1 Vimyene 18:12 - Livulu lya Shukulu Kalunga

¹² Cikapwa vati nga Munzinzime wa Shukulu Kalunga akutwala ku mutambela weka uje kuuzivuka omo njikuseza ano vene? Co omo njikaleka Ahave ngwange uli kuno, co nga kakuwanako, co akanjitsiya. Anuka ngeci yange njinapu muka-kulemesa Shukulu Kalunga na mbunge yange yoshe tunde ku vwanike vwange.

1 Vimyene 18:12 Iomraidhean Croise

1 Vimyene 18:11

Ololo ushaka njiyeko nakumuleka ngwange uli kuno ndi?

2 Vimyene 2:11

Vakele nakusimutwiya oku valinakwenda, co vwasi-vwasi kwezile litemba lya tuhya lije livakokele tuvalu va tuhya, co Elinja vamutwalele mwilu na kakundu-kundu.

2 Vimyene 2:16

co vendekele ngwavo, “Yetu tunapu makumi atanu, tuvavoshe tunapu vanalume va nzili. Tuye tukashakezeke shukulu yove. Amo munzinzime wa Shukulu Kalunga unamutwala kulyala, co unamuseze a munkinda nambe mu cana.” Elisha wavakumbulwile ngwendi, “Embwe, kesi muyeko.”

2 Mizimbu 34:3

Mu mwaka wamucitanu na itatu wakushwana kwa Yosiya, omo wapwile mukwenje, washangumukile kulemesa Njambi ya kukulwila yendi Mwene Ndaviti. Co omo kwetile myaka iwana, washangumukile kusiwula mitambela vakele nakulemesela vaka-kujeneka kukulaela, na vifwa vya Ashela njambi wa munakazi, na tumponya tukwavo twoshe.

Myaso 71:5

Shukulu Kalunga wa Akamwa ya Vyoshe, njaka cinyangavili cange muli yove, yange njakukulaela tunde ku simbu ya vwanike vwange.

Visimo 8:13

Kusingimika Shukulu Kalunga kukekwo kuzinda vuvi, yange njazinda kulyalesa nakulyaka ku vukama, njazinda lalo vingila vya vuvi na majwi a makuli.

Muka-kwambulula 7:18

Kesi ukavangeye vyoshe vivali. Nga usingimika Njambi, ukapwa muka-kuhyana mu vyoshe.

Isaya 50:10

Yeni voshe vaje musingimika Shukulu Kalunga, nakwononoka majwi a ngamba yendi, ngila mulinakwenda yasa kupwa ya lisusulungu, oloni kulaeleni nakujendamena, ali Shukulu Kalunga Njambi yeni.

Ezekiyele 11:24

Mu cimona, Munzinzime wa Njambi wanjijundwile nakunjiilwisila lalo ku vinzinda ku Mbambilone. Asinoni cije cimona njamwene caile,

Ezekiyele 37:1

Nzili ya Shukulu Kalunga yezile ali yange, co Munzinzime wendi wanjitwalele ku cimbongo cije cashulile na vitsiya.

Ezekiyele 8:3

Wolwele cuma cafwile ngwe livoko, wanjikokele ku vin̄ambu. Co mu cimona eci vene, Munzinzime wa Njambi wanjijundwile mu mukambwila, wanjitwalele ku Yelusalema. Wanjitwalele mukati ka cikolo ca ku kunto ca Njuvo ya Shukulu Kalunga, kuje kwakele kamponya ka vunyengwe kaje kaluvalesele Njambi.

Mateo 2:16

Omo Helonde wamwene ngeci vaka-mana vaje vatundile mu ngangela vanamukwisa, waluvalele manene. Watumine mashwalale vendi ngeci vatsiye vanike voshe va vanalume vaje vakele mu Mbetelehema na mu membo akwatako, washikile ngeci vatsiye vanike vaje vakele na myaka ivali na vaje vavandondo, ngwe muje mwakon̄ele vaka-mana a simbu ije omo ngongonosi yasholokele.

Mateo 4:1

Asinoni Munzinzime watwalele Yesu mu mambo ngeci Liyavola akamweseke.

Luka 1:15

Akapwa wakama ku mesho a Shukulu Kalunga. Kakanu vinyu nameme vyuma vyakulula vije vipendesa. Tunde akusemuka kwendi akashula na Munzinzime Wakujela,

Vilinga vya Miluwa 12:19

Co Helonde waanene lishiko ngeci vashakezeke Petulu, oloni kuvamuwanene. Wehozwele vaje vaka-kunyunga, co washikile ngeci vavatsiye. Asinoni Helonde watundile mu Yundeya waile ku Sesaliya, co wakakele kuje.

Vilinga vya Miluwa 8:39

Omo vajavulukile mu mema, Munzinzime wa Shukulu Kalunga watwalele Filipu kweka. Co uje mukulunu kamumwene lalo, oloni waile vungenzi vwendi nakuvwaelela manene.

2 Timateo 3:15

co wazivuka ngwove tunde ku vwanike vwove, unazivuka Visoneka Vyakujela, vije vyasa kukwana mana mukukutwamenena kukwovoka kwakukulaela muli Kilistu Yesu.

1 Samwele 16:2

Samwele wakumbulwile ngwendi, “Njiyako vati? Nga Saulu akaciziva, co akanjitsiya!” Shukulu Kalunga wamukumbulwile ngwendi, “Ambata muna ngombe uye nendi, ukendeka ngwove njinaija kuno nakukombelela n̄ombelo kuli Shukulu Kalunga.

1 Samwele 2:18

Mu simbu ije vene Samwele wakele nakupangela Shukulu Kalunga, co wazalele kangamuna ka linyu kakujela.

1 Samwele 2:26

Oloni Samwele wakolele, co wawanene kasingimiko ku mesho a vanu na ku mesho a Shukulu Kalunga.