1 Vimyene 2:4 - Livulu lya Shukulu Kalunga

⁴ Nga umwononoka, co Shukulu Kalunga akanyunga cikulaeso cije walingile omo wanjilekele ngeci vatekulwila vange vakashwana Isalele nga vakanyanyama nakwononoka mashiko endi na mbunge yavo yoshe na mwonyo wavo woshe.

1 Vimyene 2:4 Iomraidhean Croise

Kushangumuka 17:1

Omo Avilama wakele na myaka makumi atanu na awana na myaka itanu na iwana, Shukulu Kalunga washolokele kuli ikeye nakwendeka ngwendi, “Yange Njambi Muka-nzili yoshe, nga unjononoka nakulinga mwamuvwa simbu yoshe,

Kushangumuka 18:19

Njamwangwile ngeci ashike vana vendi na vatekulwila vendi mukunjononoka nakulinga evi vyavivwa na vushunga. Nga vakevo vakacilinga, co njikalinga vyuma vyoshe vije njamukulaesele.”

2 Samwele 7:25

“Co ololo, Shukulu Kalunga Njambi, simbu yoshe shulisa cikulaeso ciwunakulaesa yange ngamba yove na vatekulwila vange, linga vije viwatumbwile kulinga.

1 Vimyene 1:48

co walombelele ngwendi, ‘Tushangazaleni Shukulu Kalunga, Njambi ya Isalele, ou ku litangwa lya lelo nalingisa umo wa vatekulwila vange kunjishwana kupwa mwene, co nanjitavesa kuyoya ngeci njicimone!’ ”

1 Vimyene 11:36

oloni njikatava muna Solomoni kunyunga muyati umolika, ngecivene, simbu yoshe njikakale na mutekulwila wa ngamba yange Ndaviti kushwana mu Yelusalema, nganda ije njinaangula kupwa mutambela wakunjilemesela.

1 Vimyene 3:14

Co nga ukanjononoka nakunyunga mashiko ange nakushika kwange, ngwe mwalingile isho Ndaviti, co njikatumisa matangwa akuyoya kwove.”

1 Vimyene 3:3

Solomoni wazemene Shukulu Kalunga, co wakavele mashiko a ishe Ndaviti, oloni watsiile lalo vimuna nakuvakombelela kupwa vin̄ombelo a mitula yakuliseza-seza.

1 Vimyene 6:12

“Nga wenda mu vizilika vyange, nakwononoka vilongesa vyange, nakunyunga mashiko ange, co njikakulingila vije njakulaesele isho Ndaviti.

1 Vimyene 8:23

walombelele ngwendi, “Shukulu Kalunga Njambi ya Isalele, kukwesi njambi wakulifwa nove mwilu nambe asi wai! Yove wanyunga cikumiiyo cove ku vanu vove nakumwesa cizemo cove cije kucesi kutenguluka kuli vangamba vove omo vononoka kuli yove na vimbunge vyavo vyoshe.

1 Vimyene 8:25

Ngeci ololo, Shukulu Kalunga Njambi ya Isalele, njilinakukulomba ngeci unyunge cikulaeso cije wakulaesele tate omo wamulekele ngeci simbu yoshe ukaka mutekulwila wendi umo kupwa mwene wakushwana Isalele, nga vononoka mwamuvwa majwi ove ngwe mwalingile ikeye.

1 Vimyene 9:5

co njikanyunga cikulaeso cange cije njalingile na isho Ndaviti, omo njamulekele ngwange vatekulwila vendi vakevo vakashwana Isalele simbu yoshe.

2 Vimyene 20:3

“Shukulu Kalunga, anuka ngeci yange njakupangela nakukukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

2 Vimyene 23:25

Kukwakele lalo mwene wakufwa ngwe ikeye uje wapangelele Shukulu Kalunga na mbunge yendi yoshe na mana endi oshe na nzili yendi yoshe nakwononoka Mashiko oshe a Mosesa, co lalo kukwesi mwene wakulifwa nendi wai.

