1 Vimyene 16:29 - Livulu lya Shukulu Kalunga

²⁹ Mu mwaka wamumakumi atatu na itanu na itatu wakushwana kwa Mwene Asa wa mu Yunda, Ahave muna Omeli wapwile mwene wa mu Isalele, co washwanene mu Samaliya myaka makumi avali na myaka ivali.

1 Vimyene 16:29 Iomraidhean Croise

1 Vimyene 16:21

Co vanu va Isalele valipangele, vamo vashakele Timbeni muna Nginate apwe mwene, oloni vakwavo vashakele Omeli.

1 Vimyene 16:23

Ngecivene, mu mwaka wamumakumi atatu na umo wakushwana kwa Mwene Asa wa mu Yunda, Omeli wapwile mwene wa Isalele, washwanene myaka likumi na ivali. A myaka yakulivanga itanu na umo washwanene mu Tileza,

1 Vimyene 16:24

co walandele lilundu lya Samaliya na mavundungulu a siliva akupwa 6,000 ku munalume umo lizina lyendi Shemele. Co kuje ku lilundu Omeli wazengelekeleko cimpaka, co watungilileko nganda, wailukile Samaliya, mu lizina lya Shemele, vavenya lije lilundu.

1 Vimyene 16:28

Omeli watsile, vamutsindile mu Samaliya, co munendi Ahave wamushwanene kupwa mwene.

1 Vimyene 16:30

Co ikeye walingile vuvi ku mesho a Shukulu Kalunga kutuvakana vimyene voshe vaje vaashwanene.

1 Vimyene 16:33

Co lalo wapangele cifwa ca Ashela njambi wa munakazi. Co watwaleleo kulinga vyuma vyavivi nakushangumuna vukalu vwa Shukulu Kalunga, Njambi ya Isalele, kutuvakana vimyene voshe vakulivanga mu Isalele.

1 Vimyene 21:18

“Ya kuli Mwene Ahave wa ku Samaliya. Ukamuwana mu citungu ca Navote, ca mikolovozi ya vushuka vwa vinyu cije ashaka kwambata.

2 Mizimbu 25:13

Co a simbu ije mashwalale va vaIsalele vaje kuvaile na Amaziya ku nzita valwisile vinganda vya vaYunda mukati ka Samaliya na Mbete Holone, vatsiile vanalume vakupwa 3,000, co vapukwile vufuko vwavungi manene.

Njelemiya 41:5

vanalume makumi atanu na atatu vetele kutunda ku Shekeme, na ku Shilo, na ku Samaliya. Vatewile minjezi yavo, nakutavozola vuzalo vwavo, nakulilengozola a mivila yavo. Vezile na vimbuto vya vinona, na insense vyakukombelela mu Njuvo ya Shukulu Kalunga.

Hoziya 13:1

Ku myaka ya kunima, omo muyati wa Efalime vendekele, co miyati ikwavo ya Isalele vazivile lyova, co vakengele lika kuli Efalime. Oloni vanu va Efalime valingile vuvi akulemesa Mbale, a vyuma evi, co vakatsa.

Mika 6:16

Eci cikalingiwa omwo munakavangeya vilinga vyavivi vya Mwene Omeli, na munendi Mwene Ahave. Munakavangeya mashiko avo, ngecivene, njikaminyongesa. Co vanu voshe vakamishaula. Vanu vange vakamishaula kwoshe-ikwoshe.”