1 Vimyene 20:11 - Livulu lya Shukulu Kalunga

¹¹ Mwene Ahave wakumbulwile ngwendi, “Lekeni Mwene Mbenehandande ngweni lishwalale wamuvwa akalishasha omo nzita inahu, kesi omo kanda ihwe embwe.”

1 Vimyene 20:11 Iomraidhean Croise

2 Vimyene 3:21

Omo vaMowavi vazivile ngeci vaje vimyene vatatu vanaija nakuvalwisa, co vasanene vanalume vaje vaka-kulwa, kushangumuka ku vakulunu kutwala ku vanike, co vavasanene ngeci vakavandamene ku nginga.

Yombi 41:8

Mukambeke livoko lyove umushangumune, co nzita imukalwa, ukaisinganyeka simbu yoshe!

Visimo 27:1

Kesi ulyalesele a imene, omwo kuwasa kuzivuka vije vikasholoka mukati ka lelo na imene.

Muka-kwambulula 9:11

Njanangukile cuma cikwavo lalo ngeci muno mu kaye, vaka-kushatuka manene kuvesi kuhyana kushatuka simbu yoshe, co vaka-kusimpa kuvesi kuhyana nzita simbu yoshe, co vaka-mana kuvesi kuwana vufuko simbu yoshe, na vaka-vutongwe kuvesi kuwana vitumbamo vyakama simbu yoshe. Luvinda lukaija ku munu woshe-iwoshe.

Njelemiya 46:17

“Lukeni mwene wa Ingito lizina lyaliha ngweni, ‘Kujokota manene oloni kesi kupanga.’

Njelemiya 9:23

Shukulu Kalunga alinakwendeka ngwendi, “Vaka-mana kesi valyalesele a mana avo, nambe vaka-nzili kesi valyalese a nzili yavo, nambe vaka-kufuka kulyalesela a vufuko vwavo,

Mateo 26:75

co Petulu wanukile lijwi lya Yesu, omo wendekele nendi ngwendi, “Simbu ndemba kanda atambeke, ukanjivyana visimbu vitatu.” Co watuukile anja walilile manene.

1 Samwele 14:6

Yonatana wendekele kuli uje mukwenje wambatele vitwa vyendi vya nzita ngwendi, “Tujavuke tuye musambwa mu cilombo ca vaFilisitiya vaje vaka- kuli kukulaela Shukulu Kalunga. Amo Shukulu Kalunga akatukwasa, omwo kukwesi vimuvindika kutuhyanesa, nambe tunapu tuvavandondo lika.”