1 Vimyene 21:11 - Livulu lya Shukulu Kalunga

¹¹ Co vamyata na vaka-kwimanena membo mu Njezelele valingile vije Njezevele wavashikile.

1 Vimyene 21:11 Iomraidhean Croise

1 Vimyene 21:10

Anguleni vanalume vavali vaje vipapoki vakumukutiiye n̄anda ngwavo natuku Njambi na mwene. Co mutwaleni anja ya nganda mukamutsiye na mamanya.”

1 Vimyene 21:12

Co vakevo vaangwile litangwa lyakulikela kulya, co vakungulwile vanu voshe amolika, co vaanene Navote mwela wa kasingimiko.

2 Mizimbu 24:21

Co Mwene Yowashe walipandakanene mu vutumbe vwakulwisa Zekaliya, a lishiko lya mwene vanu vashele mamanya Zekaliya mu cipango ca Njuvo ya Shukulu Kalunga.

Kutuuka 1:17

Oloni vaje vifungwizi vakomokele Njambi, kuvalingile ngwe muje mwashikile mwene, vecelele na vimbututu va vanalume vayoye.

Kutuuka 1:21

Co capwile ngeci omwo vifungwizi vakomokele Njambi, co Njambi wavezikisile vinaanga.

Visimo 29:12

Nga muka-kushwana atolilila ku vukaleo vwa makuli, co vamyata vendi voshe vapwa vaka-makuli.

Visimo 29:26

Vanu vavangi vashaka kulikwata vusamba na muka-kushwana, oloni Shukulu Kalunga ikeye muka-kusompa munu na munu.

Isaya 59:14

Kulongwa kunahu, na vushunga kuvwesiko lalo. Vushunga vunahumo mu mbanja, co kulongwa kwaiko lalo.

Hoziya 5:11

Isalele valinakumuyandesa. Nazimbalesa lifuti lije lyapwile vufuko vwendi vavenya, omwo washakele manene kuya mukuwana vukwasi kuli vaje kuvasa kumwanavwo.

VaLevi 19:15

“Kesi mukasompele vulemu omo muvatula milonga. Kesi mukatetele kautu omwo vuutu vwendi, nambe kutewa muka-kufuka omwo kufuka kwendi embwe. Oloni mukasompe vakweni mu vushunga.

Mika 6:16

Eci cikalingiwa omwo munakavangeya vilinga vyavivi vya Mwene Omeli, na munendi Mwene Ahave. Munakavangeya mashiko avo, ngecivene, njikaminyongesa. Co vanu voshe vakamishaula. Vanu vange vakamishaula kwoshe-ikwoshe.”

Mateo 2:12

Asinoni velukile ku lifuti lyavo mu ngila yeka, omwo Njambi wavanangwile mu njozi ngeci kesi veluke lalo kuli Helonde.

Mateo 2:16

Omo Helonde wamwene ngeci vaka-mana vaje vatundile mu ngangela vanamukwisa, waluvalele manene. Watumine mashwalale vendi ngeci vatsiye vanike voshe va vanalume vaje vakele mu Mbetelehema na mu membo akwatako, washikile ngeci vatsiye vanike vaje vakele na myaka ivali na vaje vavandondo, ngwe muje mwakon̄ele vaka-mana a simbu ije omo ngongonosi yasholokele.

Vilinga vya Miluwa 4:19

Oloni Petulu na Yowano vavakumbulwile ngwavo, “Yeni vavenya waneni cuma muka cacivwa ku mesho a Njambi, kwononoka yeni nambe kwononoka Njambi.

Vilinga vya Miluwa 5:29

Oloni Petulu na miluwa vakwavo vavakumbulwile ngwavo, “Tunapande kwononoka Njambi, kesi vanu.

1 Samwele 22:17

Co wendekele kuli vaje vaka-kunyunga vemanene kuyehi nendi ngwendi, “Tsiyeni vaka-kukombelela va Shukulu Kalunga! Vakevo na Ndaviti valinakunjilwisa, co kuvanjilekele ngeci natewa, nameme voshe vazivukile.” Oloni vaka-kunyunga vavyanene kujundula livoko nakutsiya vaka-kukombelela va Shukulu Kalunga.

1 Samwele 23:20

Twazivuka, shukulu, ushaka manene kumukwata, ngecivene, ija ku lifuti lyetu, co tukakukwasa ngeci umukwate.”