1 Vimyene 18:31 - Livulu lya Shukulu Kalunga

³¹ Ikeye wanonele mamanya likumi na avali, limo na limo kwimanena miyati ije likumi na ivali ije ivalukile mazina a vana va Yakomba, uje Shukulu Kalunga yalukile lizina lya Isalele.

1 Vimyene 18:31 Iomraidhean Croise

Kushangumuka 32:28

Asinoni uje munalume wendekele kuli ikeye ngwendi, “Lizina lyove kuvakalitumbula lalo Yakomba embwe, oloni Isalele omwo yove unalu na Njambi na vanu lalo, co unahyana.”

Kushangumuka 32:29

Yakomba wendekele ngwendi, “Cooni njikulomba unjileke lizina lyove.” Oloni ikeye wamukumbulwile ngwendi, “Omwo vikajo ushaka kuzivuka lizina lyange?” Asinoni ikeye wavezikisile Yakomba.

Kushangumuka 33:20

Co kuje Yakomba watungile lalo mutula nakuuluka lizina lyawo ngwendi, “Njambi, ikeye Njambi ya Isalele.”

Kushangumuka 35:10

Njambi wendekele kuli ikeye ngwendi, “Lizina lyove Yakomba, oloni kutunda ku lelo nakutwala kulutwe likapwa Isalele.” Ngecivene, Njambi wamulukile Isalele.

2 Vimyene 17:34

Na lelo lino vacili nakukava futisi yavo ya laja. Kuvesi nakulemesa Shukulu Kalunga, co lalo kuvesi nakukava vizilika, nambe vilongesa, nambe mashiko aje aanene kuli vatekulwila va Yakomba, uje yalukile Isalele.

Ezela 6:17

Akukundika Njuvo ya Shukulu Kalunga vakombelelele vingombe vakupwa 100, na vimanga vakupwa 200, na vana va vimanga vakupwa 400, na vimembe likumi na vavali kupwa vin̄ombelo vya a vuvi, membe umo na umo kwimanena muyati umo na umo wa Isalele.

Kutuuka 24:4

Co Mosesa wasonekele majwi oshe a Shukulu Kalunga. Co alikaki mutondo watungile mutula kwisi ya munkinda, co wemikileo mamanya a vimanda likumi na avali, ku miyati ya Isalele likumi na ivali lalo.

Isaya 48:1

Yeni vanu va Isalele tolilileni evi, yeni mwatunda kuli Yunda, yeni mukalisingi na lizina lya Shukulu Kalunga, co mulitumbula kupwa vaka-kulemesa Njambi ya Isalele, oloni kumwesi kulinga vije mwendeka.

Njelemiya 31:1

Shukulu Kalunga alinakwendeka ngwendi, “Simbu ilinakwija omo yange njikapwa Njambi wa miyati yoshe ya Isalele, co vakevo vakapwa vanu vange.

Ezekiyele 47:13

Shukulu Kalunga wa Akamwa ya Vyoshe wendekele ngwendi, “Evi vikevyo vinginga vya mu lifuti vije vivakapangezela akati ka miyati likumi na ivali, co muyati wa Yosefa vakatambula mitambela ivali umo wa Manase ukwavo wa Efalime vana va Yosefa.

Efeso 2:20

Neni lalo vanamitungu a luvula luje luvajalele miluwa na vaka-kwimanena, limanya lije lya mu mbango likelyo Kilistu Yesu vavenya.

Yoshwa 4:20

Asinoni Yoshwa walundikile mamanya aje likumi na avali, aje avambatele mu Yondau vaje vanalume likumi na vavali, co waemikilile ku Ngilingale.

Kujombolola 21:12

Ikeyo yakele na civumbe ca cilaja, na vikolo likumi na vivali, co tungelo likumi na vavali vanyungile kuje ku vikolo. Co aje a vikolo vasonekeleo mazina likumi na avali a miyati ya vanu va Isalele.