1 Vimyene 22:11 - Livulu lya Shukulu Kalunga

¹¹ Umo wavo vaka-kwimanena, Zendekiya muna Kenaana, wafulile vimbinga vya vutale, co wendekele kuli Ahave ngwendi, “Eci cikeco canendeka Shukulu Kalunga ngwendi, ‘Na vimbinga evi ukalwisa vaSilya, co mwa vushunga vene ukavafungulula.’ ”

1 Vimyene 22:11 Iomraidhean Croise

1 Vimyene 22:12

Co vaka-kwimanena voshe vendekele cuma cimo ngwavo, “Ya ukalwise Lamote, co ukahyana. Shukulu Kalunga akakwana nzili yakuvafungulula.”

1 Vimyene 22:24

Asinoni Zendekiya muka-kwimanena waile kuli Mikaya, nakumupupa mbanda ku mesho, co wamwihwile ngwendi, “Munzinzime wa Shukulu Kalunga wasa kutunda muli yange wendeke muli yove?”

Njelemiya 23:16

Shukulu Kalunga Muka-nzili yoshe wendekele kuli vanu va mu Yelusalema ngwendi, “Kesi mutolilile ku vije vendeka vaka-kwimanena, valinakumilongesa vya makuli. Vamileka vije vivalukiya vakevo vavenya, kesi vije vinjendeka yange embwe.

Njelemiya 23:17

Valeka vanu vaje vanavyana kutolilila kuli yange ngwavo vakakala mu kwoloka, co valeka woshe uje nakaluwisa mbunge yendi ngwavo kukwesi vukalu vukaija kuli ikeye.”

Njelemiya 23:25

Yange njazivuka vivanendeka vaje vaka-kwimanena vaje vambulula vya makuli mu lizina lyange, nakwendeka ngwavo njavaleke majwi mu vinjozi vyavo.

Njelemiya 23:31

Co lalo njazinda vaka-kwimanena vaje vendeka majwi avo, co vambulula ngwe atunda kuli yange.

Njelemiya 27:2

njilipangele mandauluwa ya mikole ya vilambu na viti vya vimanda nakuyaka mu mukoshi wange.

Njelemiya 29:21

Shukulu Kalunga Muka-nzili yoshe, Njambi ya Isalele, nendeka ali Ahave muna Kolaya na Zendekiya muna Maseya, vaje valinakumileka makuli mu lizina lyendi. Nendeka ngwendi akavaka mu mavoko a Mwene Nevukaneza wa Mbambilone, uje akavatsiya oku munakengeko.

Ndanyele 8:4

Co njamwene uje lijamba apikisa vimbinga vyendi mu kangombe ka yambi na ku kunto na mu mbwela. Naumo kasitu wai wasele kumuvindika nambe kuputumuka kuli ikeye. Ikeye walingile vyoshe vije vyashakele, co lalo walyalesele.

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Vilinga vya Miluwa 21:11

Co ikeye wezile kuli yetu, wanonele mwiva wa Paulu, waukutile ku mendi endi na ku mavoko endi wendekele ngwendi, “Eci cikeco canendeka Munzinzime Wakujela ngwendi, ou vavenya mwiva vakamukuta vaYunda mu Yelusalema mu cifwa eci, co vakamwana ku mavoko a vaje kesi vaYunda.”

Kwituluka mu Mashiko 33:17

Yosefa wakala na nzili ngwe mpakasha wa nkomba wakulivanga kusemuka, nzili yendi yafwile ngwe vimbinga vya ngombe. Nzili yendi inapu ngwe vanu va Manase 1,000 na nzili ya vanu va Efalime 10,000. Ikeyo yafwile ngwe nzili ya mpakasha ativa miyati ya vanu, nakuvanakwila ku shongo ya kaye.”

2 Timateo 3:8

Ngwe Njane na Njambele valwisile Mosesa, ngecivene, na vanu ava lalo valinakulwisa vushunga, vanu vaje mana avo kuwesi nakupanga, co vanapu vaka-kwonwa mukukulaela.