1 Vimyene 18:38 - Livulu lya Shukulu Kalunga

³⁸ Vwasi-vwasi Shukulu Kalunga watumine tuhya, co twenyekele n̄ombelo, na vitale, na mamanya, co twenyekele livu nakumisa cau mema a muje mu ngunja.

1 Vimyene 18:38 Iomraidhean Croise

Kushangumuka 15:17

Omo litangwa lyatokele, lisusulungu lyezile, co kwasholokele ndeo yakele nakukakama vwisi, co mulangi wa tuya wetile mukati ka vipuka vya vaje vimuna.

1 Vimyene 18:24

Cooni vaka-kwimanena va Mbale valombe kuli njambi yavo, co nange lalo njikalomba kuli Shukulu Kalunga, co uje njambi akakumbulula nakutuma tuhya, ikeye Njambi.” Co vanu vamutavele.

1 Vimyene 18:35

Co mema azengelekele mutula nakushulisa ije mbulu.

1 Vimyene 18:37

Njikumbulule, Shukulu Kalunga, ngeci vanu ava vakuzivuke ngeci yove Shukulu Kalunga, unapu u Njambi, ngeci vimbunge vyavo vitengulukile kuli yove.”

2 Vimyene 1:12

Elinja wamukumbulwile ngwendi, “Nga yange njinapu nji munu wa Njambi, mwilu mutunde tuhya twakwenyeke yove na vanu vove!” Co aje vene tuhya twa Njambi twatundile mwilu twenyekele uje mwata na vanu vendi.

1 Mizimbu 21:26

Asinoni watungile mutula wa Shukulu Kalunga kuje, co walambwile milambu ya kwenyeka, na milambu ya kulitombola. Ndaviti walombelele, co Shukulu Kalunga wamukumbulwile watuma tuhya twa mwilu, co twenyekele vin̄ombelo vije vyakele a mutula.

2 Mizimbu 7:1

Omo Mwene Solomoni wamanesele lilombelo lyendi, co tuhya twatundile mwilu, twenyekele vin̄ombelo vije vivakombelelele, co vumpau vwa Shukulu Kalunga vwashulisile Njuvo.

Yombi 1:16

Omo kanda acimanese kwendeka, co kanganda mukwavo wezile nakuleka Yombi ngwendi, “Muhyato unatsii vimanga amo na tunyungi, kuvanga ange lika njinaputumukao ngeci njinaija nakukuleka.”

Isaya 31:9

Mwene yavo akatewa omwo lyova, na vamyata va nzita vakatewa ku nzita.” Shukulu Kalunga nendekamo, uje ivalemesela mu Yelusalema, uje tuhya twendi tukenyeka vin̄ombelo muje.

VaLevi 10:1

Vana va Alone Nandave, na Avihu, umo na umo wambatele cikango cendi civakavweke tuhya, co vaakeleo manungu a tuhya, co vaakele insense akamwa ya tuhya, co vatwalele kuli Shukulu Kalunga. Oloni tuje tuhya kutwapwile twakujela, omwo Shukulu Kalunga kavashikile kulinga ngacije.

VaLevi 10:2

Aje vene Shukulu Kalunga watumine tuhya, twavenyekele nakuvatsiila kuje vene ku mesho a Shukulu Kalunga.

VaLevi 9:24

Co vwasi-vwasi Shukulu Kalunga watumine tuhya, twenyekele uje mulambu wa kwenyeka, na vilyo, na mazi a mutula. Omo vanu vamwene vije vyalingiwile, co voshe vatambekele nakutsikama a mavuli, nakukulamesa vihanga vyavo asi.

Kujombolola 13:13

Ou cikashama wamucivali walingile vikomokeso vyakama, wasele kutuma tuhya kutunda mwilu kwija ano asi ku mesho a vanu voshe.

Maako 6:21

Asinoni kangelo ka Shukulu Kalunga washwenene kuje ku situ na makende akujeneka musima, co wenikileo nakukambekao mulamu uje wakwatele mu livoko lyendi. Co tuhya twatuukile mu limanya, twenyekele situ na makende. Asinoni kangelo walavukile.