1 Vimyene 2:12 - Livulu lya Shukulu Kalunga

¹² Co Solomoni washwanene a litanda lya ishe Ndaviti kupwa mwene, co vumwene vwendi vwakolele manene.

1 Vimyene 2:12 Iomraidhean Croise

2 Samwele 7:29

Ngecivene, njikulomba uvezikise vatekulwila va ngamba yove, ngeci vayoye simbu yoshe ku mesho ove. Yove Shukulu Kalunga, wa Akamwa ya Vyoshe, wakulaesele evi, co vivezikiso vyove vikakala ali vatekulwila vange simbu yoshe.”

1 Vimyene 1:13

Zambula uye kuli Mwene Ndaviti nakumwihula ngwove, ‘Shukulu, kuma kuwalisingile nange ngeci munange Solomoni ikeye akakushwana kupwa mwene ndi? Co cinaija vatijo ngeci Andoniya apwe mwene?’ ”

1 Vimyene 1:30

ngeci lelo njikanyunga cisingo cije njalisingile mu lizina lya Shukulu Kalunga, Njambi ya Isalele, ngeci munove Solomoni ikeye akanjishwana.”

1 Vimyene 1:35

Co mukaveni omo akeluka kuno mukutumbama a litanda lyange. Ikeye akanjishwana kupwa mwene, omwo njinamwangula kupwa muka-kushwana Isalele na Yunda.”

1 Vimyene 1:46

Solomoni ololo ikeye napu mwene.

1 Vimyene 2:46

Co Mwene washikile Mbenaya kuya mukutsiya Shimei. Cooni vumwene vwa Solomoni vwakolele manene.

1 Mizimbu 23:1

Omo Ndaviti wakuluvalele manene, co washwanesele munendi Solomoni kupwa mwene wa mu Isalele.

2 Mizimbu 1:1

Solomoni muna Mwene Ndaviti, wakolesele vumwene vwa Isalele, co Shukulu Kalunga Njambi yendi wamuvezikisile nakumwamesa manene.

Myaso 132:12

“Nga vana vove vakanyunga cikumiiyo cange, na vizilika vije vinjivalongesa, co vakashwana a litanda lyove ku myaka yoshe.”