1 Vimyene 17:13 - Livulu lya Shukulu Kalunga

¹³ Co Elinja wendekele kuli ikeye ngwendi, “Kesi ulishoshomwene embwe. Ya lika ukavwaese vyakulya vyove. Oloni akulivanga njilingileko mukasha wa likende waundondo ku evi ulinavyo, co nena kuli yange, asinoni vwaesa vyove na munove,

1 Vimyene 17:13 Iomraidhean Croise

Kushangumuka 26:24

Ku vutsiki vuje, Shukulu Kalunga washolokele kuli ikeye wendekele ngwendi, “Yange Njambi ya isho Avilahama. Kesi uzive lyova, njili amo nove. Njikakuvezikisa, co njikatumisa vatekulwila vove omwo acikulaeso cange kuli ngamba yange Avilahama.”

1 Vimyene 17:12

Co uje fwile wamukumbulwile ngwendi, “Njilisinga mu lizina lya Shukulu Kalunga Njambi yove wakuyoya kunjesi na likende lyai, njili lika na kavunga ka tiliku kakandondo kali mu lilonga, na tumazi twatundondo twa olive tuli mu njava. Njinaija kuno mukucava vitale ngeci njiye navyo ku njuvo tukateleke tuje twatundondo njilinatwo nange na munange. Vikevyo vyakulya vyetu vya mamaneselelo, asinoni tukakala na njala, co tukalanduke.”

1 Vimyene 17:14

omwo eci cikeco canendeka Shukulu Kalunga, Njambi ya Isalele ngwendi, ‘Vunga vwa tiliku kuvukahu mu lilonga nambe mazi kuwakahu mu njava omo kanda litangwa lije yange, Kalunga, njitume nyonzi.’ ”

2 Vimyene 6:16

Elisha wamukumbulwile ngwendi, “Kesi uzive lyova embwe. Yetu ku mutambela wetu tuli navo vavangi kutuvakana ava vali ku mutambela wavo.”

2 Mizimbu 20:17

Yeni kumukalu nzita eyi embwe. Oloni mukakale lika mu myela yeni nakuvandamena, mukamona Shukulu Kalunga mwakamihyanesa ku vitozi veni. Yeni vanu va mu Yunda na vanu va mu Yelusalema, kesi muzeye nambe kesi muzive lyova. Yeni ku nzita, Shukulu Kalunga akakala amo neni!”

Kutuuka 14:13

Mosesa wavakumbulwile ngwendi, “Kesi muzive lyova! Simpeni lika, mukamona evi vyakalinga Shukulu Kalunga mukumyamena ku litangwa lya lelo, ava vaka-Ingito kumukasa kuvamona lalo.

Visimo 3:9

Singimika Shukulu Kalunga akumulambwila vyuma vyoshe vyavivwa vije viwukateja mu lihya lyove.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 41:13

Yange Kalunga Njambi yeni, njikamikolesa nakumileka ngwange, ‘Kesi muzive lyova, njikamikwasa.’ ”

Malakiya 3:10

Neneni vyoshe vyavulikumi ku cishete, ngeci mu Njuvo yange mukale vyakulya vyavingi. Kacinjesekeni tayi nga kunjikamishokolwela vinjanena vya mwilu nakumyana vyuma vyavingi vije mukajeneka kwakuvitulikila.

Mateo 10:37

“Woshe uje azema ishe nambe vaina kutuvakana yange kapandele kupwa ndongisi yange, co woshe uje azema munendi wa munalume nambe wa munakazi kutuvakana yange kapandele kupwa ndongisi yange.

Mateo 28:5

Oloni uje kangelo wendekele kuli vaje vanakazi ngwendi, “Kesi muzive lyova. Omwo njinazivuka ngwange mushakezeka Yesu, uje ivashukikile a cilindakano.

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

Vilinga vya Miluwa 27:24

nakwendeka ngwendi, ‘Kesi uzive lyova, Paulu! Unapande kwimana ku mesho a Nguvulu. Co Njambi nakunyungila voshe ava ulinakujavuka navo mu vwato.’

VaHevelu 11:17

Akukulaela, Avilahama waanene munendi Isake kupwa n̄ombelo, omo Njambi wamwesekele. Kuli Avilahama lika Njambi walingile cikulaeso, nameme ngoco, walivwaeselele cimweja kwana munendi umolika kupwa n̄ombelo.

1 Petulu 1:7

Vutumbe vwa vyeseko evi vunapu kumwesa vukaleo ngeci kukulaela kweni kunapu kwa vushunga. Nambe ngolinde yasa kunyonga, vakayeseka na tuhya, kukulaela kweni lalo kuje kuli na seo yakama manene kutuvakana ngolinde, vanapande kuceseka ngeci kukakateye. Asinoni mukatambula cishangala na vumpau na kasingimiko a Litangwa lije omo Yesu Kilistu akasholoka.