1 Vimyene 15:20 - Livulu lya Shukulu Kalunga

²⁰ Mwene Mbenehandande watavele ku viyongola vya Asa, co watumine vamyata vaka-kushika nzita yendi na mashwalale vavo kukalwisa vinganda vya Isalele. Vafungulwile Injone, na Ndani, na Avele Mbete Maka, na mutambela wa kuyehi na Lishali lya Ngalileya, na mutambela woshe wa Nafetali.

1 Vimyene 15:20 Iomraidhean Croise

Kushangumuka 14:14

Omo Avilama wazivile ngeci vanakwata Lote muna shongo yendi nakumupwisa cinzinda, co wasanene vanalume voshe vaka-kulwa nzita va mu cilombo cendi. Voshe vapwile 318, co vashekele vaje vimyene vawana nakuvetesa ku Ndani.

1 Vimyene 12:29

Yelovowame waakele ngombe umo wa ngolinde mu Mbetele, co mukwavo wamwakele mu Ndani.

1 Vimyene 20:1

Mwene Mbenehandande wa ku Silya wakungulwile mashwalale vendi voshe, amo na vimyene vakumukwasa vakupwa makumi atatu na vavali na tuvalu na matemba avo, voshe vaile vakazengelekele Samaliya nakuyilwisa.

1 Vimyene 20:34

Mbenehandande wendekele kuli ikeye ngwendi, “Njikakwilwisila vinganda vije tate wavitambwile kuli isho, co lalo ukalishevela vitapalo yove vavenya mu Ndamasiku, ngwe mwalingile tate mu Samaliya.” Ahave wakumbulwile ngwendi, “Ngecivene, a vyuma evi, njikakushuula ngoco.” Co walingile cikumiiyo nendi, co wamushuwile waile.

2 Vimyene 15:29

Omo Peka wapwile mwene wa mu Isalele, Tingelate Pilesele, mwene wa Asilya wafungulwile vinganda vya Injone na Avele Mbete Maka na Njanowa na Kendeshe na Hazole na mafuti a Ngilyande na Ngalileya na Nafetali, co watwalele vinzinda ku Asilya.

Yoshwa 11:2

na kuli vimyene vaje vakele ku kunto ku lifuti lya malundu, na mu Cana ca Yondau ku mbwela ku Lishali lya Ngalileya, na lifuti lya ku vushelumukilo vwa malundu, na ku cikuma ca Mema a Kalunga a Menditelenyani kuyehi na Ndole.

Yoshwa 12:3

na Cana ca Yondau kutunda ku Lishali lya Ngalileya mu ngangela ya Mbete Njeshimote ku mbwela ya Lishali Lya Kutsa, co nginga yaile na ku vushelumukilo vwa Munkinda wa Pisenga.

Yoshwa 19:39

Vinganda evi na membo avyo vyakele mu livu lya vatekulwila va Nafetali livatambwile kupwa vushwana vwavo.

Maako 18:29

Vailukile lizina lya Ndani, lizina lya kukulwila yavo Ndani, muna Yakomba. Oloni laja vaitumbwile Laishe.