2 Vimyene 23:3

Co mwene wemanene kumukulo wa manda ya vumwene, walikumiiye na Shukulu Kalunga cikumiiyo cakumwononoka, nakunyunga mashiko endi nakushika kwawo na mbunge yendi yoshe na mwonyo wendi woshe, nakukavangeya majwi a cikumiiyo ngwe muje muvawasonekele mu livulu. Co vanu voshe vakulaesele kunyunga cikumiiyo.

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

2 Mizimbu 17:3

Shukulu Kalunga wavezikisile Njosefati omwo wakavangeyeye cimweso cakulivanga ca ishe, co kalemesele Mbale embwe.

2 Mizimbu 6:16

Ngecivene, ololo, Shukulu Kalunga Njambi ya Isalele, njilinakukulomba ngeci unyunge cikulaeso cije wakulaesele tate omo wamulekele ngeci simbu yoshe ukaka mutekulwila wendi umo kupwa mwene wakushwana Isalele, nga vononoka mwamuvwa Mashiko ove ngwe mwalingile ikeye.

2 Mizimbu 7:18

co njikanyunga cikulaeso cange cije njalingile na isho Ndaviti, omo njamulekele ngwange vatekulwila vendi vakevo vakashwana Isalele simbu yoshe.

Myaso 119:9

Mukwenje asa kuyoya vatijo yoyesi yakujela? Mukwononoka mashiko ove Shukulu Kalunga.

Myaso 37:22

Vaje vanavezikisa Shukulu Kalunga vakashwana mu lifuti, oloni vaje vanasingi akavashekela anja.

Myaso 37:9

Vaje vakulaela kuli Shukulu Kalunga, vakashwana mu lifuti, oloni vaka-vuvi vakavashekela anja.

Myaso 39:1

Njendekele ngwange, “Njikanyunga vingila vyange, co kunjikatavesa ndaka yange injilingise vuvi, kunjikendeka cuma cimo omo vaka-vuvi vali muyehi.”

Njelemiya 33:17

Yange Kalunga, njakulaesa ngwange simbu yoshe kukakala mutekulwila wa Ndaviti kupwa mwene wa Isalele,

VaLevi 26:3

“Nga mukavangeya mashiko ange nakwononoka kushika kwange,

Zakaliya 14:2

Shukulu Kalunga akakungulula miyati yoshe ya vanu nakulwisa Yelusalema. Nganda vakayambata, co vakapukula vyuma vya mu vinjuvo, vanakazi vakavazivisa shwamwa. Co litambelo lya vanu vakaya ku vunzinda, oloni vaje vakasalao kuvakavatundisa mu nganda.

Mateo 22:37

Co Yesu wamukumbulwile ngwendi, “Zema Shukulu Kalunga Njambi yove na mbunge yove yoshe, na mwonyo wove woshe, na mana ove oshe!

Luka 1:6

Voshe vapwile vaka-vushunga ku mesho a Njambi, vendele mwamuvwa nakwononoka mashiko oshe a Shukulu Kalunga.

Kwituluka mu Mashiko 10:12

“Co ololo, yeni vanu va Isalele, tolilileni kuli vije vyashaka Shukulu Kalunga Njambi yeni kuli yeni. Lemeseni Shukulu Kalunga Njambi yeni, nakwenda mu vingila vyendi vyoshe. Muzemeni nakumupangela na vimbunge vyeni vyoshe, na mwonyo weni woshe,

Kwituluka mu Mashiko 11:13

“Ngecivene, mukononoka mashiko ange awa anjilinakumishika ku litangwa lya lelo. Mukazema Shukulu Kalunga Njambi yeni nakumupangela na vimbunge vyeni vyoshe, na mwonyo weni woshe.

Kwituluka mu Mashiko 6:5

Zemeni Shukulu Kalunga Njambi yeni na vimbunge vyeni vyoshe, na mwonyo weni woshe, na nzili yeni yoshe.

Kwituluka mu Mashiko 7:12

“Nga mutolilila ku mashiko awa nakuwanyunga nakuwononoka, asinoni Shukulu Kalunga Njambi yeni akatwalao kunyunga cikumiiyo cendi, na cizemo cendi cije kucesi kutenguluka, cije calikumiiye na vakukulwila veni.

Yunda 1:24

Co ololo kuli uje asa kuminyunga kutewa mutanuka, nakuminena nakujolela ku vumpau vwendi kujeneka mulonga,