1 Vimyene 20:28 - Livulu lya Shukulu Kalunga

²⁸ Muka-kwimanena waile kuli Mwene Ahave wamulekele ngwendi, “Eci cikeco canendeka Shukulu Kalunga ngwendi, ‘Omwo vaSilya vanendeka ngwavo yange nji njambi wa malundu kesi wa mu vyana, co yange njikakuhyanesa a vungi vwa mashwalale vavo, co yove na vanu vove mukazivuka ngeci yange njapwa Kalunga.’ ”

1 Vimyene 20:28 Iomraidhean Croise

2 Samwele 10:13

Ngecivene, Yowave na vanu vendi vaile nakulwa, co vaSilya vatewele.

1 Vimyene 13:1

Akushika kwa Shukulu Kalunga, muka-kwimanena wa ku Yunda waile ku Mbetele, omo wetele kuje wawanene Yelovowame nemana ku mutula mukukombelela n̄ombelo.

1 Vimyene 17:18

Uje fwile wendekele kuli Elinja ngwendi, “Yove munu wa Njambi, omwo vikajo unalingila eci kuli yange? Kuma yove unaija kuno mukwanukisa Njambi a vuvi vwange ngeci munange atse?”

1 Vimyene 18:36

A simbu yakukombelela kwa cingwezi Elinja muka-kwimanena washwenyele ku mutula nakulombela ngwendi, “Shukulu Kalunga, Njambi ya Avilahama, ya Isake, ya Yakomba, ololo mwesa ngeci kuma yove unapu u Njambi ya Isalele, co nange njinapu nji ngamba yove, njalingi vyoshe evi akushika kwove.

1 Vimyene 18:37

Njikumbulule, Shukulu Kalunga, ngeci vanu ava vakuzivuke ngeci yove Shukulu Kalunga, unapu u Njambi, ngeci vimbunge vyavo vitengulukile kuli yove.”

1 Vimyene 20:13

A simbu ije, muka-kwimanena waile kuli Mwene Ahave nakwendeka ngwendi, “Shukulu Kalunga nendeka ngwendi, ‘Kesi uzive lyova a nzita ije yakama! Ku litangwa lya lelo njikakuhyanesa, co yove ukazivuka ngeci kuma yange njapwa Kalunga.’ ”

1 Vimyene 20:29

VaSilya na vaIsalele vakele matangwa atanu na avali mu vilombo vyavo, nakulikenga umo na mukwavo. A litangwa lyamucitanu na avali vashangumukile kulwa, co vaIsalele vatsiile vaSilya vakupwa 100,000.

2 Mizimbu 32:19

Vendekele ali Njambi wa Yelusalema ngwe muje muvakendeka na vinjambi va miyati ya vanu va ano asi, vaje vakushonga na mavoko a vanu.

Myaso 46:11

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Myaso 79:10

Omwo vikajo miyati vatwihula ngwavo, “Njambi yeni ali kulijo?” Linga shambandinga miyati akutsiya vangamba vove.

Kutuuka 16:12

“Njinazivi kulinyenga kwa vaIsalele. Valeke ngwove ku cingwezi vakalya situ, co ku mutondo vakalya makende ngwe muvanashakela. Asinoni vakazivuka ngeci yange Kalunga njapwa Njambi yavo.”

Kutuuka 6:7

Njikamipwisa vanu vange, co njikapwa Njambi yeni. Asinoni mukazivuka ngeci yange njapwa Kalunga, Njambi yeni uje wamipatwile mu vundungo mu Ingito.

Kutuuka 7:5

Vaka-Ingito vakazivuka ngeci kuma yange njapwa Kalunga, omo njikajundula livoko lyange a Ingito nakutundisa vaIsalele mu lifuti lyavo.”

Kutuuka 8:22

Oloni a litangwa lije njikasezao lika lifuti lya Ngoshene muje valinakukala vanu vange, co muje kumukakala vinjame vya vinzinzi embwe. Njikalinga eci ngeci yove ukazivuke ngeci yange Kalunga, njilinakupanga mu lifuti lino.

Isaya 36:20

Simbu ikajo vinjambi va mafuti oshe awa vaamenene lifuti lyavo ku mavoko a mwene yetu? Cooni cuma mukajo cimiyongwesa ngeci Shukulu Kalunga asa kwamena Yelusalema?”

Njelemiya 14:7

Vanu vange vanjililila ngwavo, ‘Nameme vuvi vwetu vutuhisa, oloni Shukulu Kalunga tukwase ngwe omo watukulaesele. Tunakukengesa nima visimbu vyavingi, tunalingi vuvi ku mesho ove.

Ezekiyele 11:12

Co mukazivuka ngweni yange njapwa Kalunga, omwo kumwanyungile mashiko ange, nambe kulinga vije vinjamishikile, oloni munononoka mashiko a miyati ya vaje vanamizengeleka.”

Ezekiyele 12:16

Njikatava vavandondo lika kuputumuka mu nzita, na ku njala ya lyangengela, na ku mushongo, ngeci akati ka miyati ije, vakananguke vati muvyafwa vilinga vyavo vya vunyengwe, co vakazivuka ngeci kuma yange Kalunga.”

Ezekiyele 20:14

Oloni kunjalingilemo, nga njalingilemo, nga lizina lyange lyashaukile akati ka miyati ya vanu vaje vanjimwene njitwamenena vaIsalele kutunda mu Ingito.

Ezekiyele 20:9

Oloni kunjalingilemo, nga njalingilemo, nga lizina lyange lyashaukile, omwo ku mesho a vanu vaje vakele nakukala amo kuje, njambulwile ngwange njikatundisa Isalele mu Ingito.

Ezekiyele 36:32

Isalele, njishaka muzivuke ngeci kunjesi nakulinga vyuma vyoshe evi omwo yeni embwe. Njishaka muzive shwamwa nakushauka a vije mwalingile. Munjinendeka yange Kalunga wa Akamwa ya Vyoshe.”

Ezekiyele 39:7

Njikatsimanesa lizina lyange ku vanu vange va Isalele, co kunjikatava ngeci lizina lyange lyakujela lishauke. Asinoni miyati vakazivuka ngeci yange Kalunga, njapwa Njambi wakujela wa Isalele.”

Ezekiyele 6:14

Eyo, njikolola livoko lyange nakunyongesa lifuti lyavo. Njikalipwisa ngundu kutunda mu mambo ku mbwela nakweta ku nganda ya Limbela ku kunto, kunjikasezeo mutambela umo kuje kuvakala vaIsalele. Asinoni munu woshe akazivuka ngeci yange njapwa Kalunga.”

Kwituluka mu Mashiko 29:6

Kumwalile makende nambe kunwa vinyu, nambe vinyu vyakulula, oloni Shukulu Kalunga wamyanene vyoshe vimwajenekele mukumilongesa ngeci ikeye wapwa Shukulu Kalunga Njambi yeni.

Kwituluka mu Mashiko 32:27

Oloni kunjikecela vitozi vavo valishashe ngeci vanafungulula vanu vange, omwo yange vavenya njavatsene.’ ”