lamote, indi embwe?” Co Mikaya wamukumbulwile ngwendi, “Eyo, yeni mukalwe! Mwa vushunga mukahyana. Shukulu Kalunga akamyana nzili yakuvafungulula.”

1 Vimyene 22:17

Mikaya wamukumbulwile ngwendi, “Mu cimona njamwene mashwalale va Isalele valishandokela akamwa ya malundu ngwe vimanga vakujeneka kanyungi. Co Shukulu Kalunga wendekele ngwendi, ‘Ava vanu kuvesi na ntwama, veceleni veluke ku membo mu kwoloka.’ ”

2 Mizimbu 18:15

Oloni Ahave wamukumbulwile ngwendi, “Omo wendeka kuli yange mu lizina lya Shukulu Kalunga, unapande kwendeka vushunga! Visimbu vingaijo njikakuleka ngacije?”

Njelemiya 23:28

Muka-kwimanena uje alota njozi ambulule lika vya njozi yendi, oloni muka-kwimanena uje nazivi majwi ange, napande kuwambulula mu vushunga. Vishati vili na vuvwa mukajo nga vavyeseka na tiliku?

Njelemiya 37:17

Asinoni Mwene Zendekiya wanjisanene mu vushweke mu lipela lyendi, co wanjihwile ngwendi, “Kuli lijwi limo lyatundu kuli Shukulu Kalunga ndi?” Co njamukumbulwile ngwange, “Eyo kulili, Shukulu Kalunga akakwana ku mavoko a mwene wa Mbambilone!”

Njelemiya 38:14

A simbu ikwavo, Mwene Zendekiya washikile ngeci vanjinene kuli ikeye, ku cikolo camucitatu ca ku Njuvo ya Shukulu Kalunga, co wendekele ngwendi, “Njikwihula cihula, njishaka unjileke vushunga vwoshe.”

Kulava 22:38

Mbalame wamukumbulwile ngwendi, “Kenga, njinaija kuli yove. Oloni yange njili na nzili mukajo yakwendeka nambe lijwi limo? Njasa kwendeka lika vije vyanjileka Njambi kwendeka.”

Mateo 26:63

Oloni Yesu wolokele kuluu. Co Muka-kukombelela Wakama wendekele kuli ikeye lalo ngwendi, “Mu lizina lya Njambi wakuyoya, ololo njikuleka ulisinge ngeci utuleke nga yove u Wakuvwavesa, Muna Njambi.”

Mako 5:7

co wakangokele na lijwi lyakama ngwendi, “Vika ushaka kulinga nange ove Yesu, Muna Njambi wa Akamwa ya Vyoshe? Omwo a lizina lya Njambi, njikulomba ngwange, kesi unjihise embwe!” (

Vilinga vya Miluwa 19:13

Asinoni vaYunda vamo vakele nakwendangana nakutundisa minzizime yakujwala navo lalo vesekele kupangesa lizina lya Mwene Yesu mukulinga cuma eci. Co vendekele ku minzinzime yakujwala ngwavo, “Njikushika mu lizina lya Yesu uje yalinakwambulula Paulu.”

Yoshwa 6:26

A simbu ije Yoshwa walisingile cisingo ngwendi, “Munu woshe uje akatungulula nganda ya Yeliko akapwe wakusinga ku mesho a Shukulu Kalunga. Woshe uje akainda luvula, munendi wa ntwatwa akatsa, co woshe uje akatungulula vikolo, munendi wa mutinikila akatsa.”

1 Samwele 14:24

A litangwa lije vaIsalele vazeyele na njala, omwo Saulu walisingile cisingo, co washikile ngwendi, “Cisingo cikale ali munu woshe uje alya vyakulya lelo simbu kanda njilinge shambandinga vitozi vange.” Ngecivene, naumo wai walile cuma litangwa lyoshe.