1 Vimyene 21:29 - Livulu lya Shukulu Kalunga

²⁹ “Wamono Ahave mwanalikeesa ku mesho ange ndi? Omwo nalingi ngacije, kunjikamuhisa mu simbu yakuyoya kwendi, oloni njikanena vukalu a naanga ya Ahave a simbu yakuyoya kwa munendi.”

1 Vimyene 21:29 Iomraidhean Croise

1 Vimyene 11:12

Nameme ngoco, omwo a lizina lya isho Ndaviti, kunjikacilingi a simbu yakuyoya kwove, oloni njikacilinga a simbu yakushwana kwa munove.

1 Vimyene 21:28

Shukulu Kalunga wendekele kuli Elinja muka-kwimanena ngwendi,

1 Vimyene 22:1

Kwakele kwoloka akati ka Isalele na Silya mu myaka ije ivali,

2 Vimyene 10:1

Ahave wakele na vatekulwila makumi atanu na avali vakele mu nganda ya Samaliya. Yehu wasonekele mikanda, waitumine ku Samaliya kuli vaka-kushwana va mu Njezelele, na kuli vakulunu na kuli vaje valelele vatekulwila va Ahave. Co ije mikanda waisonekele ngwendi,

2 Vimyene 10:11

Asinoni Yehu watsiile vavushoko voshe va Ahave vaje vakele mu Njezelele na vamyata vendi voshe na vasamba vendi va a mbunge na vaka-kukombelela vendi, naumo wai wasaleleo na mwonyo.

2 Vimyene 22:19

co watengulukile na kulikeesa ku mesho ange, watavwile vuzalo vwove nakulila, omo wazivile muje njalishungwiiye kunyanyamesa Yelusalema na vanu vamwo. Njikaupwisa mwela wakukomokesa, co vanu vakapangesa lizina lyawo kupwa cisingo. Oloni njazivi lilombelo lyove,

2 Vimyene 9:24

Aje vene Yehu wananele manene vuta vwendi vwa lusipa na nzili yendi yoshe, co washele mukili mukati ka vitsili vya Njolame, co uje mukili wamutivile ku mbunge. Co Njolame wawililile mu litemba lyendi watsile.

2 Vimyene 9:33

Yehu wendekele kuli vakevo ngwendi, “Mumbileni asi.” Co vombilile Njezevele asi, maninga endi ashamukilile a civumbe na a tuvalu. Yehu wendesele tuvalu twendi na litemba a muvila wendi,

2 Mizimbu 12:7

Omwo Shukulu Kalunga wamwene ngeci vanalitavela vuvi vwavo, co wendekele lalo kuli Shemaya ngwendi, “Omwo vanalitavela vuvi vwavo, kunjikavanyongesa embwe. Oloni omo Shishake akavalwisa, vakovoka kamandondo lika. Vukalu vwange kuvukakala a Yelusalema,

Myaso 18:44

Vaka-kwija vatsikama kuli yange, omo vaziva lijwi lyange, co vanjononoka.

Myaso 66:3

Endekeni kuli Njambi ngweni, “Unalingi vyuma vyakukomokesa, nzili yove inapu yakama manene ngeci vitozi vove valiita kuli yove.

Myaso 86:15

Oloni yove Shukulu Kalunga u muka-kuzivila mema ku mbunge wapwa u Njambi wa ngozi na cizemo, kuwesi kuluvala vwasi, washula na cizemo cije kucesi kutenguluka, u Njambi wa vushunga.

Kutuuka 10:3

Ngecivene, Mosesa na Alone vaile kuli mwene vendekele kuli ikeye ngwavo, “Shukulu Kalunga Njambi ya vaHevelu nendeka ngwendi, ‘Visimbu vingaijo ukavyana kulikeesa ku mesho ange? Ecela vanu vange vaye ngeci vakanjilemese.

Kutuuka 20:5

Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Isaya 66:2

Yange vene njatangele vyuma vyoshe! Njivwaelela na vaje valilumbilisa nakutengulukila kuli yange, vaje vanjikomoka nakunjononoka.

Isaya 66:5

Tolilileni vije vyalinakwendeka Shukulu Kalunga, yeni vaka-kumukomoka nakumwononoka ngwendi, “Vandolome veni vamizinda nakumivyana omwo munapu vaka-kulongwa kuli yange. Vamishendumuna nakwendeka ngwavo, ‘Shukulu Kalunga amwese nzili yendi nakumyamena, ngeci tumone kujolela kweni.’ Oloni ava vendeka vyuma evi vakaziva shwamwa yakama!

Njelemiya 7:17

Kuma yove kuwesi nakumona vivalinakulinga vanu va mu Yunda mu vinganda vyavo, na mu vitapalo vya mu Yelusalema ndi?

Ndanyele 4:27

Ngecivene, yove shukulu, tava kunangula kwange. Likele kulinga vuvi, co linga vije vya vushunga. Zivila mema ku mbunge vaka-kuutwa. Co ukakala mwamuvwa simbu yoshe.”

Yona 3:10

Omo Njambi wamwene vije vivalingile vaka-Nenevayi, na muje lalo muvecelele vingila vyavo vyavivi, co wavazivilile mema ku mbunge, co kavanyanyamesele ngwe muje mwashakele kulinga.

Mika 7:18

Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka.

Luka 7:44

Co watengulukilile kuli uje munakazi, wendekele kuli Simoni ngwendi, “Unamono ou munakazi? Njinakovela muno mu njuvo yove, oloni kuwanjanene mema akujwela ku myanja yange, oloni ou nanjijwelesa ku myanja yange na misozi yendi, co nanjisikumuna na vin̄ambu vyendi.

Loma 2:4

Nambe ulinakuyeluwisa ngozi yendi yakama na kulongwa kwendi nakusimpa kwendi. Mwa vushunga uzivuka ngwove Njambi wakala na ngozi, omwo alinakweseka kukutwamenena ngeci utenguluke.

2 Petulu 3:9

Mwene kesi kwishwala akulinga cije canakulaesa, ngwe muvakayongola vamo. Oloni muka-lukakateya ali yeni, omwo kashaka umo akanyonge, oloni ashaka ngeci voshe vatenguluke kutunda ku vivi vyavo.