1 Vimyene 2:7 - Livulu lya Shukulu Kalunga

⁷ “Oloni mwesa ngozi kuli vana va Mbazilai wa ku Ngilyande nakuvanyunga, vakele na ngozi ali yange omo njatewele ndolome yove Avisalome.

1 Vimyene 2:7 Iomraidhean Croise

Kushangumuka 40:14

Oloni ukanjanuke omo ukakala mwamuvwa, ukapwe muka-kunjitetela, co ukambulule vyange kuli mwene. Unjikwase ngeci nange njakutunde muno mu kamenga

2 Samwele 19:28

Voshe va ka naanga ya tate vapandele kuvatsiya kuli yove shukulu, oloni yange wanjitavesele kulya ku mesa yove. Co ololo kunjesi na nzili yakulomba lalo vuvwa kuli yove shukulu.”

2 Samwele 9:10

Ngecivene, yove, na vana vove, na vangamba vove vakalima livu lya naanga ya shukulu yove Saulu, co mukateja vimbuto ngeci mukavawanene vyakulya. Oloni Mefimboshete ikeye akalila ku mesa yange simbu yoshe!” (Ziva wakele na vana va vanalume likumi na vatanu, na vangamba makumi avali.)

2 Samwele 9:7

Co Ndaviti wendekele ngwendi, “Kesi uzive lyova embwe. Njikakuzivila ngozi omwo ya isho Yonatana. Njikakwilwisila lifuti lyoshe lije lyapwile lya kuku yove Saulu, co simbu yoshe ukalya nange ku mesa.”

2 Vimyene 25:29

Ngecivene, Yehoyakine vamutavesele kuzala vuzalo vwendi kutuvakana kuzala vuzalo vwa mu kamenga, co vamutavesele lalo kulyalyalya amo na mwene matangwa oshe akuyoya kwendi.

2 Vimyene 25:30

A litangwa na litangwa, mukuyoya kwendi kwoshe, Yehoyakine vakele nakumwana vimbongo ngeci alande vije vyashakele.

Ezela 2:61

Co ku vana va vaka-kukombelela kwakele vana va Hombaya, na Hakoze, na Mbazilai. (Kukulwila wa cikota ca vaka-kukombelela ca Mbazilai wambatele munakazi wa ku cikota ca Mbazilai wa ku Ngilyande, co wambatele lizina lya cikota ca ishemweno.)

Visimo 27:10

Kesi wivale vasamba vove nambe vasamba va isho. Nga uli mu tuyando kesi ulombe ndolome yove akukwase, mundambo uje walyata nendi, asa kukukwasa kutuvakana ndolome yove uje ali kulyala.

Njelemiya 52:33

Ngecivene, Yehoyakine vamutavesele kuzala vuzalo vwendi kutuvakana kuzala vuzalo vwa mu kamenga, co vamutavesele lalo kulyalyalya amo na mwene matangwa oshe akuyoya kwendi kwoshe.

Luka 12:37

Vanavezika vangamba vaje omo shukulu yavo aija avawana kuvesi mu tulo valinakumukengelela! Mwa vushunga njimileka ngwange, ikeye akalizitika mwiva mu mbunda, akavaleka ngeci vatumbame, co akavana vyakulya.