1 Vimyene 15:18 - Livulu lya Shukulu Kalunga

¹⁸ Ngecivene, Mwene Asa wambatele siliva yoshe na ngolinde vije vyasalele mu Njuvo ya Shukulu Kalunga na mu lipela, co wavitumine na vamo vamyata vendi ku Ndamasiku, kuli Mwene Mbenehandande wa ku Silya, muna Tambelimone na mutekulu wa Heziyone, na majwi awa ngwendi,

1 Vimyene 15:18 Iomraidhean Croise

Kushangumuka 14:15

Co Avilama waangunwine vanu vendi mu vimunga, nakulwisa vitozi a simbu ya vutsiki, ngeci vavafungulwile. Co wavashekele kweta na ku Homba ku kunto ya lifuti lya Ndamasiku,

Kushangumuka 15:2

Oloni Avilama wakumbulwile ngwendi, “Yove Shukulu Kalunga wa Akamwa ya Vyoshe, vuvwa mukajo cikapanga cikandelela cove kuli yange omwo yange kunjesi na vana? Elyazale wa ku Ndamasiku ikeye lika shwana yange.”

1 Vimyene 14:26

Wambatele vufuko vwoshe vwa mu Njuvo ya Shukulu Kalunga novu vwa mu lipela, amo na vintelo vya ngolinde vije vyafulile Solomoni.

1 Vimyene 15:15

Ikeye waakele mu Njuvo ya Shukulu Kalunga vyuma vyoshe vije ishe wavikundikile kuli Njambi, amo na ngolinde, na siliva vije vyakundikile ikeye.

2 Vimyene 12:17

A simbu ije Mwene Hazayele wa ku Silya walwisile nganda ya Ngate nakuyifungulula, asinoni wayongwele kukalwisa Yelusalema.

2 Vimyene 12:18

Mwene Yowashe wa mu Yunda wambatele vyuma vyoshe vije Njosefati na Njeholame na Ahaziya vanu vaje vaingile, vavikundikile kuli Shukulu Kalunga, kuwezelelako na vyuma vyendi vavenya, na ngolinde yoshe ije yakele mu mbango ya Njuvo ya Shukulu Kalunga na mu lipela, co wavitumine vyoshe kupwa vwana kuli Mwene Hazayele, co ikeye watundisile mashwalale vendi mu Yelusalema.

2 Vimyene 12:19

Vyuma vyeka vije vyalingile Mwene Yowashe vavisoneka mu Livulu lya Mizimbu ya Vimyene va mu Yunda.

2 Mizimbu 15:18

Co waakele mu Njuvo ya Shukulu Kalunga vyuma vyoshe vije vyakundikile ishe Aviya kuli Njambi, na vyuma lalo vya ngolinde na siliva vije vyakundikile ikeye vavenya.

Njelemiya 49:27

Njikashwameka tuhya a vivumbe vya Ndamasiku, nakwenyeka mapela oshe a Mwene Mbenehandande. Yange Kalunga Muka-nzili yoshe, njinendekamo.”

Amose 1:4

Ngecivene, njikenyeka lipela lya Mwene Hazayele, co njikenyeka vimpaka vya Mwene Mbenehandande.