1 Vimyene 15:4 - Livulu lya Shukulu Kalunga

⁴ Oloni omwo ali Ndaviti, Shukulu Kalunga Njambi yendi waanene Aviya mwana wa munalume amushwane mu Yelusalema mukunyunga Yelusalema mwamuvwa.

1 Vimyene 15:4 Iomraidhean Croise

Kushangumuka 12:2

Njikatumisa vatekulwila vove, co vakapwa muyati wakama. Njikakuvezikisa nakutsimanesa lizina lyove, ngecivene, vavangi vakawana kuvezika muli yove.

Kushangumuka 19:29

Oloni omo Njambi wanyongesele vinganda vya mu cana muje mwakele Lote, wanukile cikulaeso cije wakulaesele Avilahama, co wovwele Lote.

Kushangumuka 26:5

Njikakuvezikisa omwo Avilahama wanjononokele, co wanyungile mashiko ange oshe na vizilika vyange vije vinjamushikile.”

2 Samwele 21:17

Oloni Avishai muna Zeluya wezile kuli Ndaviti nakumukwasa, walwisile uje likisi-kisi, co wamutsiile. Asinoni vanu va Ndaviti vamulombele ngwavo, “Kesi ukaye netu lalo ku nzita, yove unapu manda ya Isalele, co kutushaka lalo ngeci tukujeneke.”

1 Vimyene 11:12

Nameme ngoco, omwo a lizina lya isho Ndaviti, kunjikacilingi a simbu yakuyoya kwove, oloni njikacilinga a simbu yakushwana kwa munove.

1 Vimyene 11:32

Solomoni akanyunga lika muyati umo, omwo ali ngamba yange Ndaviti na omwo ali Yelusalema, nganda ije injinaangula mu lifuti lyoshe lya Isalele.

1 Vimyene 11:36

oloni njikatava muna Solomoni kunyunga muyati umolika, ngecivene, simbu yoshe njikakale na mutekulwila wa ngamba yange Ndaviti kushwana mu Yelusalema, nganda ije njinaangula kupwa mutambela wakunjilemesela.

2 Mizimbu 21:7

oloni Shukulu Kalunga katavele kunyongesa vumwene vwa Ndaviti embwe, omwo walingile laja cikumiiyo na ngamba yendi Ndaviti ngeci vatekulwila vendi vakashwana simbu yoshe.

Myaso 132:17

Njikapwisa umo wa vatekulwila va Ndaviti kupwa mwene wa nzili vumwene vwendi vukakalako, ngwe ndeya ije ishukuma myaka yoshe.

Myaso 18:28

Yove Shukulu Kalunga wapwa ceke, tundisa lisusulungu lyange.

Myaso 87:5

Mwa vushunga vakendeka ali Siyone ngwavo, miyati yoshe vatunda muje, co Shukulu Kalunga Muka-nzili yoshe akaikolesa.

Isaya 14:32

Vatijo twasa kukumbulula miluwa vaje vatunda ku Filisitiya? Tukavaleka ngwetu Shukulu Kalunga ikeye watungile Siyone, nameme vanu vendi vaka-kuyanda vakawana kwoloka.

Isaya 37:35

Njikamena nganda eyi nakuyinyunga, omwo a lizina lyange, na omwo a cikulaeso njalingile kuli ngamba yange Ndaviti.’ ”

Isaya 62:7

Kuvapandele kumuhwimisa kuvanga noo nendula Yelusalema, nakuyipwisa nganda ije ivakashangazala vaka-kaye voshe.

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Njelemiya 33:2

“Yange Kalunga uje watangele asi, co njamungile kaye nakukatumbika mu mwela wako.

Mateo 16:18

Co yange njikuleka lalo ngwange, yove unapu Petulu, co a limanya eli vene akeo njikatungila cikungulukilo cange, co nzili ya vukalo vwa vatsi kuyikacihyana.

Luka 2:32

ceke cakujombolola cizango cove kuli ava kesi vaYunda, nakunena vumpau kuli vanu vove va Isalele.”

Yowano 8:12

Yesu wendekele lalo kuli vaFaliseo ngwendi, “Yange ceke ca vaka-kaye. Woshe anjikava akakala na ceke ca mwonyo, co kakende lalo mu lisusulungu.”

Loma 11:28

Omwo vanavyana Vin̄anda Vyavivwa, vaYunda vanapu vitozi va Njambi omwo yeni kesi mu vaYunda. Oloni omwo kwangula kwa Njambi, vanapu vasamba vendi omwo ali vakukulwila vavo.

Kwituluka mu Mashiko 4:37

Shukulu Kalunga wamyangwile nakukala akati keni, ngeci wamitundisile mu lifuti lya Ingito na nzili yendi yakama omwo wazemene vakukulwila veni.

Kujombolola 22:16

“Yange Yesu, njinatumu kangelo kange nakwambulula vyuma evi kuli yeni mu vikungulukilo. Yange njatunda ku naanga ya Ndaviti, yange litota lyakuvyazima lya mutondo.”