1 Vimyene 16:31 - Livulu lya Shukulu Kalunga

³¹ Kucapwile cuma cacindondo kuli ikeye kwenda mu vuvi ngwe Yelovowame, co wambatele lalo Njezevele, muna Mwene Etembale wa ku Sindone, co walemesele Mbale.

1 Vimyene 16:31 Iomraidhean Croise

Kushangumuka 30:15

Leya wamukumbulwile ngwendi, “Kuma kuwapwisilemo omo wanjitambula munalume wange ndi? Co ushaka lalo njikwane mandeleke a munange.” Lakele wamukumbulwile ngwendi, “Nga unjanako mandeleke a munove, co vutsiki vwa lelo Yakomba akaija mu njuvo yove.”

Kushangumuka 6:2

Omo vamo vana va Njambi vamwene ngeci vana va vanakazi ava vapwile vavavwa manene, co vambateleo vamo akati kavo vaje vavashakeleo.

1 Vimyene 18:18

Elinja wamukumbulwile ngwendi, “Kesi yange muka-kuyandesa. Muka-kuyandesa napu yove na isho. Kuwesi kwononoka mashiko a Shukulu Kalunga, co ukalemesa tumponya va Mbale.

1 Vimyene 18:19

Ololo shika vanu va Isalele voshe ngeci njikaliwane navo ku Munkinda wa Kalemele. Co ija na vaka-kwimanena va Mbale 450, na vaka-kwimanena va vinjambi va Ashele 400 vaje vakali ku mesa na Vamwene Njezevele.”

1 Vimyene 18:4

omo Njezevele wakele nakutsiya vaka-kwimanena va Shukulu Kalunga, Ovandiya wambateleo vaka-kwimanena 100, co wavashwekele mu manzenzengoma mu vimbunga vivali mumo makumi atanu mukwavo makumi atanu, co wavanene vyakulya na mema.)

2 Vimyene 10:18

Yehu wasanene vanu voshe va mu Samaliya, co wendekele ngwendi, “Mwene Ahave wapangelele njambi Mbale kamandondo lika, oloni yange ni njikamupangela manene.

2 Vimyene 17:16

Vapokwele mashiko oshe a Shukulu Kalunga Njambi yavo, vafulile vana va vingombe va nkomba vavali va vutale nakuvalemesa, co lalo vafulile cifwa ca Ashela njambi wa munakazi, co valemesele vingongonosi, co valemesele Mbale kupwa njambi yavo.

2 Vimyene 21:3

Ikeye watungulwile mitambela ije vakele nakulemesela vaka-kujeneka kukulaela ije yanyongesele ishe Hezekiya, watungile mitula yakulemesela Mbale, co walingile cifwa ca Ashela njambi wa munakazi, ngwe mwalingile Mwene Ahave wa mu Isalele. Co lalo walemesele vingongonosi.

2 Vimyene 3:2

Njolame walingile vuvi ku mesho a Shukulu Kalunga, oloni kapwile wamuvi manene ngwe ishe nambe vaina Njezevele, ikeye washimbwile cifwa ca limanya calingile ishe mukulemesa Mbale.

2 Mizimbu 17:4

Ikeye wapangelele Njambi ya ishe, wononokele mashiko a Njambi, co kalingile vilinga vije vivalingile vimyene va mu Isalele embwe.

2 Mizimbu 21:13

Oloni unatembunwina vingila vya vimyene va Isalele, co unatwamenena vanu va mu Yunda na vanu va mu Yelusalema nakuvapwisa vaka-kujeneka kukulaela, ngwe mwalingile Ahave na naanga yendi vaje vatwamenenene Isalele kupwa vaka-kujeneka kukulaela. Co lalo unatsii vishongo vove, vakevo vapwile vanu vavavwa kutuvakana yove.

Isaya 7:13

Isaya wamukumbulwile ngwendi, “Tolilileni yeni vatekulwila va Mwene Ndaviti. Mwamuvi manene kupesa vanu, kuma mushaka lalo kupesa Njambi ndi?

