1 Vimyene 2:32 - Livulu lya Shukulu Kalunga

³² Shukulu Kalunga akahisa Yowave omwo watsiile vanu kwakujeneka tate Ndaviti kuzivuka. Yowave watsiile vanu vavali vakujeneka mulonga vaje vapwile vanu vavavwa kutuvakana ikeye, Avinele, muka-kushika nzita ya Isalele, na Amasa, muka-kushika nzita ya Yunda.

1 Vimyene 2:32 Iomraidhean Croise

Kushangumuka 4:11

Yove unasingiwa ku livu, kuukasa lalo kulima livu eli. Omwo unatsii ndolome yove, co maninga endi anetikila asi.

Kushangumuka 42:22

Co Luvena wavakumbulwile ngwendi, “Kunjamilekele ngwange, kesi muvulumune ou mukwenje ndi? Oloni yeni mwavyanene kunjitolilila. Co ololo tulinakutambula fweto omwo a kutsa kwendi.”

Kushangumuka 9:6

Woshe uje akatsiya munu nendi lalo vakamutsiya kuli munu, omwo Njambi watangele munu mu cifwa cendi.

2 Samwele 1:16

co Ndaviti wendekele ku civimbi ca uje kaAmaleke ngwendi, “Maninga ove akale a mutwe wove vavenya. Yove vavenya walihisa omo walitavela ngwove yove watsiile mwene uje yaangwile Shukulu Kalunga.”

2 Samwele 17:25

(Avisalome wengisile Amasa mu mwela wa Yowave kupwa muka-kushika nzita. Amasa wapwile muna Njetela kaIshimela. Vaina Avingaile, muna Nahashe ndokazi ya Zeluya vaina ya Yowave.)

2 Samwele 3:29

Mulonga wa kutsa kwa Avinele ukale ali Yowave na naanga yendi yoshe! Co mu cisemwa cendi coshe mukakale munalume umo mu naanga yendi muka-kususula, na muka-mbumba, na cilema, na muka-kutsila mu nzita, na muka-kujeneka vyakulya!”

2 Samwele 3:37

Ngecivene, vanu voshe va Ndaviti, na vanu voshe va mu Isalele vazivukile a litangwa lije ngwavo mwene kakele na cizango cakutsiya Avinele.

2 Samwele 3:39

Nameme njapwa nji mwene yanaangula Njambi, oloni litangwa lya lelo njazeye. Vana va Zeluya ava vanapu vaka-kunjilwisa. Shukulu Kalunga ahise mapwepwe ava ngwe muvanalingi vakevo.”

2 Samwele 4:11

Co vatijo cikafwa ali vanu vavavi vaje vatsiya munu wakujeneka mulonga uje nalilalela mu njuvo yendi! Ololo njikalinga shambandinga ali yeni akumutsiya, co njikamitundisa ano asi!”

1 Vimyene 2:44

Wazivuka mwamuvwa vuvi vwoshe vuje vuwalingile kuli tate Ndaviti. Shukulu Kalunga akakuhisa a eci.

1 Vimyene 2:5

“Solomoni munange anuka vije vyalingile Yowave kuli yange akutsiya vaka-kushika nzita ya Isalele vavali, Avinele muna Nele, na Amasa muna Njetele. Wavatsiile ngwe vitozi vendi va mu nzita, oloni wacilingile a simbu ya kwoloka. Ali na mulonga, co cili kuli yove kumuhisa.

1 Vimyene 8:32

Shukulu Kalunga, tolilila omo mwilu ngeci usompe vangamba vove. Hisa uje ali na mulonga ngwe mucinamupande, co ecela uje kesi na mulonga ngwe lalo mucinamupande.

2 Mizimbu 21:13

Oloni unatembunwina vingila vya vimyene va Isalele, co unatwamenena vanu va mu Yunda na vanu va mu Yelusalema nakuvapwisa vaka-kujeneka kukulaela, ngwe mwalingile Ahave na naanga yendi vaje vatwamenenene Isalele kupwa vaka-kujeneka kukulaela. Co lalo unatsii vishongo vove, vakevo vapwile vanu vavavwa kutuvakana yove.

2 Mizimbu 21:14

Co kenga, Shukulu Kalunga akahisa vanu vove, na vana vove, na vanakazi vove, co akanyongesa lalo vufuko vwove vwoshe.

Esita 1:19

Nga eci civwaelelesa shukulu, shika lishiko lya vumwene ngeci tunde ano Vashiti kesi akasholoke lalo ku mesho a mwene. Shika ngeci lishiko eli valisoneke mu mashiko a Pelesha na Mendiya, ngeci kesi valitengulule. Co mwene apwise weka lishano kutuvakana Vashiti.

Myaso 7:16

Vilinga vyavo vyavivi, vikavelukila vakevo vavenya.

Myaso 7:17

Njikandelela kuli Shukulu Kalunga, omwo ya vushunga vwendi, njikaimba myaso yakushangazala Shukulu Kalunga, wa Akamwa ya Akamwa.

Ezekiyele 17:19

Shukulu Kalunga wa Akamwa ya Vyoshe alinakwendeka ngwendi, “Mwa vushunga akupwa nji Njambi wakuyoya, njikamunyanyamesa omwo napokola cikumiiyo cije calikumiiye mu lizina lyange kucinyunga.

Kulava 32:23

Oloni nga kumunyungu cikulaeso ceni, co munalingi vuvi ku mesho a Shukulu Kalunga. Kesi muvulumune, co vakamihisa a vuvi vweni.

Maako 9:24

Co eci calingiwile ngacije ngeci Avimeleke na vanu vaje va ku Shekeme, vaje vamushongangeyeye kutsiya vana va Ngilyone vakupwa 70, ngeci vase kufweta mulonga wavo.

Maako 9:57

Co Njambi lalo wamwesele vanu va ku Shekeme tuyando omwo vuvi vwavo, ngwe Yotame muna Ngilyone wendekele ngeci mukemwo vene muvakafwa omwo wavasingile.

1 Samwele 15:28

Samwele walekele Saulu ngwendi, “Ku litangwa lya lelo Shukulu Kalunga natundisa vumwene vwa Isalele kuli yove, co navwana kuli mukweni weka nakutuvakana.