1 Vimyene 20:34 - Livulu lya Shukulu Kalunga

³⁴ Mbenehandande wendekele kuli ikeye ngwendi, “Njikakwilwisila vinganda vije tate wavitambwile kuli isho, co lalo ukalishevela vitapalo yove vavenya mu Ndamasiku, ngwe mwalingile tate mu Samaliya.” Ahave wakumbulwile ngwendi, “Ngecivene, a vyuma evi, njikakushuula ngoco.” Co walingile cikumiiyo nendi, co wamushuwile waile.

1 Vimyene 20:34 Iomraidhean Croise

1 Vimyene 15:20

Mwene Mbenehandande watavele ku viyongola vya Asa, co watumine vamyata vaka-kushika nzita yendi na mashwalale vavo kukalwisa vinganda vya Isalele. Vafungulwile Injone, na Ndani, na Avele Mbete Maka, na mutambela wa kuyehi na Lishali lya Ngalileya, na mutambela woshe wa Nafetali.

1 Vimyene 20:33

Vamyata va Mbenehandande vakengelele cimweso cacivwa, omo Ahave wendekele ngwendi, “Ndolome,” co aje vene, vendekele ngwavo, “Yove unendeka, Mbenehandande napu ndolome yove!” Ahave washikile ngwendi, “Muneneni kuno kuli yange.” Omo Mbenehandande wetele, co Ahave wamulanyele kukovela mu litemba amo nendi.

1 Vimyene 20:42

Co uje muka-kwimanena wendekele kuli mwene ngwendi, “Shukulu Kalunga wakulekele ngeci utsiye Mbenehandande, oloni yove wamuputumwisile. Ngecivene, vakakutsiya kwinga mu mwela wendi na mashwalale vove vakavanyongesa omwo unatava mashwalale vendi vaputumuke.”

1 Vimyene 22:31

Co mwene wa Silya washikile vaka-kushika matemba endi vaje makumi atatu na vavali ngeci kesi valwise munu weka kuvanga mwene wa mu Isalele.

2 Mizimbu 16:4

Mbenehandande watavele ku viyongola vya Asa, co watumine vamyata vaka-kushika nzita yendi na mashwalale vavo kukalwisa vinganda vya Isalele. Vafungulwile Injone, na Ndani, na Avele Mbete Maka, na vinganda vyoshe vya Nafetali kuje kwakele vinjuvo vyakutulikila.

2 Mizimbu 18:30

Co mwene wa Silya washikile vaka-kushika matemba endi ngeci kesi valwise munu weka kuvanga mwene wa Isalele.

Isaya 26:10

Nameme umwesa ngozi kuli vaka-vuvi, kuvesi kulilongesa kulinga vushunga. Nameme mu lifuti muli vaka-vushunga, oloni vaka-vuvi anga vatwalelelao kulinga vuvi, kuvesi kumona vukama vwove.

Isaya 8:12

“Kesi ukovele ku vutumbe vwa vanu, co kesi uzive lyova lya vyuma vije vivatewa.

Kwituluka mu Mashiko 7:2

Omo Shukulu Kalunga Njambi yeni akavakundika mu mavoko eni, mukavanyongesa voshe njwa. Kesi mukalikumiiye navo, nambe kuvazivila mema ku mbunge embwe.

1 Samwele 11:1

Omo yahwile ngonde, Nahashe kaAmoni waile nakulwisa limbo lya Njembeshe mu lifuti lya Ngilyande. Co vanalume va ku Njembeshe vendekele kuli Nahashe ngwavo, “Linga lizivasano netu, co ukatushwana.”

1 Samwele 15:8

Ngecivene, wakwatele Mwene Angange wa Amaleke, co watsiile vanu voshe.

1 Samwele 15:9

Oloni Saulu na vanu vendi vayoyesele Angange, co kuvatsiile lalo vimanga vavavwa, na vingombe, na vana va vingombe vavavwa, na vana va vimanga, na vyoshe vije vya seo.