1 Vimyene 18:24 - Livulu lya Shukulu Kalunga

²⁴ Cooni vaka-kwimanena va Mbale valombe kuli njambi yavo, co nange lalo njikalomba kuli Shukulu Kalunga, co uje njambi akakumbulula nakutuma tuhya, ikeye Njambi.” Co vanu vamutavele.

1 Vimyene 18:24 Iomraidhean Croise

Kushangumuka 4:26

Co Seta wakitile mwana wa munalume wamulukile lizina lyendi Inoshe. Ikeyo simbu ije vanu vashangumukile kulemesa lizina lya Shukulu Kalunga.

2 Samwele 14:19

Ndaviti wamwihwile ngwendi, “Yowave ikeye nakutumu ngeci wakwendeke evi vyoshe ndi?” Co munakazi wamukumbulwile ngwendi, “Mukemwo vene shukulu, njilisinga na vyoshe vije vyakujela, mwa vushunga vene ngamba yove Yowave ikeye nanjilekele mwakulinga nomu mwakwendeka.

1 Vimyene 18:23

Tuneneleni vingombe vavali va nkomba, umo apwe wa vaka-kwimanena va Mbale, mutsiyeni, muvatozoleni vipuka-vipuka, vamwake a vitale, oloni kesi vashwamekeo tuhya embwe. Co nange njikalinga ngacije lalo na ngombe mukwavo.

1 Vimyene 18:25

Asinoni Elinja wendekele kuli vaka-kwimanena va Mbale ngwendi, “Omwo yeni munapu muvavangi manene, co vwaeseni ngombe yeni akulivanga, lombeleni kuli njambi yeni, oloni kesi mushwameke tuhya.”

1 Vimyene 18:38

Vwasi-vwasi Shukulu Kalunga watumine tuhya, co twenyekele n̄ombelo, na vitale, na mamanya, co twenyekele livu nakumisa cau mema a muje mu ngunja.

1 Vimyene 18:39

Omo vanu vamwene vije vyalingiwile, co voshe vatsikamene asi vatambekele ngwavo, “Shukulu Kalunga ikeye Njambi, Shukulu Kalunga lika ikeye Njambi!”

1 Vimyene 2:38

Co Shimei wakumbulwile ngwendi, “Mwamuvwa manene, shukulu, njikalinga vene ngwe muunendeka.” Ngecivene, Shimei wakele mu Yelusalema simbu yakama.

1 Mizimbu 21:26

Asinoni watungile mutula wa Shukulu Kalunga kuje, co walambwile milambu ya kwenyeka, na milambu ya kulitombola. Ndaviti walombelele, co Shukulu Kalunga wamukumbulwile watuma tuhya twa mwilu, co twenyekele vin̄ombelo vije vyakele a mutula.

2 Mizimbu 7:1

Omo Mwene Solomoni wamanesele lilombelo lyendi, co tuhya twatundile mwilu, twenyekele vin̄ombelo vije vivakombelelele, co vumpau vwa Shukulu Kalunga vwashulisile Njuvo.

2 Mizimbu 7:3

Omo vanu va Isalele vamwene tuhya tutunda mwilu, na vumpau vuje vwashulisile Njuvo ya Shukulu Kalunga, co vatsikamene asi, valemesele Njambi nakumushangala omwo vuvwa vwendi na cizemo cendi cije kucesi kutenguluka cakala ku myaka yoshe.

Isaya 39:8

Co Mwene Hezekiya wayongwele ngwendi kukakala kwoloka na vushunga a simbu yakuyoya kwendi, co wendekele kuli Isaya ngwendi, “Lijwi wanjileke lyakutunda kuli Shukulu Kalunga linapu lyalivwa.”

Njelemiya 27:18

Nga vanapu vaka-kwimanena va vushunga, co lalo vali na lijwi lyange, vanjilombe yange Kalunga Muka-nzili yoshe, ngeci vufuko vuje vunasala mu Njuvo yange na mu lipela lya mwene wa mu Yunda na mu Yelusalema kesi vavutwale ku Mbambilone.”

VaLevi 9:24

Co vwasi-vwasi Shukulu Kalunga watumine tuhya, twenyekele uje mulambu wa kwenyeka, na vilyo, na mazi a mutula. Omo vanu vamwene vije vyalingiwile, co voshe vatambekele nakutsikama a mavuli, nakukulamesa vihanga vyavo asi.

Maako 6:21

Asinoni kangelo ka Shukulu Kalunga washwenene kuje ku situ na makende akujeneka musima, co wenikileo nakukambekao mulamu uje wakwatele mu livoko lyendi. Co tuhya twatuukile mu limanya, twenyekele situ na makende. Asinoni kangelo walavukile.