1 Vimyene 19:3 - Livulu lya Shukulu Kalunga

³ Elinja wazivile lyova, omwo watambwile majwi a Njezevele, co watewesele mwonyo wendi, waile amo na ngamba yendi watewelele ku Mbele Shemba mu Yunda. Co Elinja wasezele ngamba yendi kuje,

1 Vimyene 19:3 Iomraidhean Croise

Kushangumuka 21:14

Alikaki mutondo-tondo, Avilahama waanene Hangale vyakulya na njeke ya cilambu yakushula ya mema. Wamutwikilevyo a mutwe, co wamwakele mwana ku mwongo, wamushuwile. Ngecivene, Hangale waile nakuyevangela mu mambo ya Mbeleshemba.

Kushangumuka 21:31

Mukemwo mutambela uje vautumbwile Mbeleshemba, omwo akeo aje uvalisingilile va Avilahama na Ambimeleki.

1 Vimyene 4:25

Co simbu yoshe yakuyoya kwa Solomoni, mu Yunda na mu Isalele mwoshe vanu vayoyele mwamuvwa, co naanga na naanga yakele mwisi ya miti yavo ya vinyu na mwisi ya miti yavo ya mikuyu.

Kutuuka 2:15

Co omo mwene wazivile vije vyalingiwile, washakele kutsiya Mosesa, oloni Mosesa watewele, wakakele ku lifuti lya Mindyani. Mosesa watumbamene ku lisima.

Njelemiya 20:9

Oloni nga njendeka ngwange, “Kunjikatumbula Shukulu Kalunga nambe kwendeka mu lizina lyendi.” Co mu mbunge mulinga ngwe munashwama tuhya tuje tuli mu vitsiya vyange, co njeseka kulikela, njikeseka kusimpa manene mu mbunge oloni kunjasa.

Mateo 26:56

Oloni vyoshe evi vyalingiwa ngeci vije vivendekele vaka-kwimanena mu visoneka vilingiwe.” Aje vene vandongisi vendi voshe vamusezele, co vatewele.

2 Kolinte 12:7

Oloni mukunjinyunga kutewa njilyalesa omwo vyuma vije vyakukomokesa vinjamwene, co vanjanene mushongo wa lulanga mu muvila, uje wakele nakupanga ngwe muluwa wa Satana mukunjisindakana nakunjinyunga kutewa njilyalesa.

1 Samwele 27:1

Co Ndaviti walyendekesele mu mbunge yendi ngwendi, “Litangwa limo Saulu akanjitsiya. Cuma njinapande kulinga eci, mwamuvwa njitewele ku lifuti lya vaFilisitiya. Co Saulu akajuka kunjishakezeka mu Isalele, co njikakala mwamuvwa.”

1 Samwele 8:2

Munendi wa ntwatwa wamulukile lizina lyendi Njwele, co wamucivali wamulukile lizina lyendi Aviya, vakevo vapwile maako mu Mbeleshemba.