1 Vimyene 22:14 - Livulu lya Shukulu Kalunga

¹⁴ Oloni Mikaya wamukumbulwile ngwendi, “Mu lizina lya Shukulu Kalunga njilikumiiya ngeci njikendeka vene evi ikeye anjilekavyo!”

1 Vimyene 22:14 Iomraidhean Croise

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

1 Vimyene 18:10

Njilisinga mu lizina lya Shukulu Kalunga, Njambi yove wakuyoya ngwange mwene nalanya cilanyo caali yove mu lifuti lyoshe lya mu kaye. Oshe aje muka-kushwana wa lifuti lika nambe lika alinga vukaleo ngeci kuwesimo mu lifuti lyendi, co Ahave ehula uje muka-kushwana alisinge ngeci kuvasa kukuwana.

1 Vimyene 18:15

Elinja wamukumbulwile ngwendi, “Ali Shukulu Kalunga Muka-nzili yoshe, ou injapangela, njikuleka ngwange njikalisholola yange vavenya kuli mwene ku litangwa lya lelo.”

1 Vimyene 22:13

A simbu ije vene, uje mwata waile nakukasana Mikaya wayevetelele Mikaya ngwendi, “Vaka-kwimanena voshe vanendeka lijwi limo, nove majwi ove alitombole na majwi a vakweni.”

Njelemiya 23:28

Muka-kwimanena uje alota njozi ambulule lika vya njozi yendi, oloni muka-kwimanena uje nazivi majwi ange, napande kuwambulula mu vushunga. Vishati vili na vuvwa mukajo nga vavyeseka na tiliku?

Njelemiya 34:6

Asinoni njalekele majwi awa Mwene Zendekiya mu Yelusalema,

Njelemiya 42:4

Co njakumbulwile ngwange, “Mwamuvwa manene, njikalombela kuli Shukulu Kalunga Njambi yetu, ngwe mumunalombo, mwoshe mwakendeka, njikamileka, co kunjikamishwekela cuma nacimo cai.”

Kulava 22:18

Oloni Mbalame wavakumbulwile ngwendi, “Nameme nga Mbalake akanjana siliva yoshe na ngolinde yoshe ya mu lipela lyendi, oloni kunjasa kuvyana kushika kwa Shukulu Kalunga Njambi yange, nameme kutundisako nambe kwakelako.

Kulava 22:38

Mbalame wamukumbulwile ngwendi, “Kenga, njinaija kuli yove. Oloni yange njili na nzili mukajo yakwendeka nambe lijwi limo? Njasa kwendeka lika vije vyanjileka Njambi kwendeka.”

Kulava 22:8

Co Mbalame wendekele kuli vakevo ngwendi, “Laleni kuno, co imene njikamikumbulula vije vyakanjileka Shukulu Kalunga.” Ngecivene, vaje vantwama va vaMowavi vatumbamene kuli Mbalame.

Kulava 24:13

‘Nameme nga Mbalake akanjana njuvo yakushula ya siliva na ngolinde ya mu lipela lyendi, kunjikasa kuvyana kushika kwa Shukulu Kalunga akulilingila cumacimo yange vavenya nambe cacivwa nambe cacivi. Njikendeka lika vije vyakanjileka Shukulu Kalunga kwendeka.’ ”

2 Kolinte 2:17

Omwo kutwafwile ngwe vavangi vaje vatanganesa lijwi lya Njambi, ngwe kulandulula vyuma vyakujeneka seo, oloni omwo Njambi natutumu, twendeka na kalemeso ku mesho endi, ngwe vangamba va Kilistu.

2 Kolinte 4:2

Ngecivene, a vyuma vyoshe vyalaja vyakushwekesa tunavyumbila kuti, kutwesi nakupanga na vilinga lalo vyakukwisa, nambe kutanganesa lijwi lya Njambi. Oloni mu mutanya mwelu wa vushunga tulinakuyoyela ku mesho a Njambi nakweseka kulikundika yetu vavenya ku munu na munu mu vuvwa vwa citaku-taku cendi.

Ngalatiya 1:10

Kuma eci cimwesa ngwe njilinakushaka vanu ngeci vanjishangale ndi Njambi? Indi njishaka kuvwaelelesa vanu ku vimbunge? Nga yange njilinakushaka kuvwaelelesa vanu, kunjapandele kupwa ngamba ya Kilistu.