1 Vimyene 19:13 - Livulu lya Shukulu Kalunga

¹³ Omo Elinja walizivile, walifwikile cikoveyo cendi ku mesho watuukile anja, co wemanene ku cikolo ca linzenzengoma. Lijwi ngwalyo, “Elinja, vikajo ulinga kuno?”

1 Vimyene 19:13 Iomraidhean Croise

Kushangumuka 16:8

Co kangelo wendekele ngwendi, “Hangale ndungo ya Salai, ulinakutunda kuli? Co lalo ulinakuya kuli?” Hangale wamukumbulwile ngwendi, “Njili na kutewa ku mesho a shukulu yange Salai.”

1 Vimyene 18:42

Omo Ahave waile nakulya, co Elinja walondele akamwa ya Munkinda wa Kalemele, wakakulamene asi, nakwaka mutwe wendi mukati ka mavuli.

1 Vimyene 19:9

Wetele kuje ku linzenzengoma, co walalele muje. Vwasi-vwasi Shukulu Kalunga wendekele kuli ikeye ngwendi, “Elinja, vikajo ulinga kuno?”

2 Vimyene 2:8

Co Elinja washulwile cikoveyo cendi, wacizengele, wacipupile a mema, co mema alyangunukile akati, co nendi na Elisha vajavukilile musambwa a livu lyakuma.

Kutuuka 33:23

Co njikatundisa livoko lyange, asinoni yove ukamona mu mwongo wange oloni kuukamono cihanga cange embwe.”

Isaya 6:2

Akamwa yendi, emanene vikashama vakuvyazima, umo na umo wakele na mambava atanu na limo. Cikashama umo na umo walifwikile mambava endi avali ku mesho, co a muvila wendi walifwikile mambava avali, co mambava akwavo avali wakele nakuwapululwisa.

Isaya 6:5

Co njendekele ngwange, “Kunjesi na cinyangavili! Ngongo yange, omwo majwi aje atunda mu kanwa kange apwa majwi a vuvi, co lalo njayoya akati ka vanu vaje vendeka majwi a vuvi. Co ololo mesho ange anamono Mwene, Shukulu Kalunga Muka-nzili yoshe.”

Yona 4:5

Co Yona watuukile anja ya nganda watumbamene asi ku mutambela wa mu ngangela. Co watungile lipapela lyendi nakutumbama mwisi ya munzinze walyo, mukuvandamena vika vikalingiwa mu Nenevayi.

VaHevelu 11:37

Vavashele mamanya, vavatetangele na visaa, vavatapele na mikwale. Vendanganene vanazala vilambu vya vimanga nambe vya vimembe, vapwile tuutu vavayandesele nakuvapangesa mwamuvi.