Ezekiyele 16:20

“Co lalo watambwile vana va vanalume na ava va vanakazi vaje vawanjikitilile nakuvakombelela kupwa n̄ombelo ku tumponya. Kuma kucapwile cacivi manene kujeneka kulongwa kuli yange,

Ezekiyele 16:47

Kuma yove kuwapwisilemo kukava vingila vyavo, nambe kulinga vilinga vyavo vya vunyengwe vije vivalingile? Oloni mu kasimbu kakandondo lika, yove walingile vyavivi kutuvakana vije valingile vakevo.

Ezekiyele 34:18

Vamo veni kuvapwisilemo kulya mwila wauvwa, mulinakulyatangela mwila uje kumushaka kulya! Munwa mema amavwa, co muvundula aje kumushaka kunwa!

Ezekiyele 8:17

Shukulu Kalunga wendekele kuli yange ngwendi, “Muna munu, unamono evi ndi? Ava vanu va mu Yunda kuvapwisilemo kulinga vyuma vyangoco vya vunyengwe vije viwunamono kuno, na vukalu vuje vunashandokela mu lifuti lyoshe. Embwe, vanapandele kwija nakuvilingila muno mu Njuvo yange, ngeci vanjiluvalese manene. Kenga muvali nakunjishaula akwaka minango ku majulu avo!

Hoziya 2:15

Co njikamwana lalo vitungu vyendi vya mikolovozi ya vushuka vwa vinyu vije vyakele navyo laja, nakutengulula Cana ca Tuyando kupwa cikolo ca cinyangavili. Co akanjitava ngwe muje mwalingile omo wapwile wamundondo, omo watundile ku Ingito.

Kulava 16:9

Kuma munayongola ngweni cinapu cuma cacindondo, omo Njambi ya Isalele namyangununa mu mbunga ya Isalele, ngeci yeni mwase kushwenya kuli ikeye nakupanga vipangi mu Mbalaka Mwakuliwanena nakwimana ku mesho a mbunga nakuvapangela ndi?

Kwituluka mu Mashiko 7:1

“Omo Shukulu Kalunga Njambi yeni akamitwala mu lifuti lije mulinakukovela nakulishwana, ikeye akashekamo miyati yakama. Co Shukulu Kalunga akashekamo miyati itanu na ivali yakama manene ya nzili kutuvakana yeni, vaHivi, na vaNgilengashi, na vaAmoli, na vaKanana, na vaPelezi, na vaHiti, na vaNjevushi.

Kujombolola 2:20

Oloni kuli cimo njalinyenge ali yove, unecelela uje munakazi Njezevele, uje alinakulitumbula ikeye vavenya ngwendi muluwa wa Njambi. Kulongesa kwendi kulinakutwamenena vangamba vange kulinga vupangala nakulya vyakulya vyakukombelela ku tumponya.

Maako 1:31

Vanu va muyati wa Ashele kuvashekele vaKanana vaje vakele mu vinganda vya Ako, na Sindone, na Ahelambe, na Akezimbe, na Helemba, na Afeke, na Lehombe.

Maako 10:12

na vaSindone, na vaAmaleke, na vaMowavi, vamiyandesele kunima, co mwalililile kuli yange. Kuma kunjamyamenene kuli vakevo ndi?

Maako 10:6

Co lalo vaIsalele valingile vuvi ku mesho a Shukulu Kalunga akulemesa Mbale, na Asitalete, vinjambi va Silya, na Sindone, na Mowavi, na Amoni, na Filisitiya. Valikelele kulemesa Shukulu Kalunga nakujeneka kumupangela.

Maako 18:7

Ngecivene, vaje vanalume vatanu vaile ku limbo lya Laishe. Co vamwene vati valinakuyoya vanu vaje vakelemo, ngwe ku cilika ca Sindone. Vapwile vanu va kwoloka nakushungama, kuvakele na vimata kuli vanu veka embwe, vakele na vyoshe vije vivashakele. Vakele nakulya vyakulya vyakutunda ku Sindone, co kuvapangele na vanu veka embwe.

Maako 2:11

Ngecivene, vaIsalele valingile mwamuvi ku mesho a Shukulu Kalunga, co vashangumukile kulemesa vaMbale.

Maako 3:7

Co vanu vaIsalele valingile vuvi ku mesho a Shukulu Kalunga, vevalele Shukulu Kalunga Njambi yavo, nakulemesa tumponya twa vaMbale na Ashela.