1 Vimyene 18:17 - Livulu lya Shukulu Kalunga

¹⁷ Omo Ahave wamwene Elinja, co wendekele kuli ikeye ngwendi, “Kuma yove ou, muka-kuyandesa manene mu Isalele!”

1 Vimyene 18:17 Iomraidhean Croise

1 Vimyene 18:16

Ngecivene, Ovandiya waile kuli Mwene Ahave nakumuleka, Ahave wakatukile nakukaliwana na Elinja.

1 Vimyene 21:20

Omo Ahave wamwene Elinja, wendekele ngwendi, “Wanjiwana oni citozi cange?” Elinja wakumbulwile ngwendi, “Eyo, njakuwana. Yove wakakateya kulinga vije vya vunyengwe ku mesho a Shukulu Kalunga.

Njelemiya 38:4

Asinoni vamyata vaile kuli mwene nakwendeka ngwavo, “Njelemiya vanapande kumutsiya, omwo akwendeka kwendi ngeci alinakujujwisa mashwalale va mu nganda, co alinakulinga cuma cimolika kuli munu na munu uje nasala mu nganda. Njelemiya kesi nakukwasa vanu, oloni ashaka lika kuvavavalesa ku vimbunge.”

Amose 7:10

Asinoni Amaziya, muka-kukombelela wa ku Mbetele, watumine majwi kuli Mwene Yelovowame wa mu Isalele ngwendi, “Amose nakulingila munga yakukulwisa akati ka vanu va Isalele. Co majwi endi asa kuviisa lifuti lyoshe.

Vilinga vya Miluwa 16:20

Co omo vavatwalele ku mesho a vamyata va vaLoma vendekele ngwavo, “Ava vanalume vanapu vaYunda, co valinakunena vukalu mu nganda yetu.

Vilinga vya Miluwa 17:6

Oloni omo kuvavawanene, vakokangeyeye Njasone na vamo vaka-kukulaela vavatwalele kuli vaka-kushwana, co vatambekele ngwavo, “Ava vanalume vananena vukalu kwoshe-ikwoshevanaija kuno lalo,

Vilinga vya Miluwa 24:5

Omwo twawana ou munalume kupwa muka-muuka, washangumukile kulinga mpindangano akati ka vaYunda mu kaye koshe, co ikeye lalo ntwama ya munga ya vaNazalite.

Yoshwa 7:25

Co Yoshwa wamwihwile ngwendi, “Omwo vikajo unatunenela tuyando twangacije? Ololo nove Shukulu Kalunga akakuyandesa ku litangwa lya lelo!” Asinoni vanu voshe vamwashele mamanya nakumutsiya. Co lalo vashele mamanya naanga yendi nakwenyeka vufuko vwendi vwoshe.