1 Vimyene 18:39 - Livulu lya Shukulu Kalunga

³⁹ Omo vanu vamwene vije vyalingiwile, co voshe vatsikamene asi vatambekele ngwavo, “Shukulu Kalunga ikeye Njambi, Shukulu Kalunga lika ikeye Njambi!”

1 Vimyene 18:39 Iomraidhean Croise

1 Vimyene 18:21

Elinja wemanene kulutwe lwavo wendekele ngwendi, “Simbu ikajo mukalyangwila ou imunapande kupangela? Nga Shukulu Kalunga ikeye Njambi, co mulemeseni, oloni nga Mbale ikeye Njambi, co mulemeseni.” Oloni vanu kuvendekele lijwi nalimo lyai.

1 Vimyene 18:24

Cooni vaka-kwimanena va Mbale valombe kuli njambi yavo, co nange lalo njikalomba kuli Shukulu Kalunga, co uje njambi akakumbulula nakutuma tuhya, ikeye Njambi.” Co vanu vamutavele.

1 Vimyene 20:13

A simbu ije, muka-kwimanena waile kuli Mwene Ahave nakwendeka ngwendi, “Shukulu Kalunga nendeka ngwendi, ‘Kesi uzive lyova a nzita ije yakama! Ku litangwa lya lelo njikakuhyanesa, co yove ukazivuka ngeci kuma yange njapwa Kalunga.’ ”

1 Vimyene 8:60

Ngecivene, miyati yoshe ya mu kaye vakazivuke ngeci Shukulu Kalunga ikeye lika wapwa Njambi, kukwesi weka lalo embwe.

1 Mizimbu 21:16

Co Ndaviti wandwile mesho endi wamwene kangelo nemana a vukambwila, najundula livoko lyendi lije lyakele na mukwale ngeci anyongese Yelusalema. Asinoni Ndaviti na vantwama va vanu, vaje voshe vazalele vikeleya, vatsikamene, vakengesele vihanga vyavo asi.

2 Mizimbu 33:13

Co Njambi watavele lilombelo lya Manase, wamutavele eluke lalo ku Yelusalema nakushwana. Co aje vene Manase wazivukile ngeci kuma Shukulu Kalunga ikeye Njambi.

2 Mizimbu 7:3

Omo vanu va Isalele vamwene tuhya tutunda mwilu, na vumpau vuje vwashulisile Njuvo ya Shukulu Kalunga, co vatsikamene asi, valemesele Njambi nakumushangala omwo vuvwa vwendi na cizemo cendi cije kucesi kutenguluka cakala ku myaka yoshe.

Ezela 1:3

Ngecivene, ololo, yeni voshe vaje munapu vanu va Njambi, yeniko, co Shukulu Kalunga Njambi ya Isalele, Njambi uje ivalemesa mu Yelusalema akale amo neni.

Myaso 100:3

Zivukeni ngeci Shukulu Kalunga ikeye Njambi, ikeye watutangele, co yetu tunapu tu vanu vendi, tunapu lalo vimanga va ku vutanga vwendi.

Myaso 118:27

Shukulu Kalunga ikeye Njambi yetu, ikeye natutwila ceke, shangumukeni ciwano oku munakwata minango ya maputa mu mavoko eni, co yeni nakuzenguluka mutula.

Myaso 50:7

“Tolilileni yeni vanu vange, co njikendeka, yove Isalele njikakwambulwila vukaleo. Yange Njambi njapwa nji Njambi yeni vene.

Myaso 94:16

Iyajo wanjikwasele nakulwisa vaka-vuvi? Iyajo wemanene nange nakulwisa vanu vavavi?

Kutuuka 20:2

“Yange njapwa Kalunga Njambi yeni, uje wamitundisile mu Ingito, kuje kumwakele mu vinzinda.

Ezekiyele 20:5

Valeke vije vinjilinakwendeka. Omwo njaangwile Isalele, njavapwisile lizivasano. Njalisholwele kuli vakevo mu Ingito nakuvaleka ngwange yange njapwa nji Kalunga Njambi yeni.

VaLevi 9:24

Co vwasi-vwasi Shukulu Kalunga watumine tuhya, twenyekele uje mulambu wa kwenyeka, na vilyo, na mazi a mutula. Omo vanu vamwene vije vyalingiwile, co voshe vatambekele nakutsikama a mavuli, nakukulamesa vihanga vyavo asi.

Yowano 5:35

Yowano wapwile ngwe ndeya, washukumine nakutwa ceke, co mwavwaelelele kasimbu lika mu ceke cendi.

Vilinga vya Miluwa 2:37

Omo vanu vazivile evi, vazivile mu vimbunge vyavo longoto, co vendekele kuli Petulu na kuli miluwa vakwavo ngwavo, “Eni vakwetu, tunapande kulinga vika?”

Vilinga vya Miluwa 4:16

“Vika tulinga na ava vanalume? Omwo munu woshe mu Yelusalema nazivuka ngeci eci cizivukiso caciha civanalingi, co kutwasa kucivyana.

Maako 13:20

Co omo mulangi waile mwilu kutunda a mutula, kangelo walondele mu mulangi, oku Manowa na munakazi wendi vanakengelela, co vatsikamene asi nakulemesa.