1 Vimyene 18:1 - Livulu lya Shukulu Kalunga

¹ Munima ya simbu imo, mu mwaka wamucitatu wa lilanga, Shukulu Kalunga wendekele kuli Elinja ngwendi, “Ya ukalisholole kuli Mwene Ahave, co yange njikatuma nyonzi.”

1 Vimyene 18:1 Iomraidhean Croise

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

1 Vimyene 17:15

Co uje fwile waile nakulinga ngwe muje Elinja wamulekele, Elinja, na fwile, na naanga yendi vakele na vyakulya vyakupwamo a matangwa oshe.

1 Vimyene 17:7

Co mu kasimbu kakandondo, muna ndonga uje womine cau, omwo kujeneka nyonzi.

1 Vimyene 18:2

Co Elinja waile. Njala ya lyangengela yaamene manene mu Samaliya,

1 Vimyene 8:36

co vatolilile omo mwilu muwakala. Sambesa vuvi vwa mwene na vwa vanu vendi va Isalele. Valongese kulinga vije vyavivwa. Cooni, Shukulu Kalunga, nyokesa nyonzi mu lifuti lyove, eli waanene kuli vanu vove kupwa vufuko vwa myaka yoshe.

Isaya 5:6

Njikacecelela cikule mu shaku, kunjikasalulamo minango nambe kushakwila mikolovozi ya vushuka vwa vinyu, nambe kulimamo, oloni njikecela mishwena na mambimbo icifwike. Co lalo njikavindika mashelwa kunyokelamo nyonzi.”

Njelemiya 10:13

Akushika kwendi mema a mwilu akuma, ikeye muka-kwendesa mashelwa kutunda ku shongo imo ya kaye nakweta ku shongo ikwavo. Muka-kuyemwisa muhyato mu nyonzi, nakutuma lihunzi kutunda mu cishete cendi.

Njelemiya 14:22

Kukwesi tumponya twa vaka-mafuti vasa kunyokesa nyonzi, lilu alyo lika kulyasa kunyokesa nyonzi ya vusuku-mbundu. Yetu tunaka cinyangavili cetu muli yove Shukulu Kalunga Njambi yetu, omwo yove lika muka-kulinga vyuma vyoshe evi.

Njwele 2:23

“Vwaeleleni, yeni vanu va mu Siyone, joleleni a vije vyanamilingila Shukulu Kalunga Njambi yeni. Omwo ikeye namyana nyonzi a simbu yaivwa, co ikeye lalo naminyokesela nyonzi ya likuvula-shoke, co lalo naminyokesela nyonzi ya mu Lipepo ya musanda.

VaLevi 26:4

co njikanyokesa nyonzi a simbu yayo yaivwa, co livu likamenesa vimbuto, na miti lalo ikaima vushuka vwavungi.

Amose 4:7

Yange kunjanyokesele nyonzi omo vimbuto vyeni vyashakele nyonzi. Co njanyokesele nyonzi ku nganda imo, oloni kunjainyokesele ku nganda ikwavo. Ku lihya limo kwanyokele nyonzi, oloni ku lihya likwavo kwomine cau.

Luka 4:25

“Njitolilileni, mwa vushunga njimileka ngwange, mu Isalele mwakele vifwile vavangi a matangwa a Elinja, omo nyonzi kuyanyokele myaka itatu na vingonde vitanu na imo, co kwakele njala ya lyangengela mu lifuti lyoshe.

Kwituluka mu Mashiko 28:12

Co Shukulu Kalunga akanyokesa nyonzi a simbu ya ndombo, co akavezikisa vipangi vyeni vyoshe, ngecivene, mukakumwisa miyati yaingi, oloni yeni kumukakumuna ku muyati umo.

Yakomba 5:17

Elinja wapwile munu mu cifwa ngwe yetu vene. Walombelele manene ngeci nyonzi kesi inyoke, co nyonzi yalikelele kunyoka a myaka itatu na vingonde vitanu na imo.

Kujombolola 11:2

Oloni kesi ukaseteke vimbanja vyayo vya anja, omwo vanavyana kuli vaka-kujeneka kukulaela vaje vakalyatangela Nganda Yakujela a vingonde makumi awana na vingonde vivali.

Kujombolola 11:6

Vali na moko yakuvindika mashelwa ngeci nyonzi kesi inyoke simbu vacili nakwambulula lijwi lya Njambi. Vali lalo na moko a mema a tuvwelu-vwelu, kuwatengulula ngeci apwe maninga, vali lalo na moko yakuviisa kaye na miyati yoshe ya tuyando mwoshe-imwoshe muje muvashaka kulinga.