1 Vimyene 21:3 - Livulu lya Shukulu Kalunga

³ Navote wamukumbulwile ngwendi, “Eci citungu capwile cakushwana kuli vakukulwila vange. Shukulu Kalunga anjivindike kukulandesaco.”

1 Vimyene 21:3 Iomraidhean Croise

Kushangumuka 44:17

Yosefa wendekele ngwendi, “Embwe vakwetu! Kunjasa kulinga ngoco! Kuvanga lika ou ali na nganja ikeye apwa cinzinda cange. Oloni yeni mwasalao mukeluka mu kwoloka kuli ishweni.”

Kushangumuka 44:7

Oloni vamukumbulwile ngwavo, “Vikajo shukulu mwendekela ngacije? Tulisinga ngwetu kutwalingile cuma ca cangacije.

1 Mizimbu 11:19

co wendekele ngwendi, “Yange kunjasa kuwanwa! Cipwa ngwe njilinakunwa maninga ava vanu valambwile myonyo yavo!” Ngecivene, wavyanene kuwanwa. Evi vikevyo vyapwile vilinga vyakwamuka vya mashwalale vaje vatatu vakutsimana.

Yombi 27:5

Co kunjikendeka ngwange yeni munendeka mwa vushunga, omo njicili nakuyoya njikakolesa nakwendeka ngwange yange kunjesi na mulonga.

Ezekiyele 46:18

Mwene kapandele kwambata vufuko vwoshe-ivwoshe vwa vanu. Nga kuli lifuti limo ashaka kwana kuli vana vendi, linapande kupwa lifuti lije lyakundama kuli ikeye, ngeci kesi ayandese vanu vange akuvanyeka lifuti lyavo.”

VaLevi 25:23

“Livu lyeni kesi mukalilandeselele embwe, omwo kesi lyeni, linapu lya Njambi, omwo yeni munapu ngwe vaka-kwija vaje vavanatavesa lika kupangesako ngoco.

Kulava 36:7

Kukwesi vushwana navumo vwai vwa vanu va Isalele vukatunda ku muyati umo nakuvunungulwila ku muyati ukwavo, co vanu va Isalele vakakakateye kunyunga vushwana vwa vaishavo.

Kulava 36:9

Mu ngila eyi vushwana navumo vwai vukatunda ku muyati umo, nakuvunungulwila ku muyati ukwavo, co miyati yoshe ya vanu va Isalele vakakakateye nakunyunga munu na munu vushwana vwendi vavenya.”

Loma 3:31

Kuma eci cinalumbunuka ngeci akukulaela tunavyana Lishiko ndi? Embwe, kesi ngoco, oloni tulinakukolesa Lishiko.

Loma 3:4

Mwa vushunga vene embwe! Njambi napande kupwa wa vushunga, nameme vanu voshe vapwa vaka-makuli. Ngwe muvyendeka visoneka ngwavyo, “Unapande kusholoka muka-vushunga omo wendeka, unapande kuhyana mulonga wove omo vakusompa.”

Loma 3:6

Kesi ngoco embwe! Nga Njambi kesi muka-vushunga, vatijo asompa vaka-kaye?

Loma 6:15

Vatijo twendeka? Tunapande kulinga vuvi, omwo kutwesi ku lishiko oloni tuli mu kutetela kwa Njambi ndi? Embwe kesi ngoco!

Loma 6:2

Embwe kesi ngoco! Tunatsi ku vuvi, co vatijo twasa kuyoyelamo?

Loma 7:13

Oloni kuma eci calumbunuka ngeci cije cacivwa cikeco canenele kutsa kuli yange ndi? Kesi ngoco embwe! Eci calingiwile omwo vuvi, akupangesa cije cacivwa, vuvi vwanenele kutsa kuli yange, ngeci cifwa cavwo cisholoke ngeci mwa vushunga vunapu vuvi. Co mu ngila yakushika oku vuvi vunasholoka kupwa vwavuvi manene.

Loma 7:7

Ngecivene, tunapande kwendeke ngwetu Lishiko likelyo lyapwa vuvi ndi? Kesi ngoco embwe! Oloni lyapwile lishiko lije lyanjilingisile ngeci njizivuke vuvi. Nga Lishiko kulyendekele ngwalyo, “Kesi uliveyele cuma ca mukweni,” nga kunjazivukile lishungu eli.

1 Kolinte 6:15

Mwazivuka ngweni mivila yeni inapu vilyo vya Kilistu. Kuma njasa kutundisa cilyo cimo ca muvila wa Kilistu nakucipwisa cilyo ca cikwizi ndi? Embwe kucitava!

Ngalatiya 6:14

Ngwe ali yange, nameme ngoco, yange njikalyalesa lika a cilindakano ca Mwene yetu Yesu Kilistu, omwo a cilindakano cendi kaye kanatsi kuli yange, co yange lalo njinatsi ku kaye.

Yoshwa 22:29

Ciye kulyala netu kutengulukila Shukulu Kalunga nambe kulikela kumukava akutunga mutula wakwenyekela vin̄ombelo nambe vin̄ombelo vya vimbuto nambe kukombelelao. Yetu kutwapandele lalo kutunga mutula weka kutuvakana mutula wa Shukulu Kalunga Njambi yetu uje unemana kulutwe lwa Mbalaka Mwakuliwanena.”

Yoshwa 24:16

Co vanu vamukumbulwile ngwavo, “Ciye kulyala netu, yetu kutukaseza Shukulu Kalunga nakupangela vinjambi veka embwe!

1 Samwele 12:23

Ngwe ali yange ni, cikale kulyala nange kesi njivulumune kuli Shukulu Kalunga, njilikele kumilombelela. Oloni, njikamilongesa vije vyavivwa vyakushungama.

1 Samwele 24:6

co Ndaviti wendekele kuli vanu vendi ngwendi, “Shukulu Kalunga anjivindike kulinga cuma cakuvulumuna shukulu yange, ou yanavwavesa kupwa mwene! Yange kunjapandele kumuvulumuna nambe kamandondo, omwo napu mwene wakuvwavesa kuli Shukulu Kalunga!”