1 Vimyene 15:13 - Livulu lya Shukulu Kalunga

¹³ Co watundisile vakuku yendi Maka mu mwela wa vamwene, omwo walingile kamponya ka vunyengwe ka Ashela njambi wa munakazi. Co Asa wambatele kaje kamponya nakukenyekela mu cana ca Kindelone.

1 Vimyene 15:13 Iomraidhean Croise

2 Samwele 15:23

Vanu valilile manene omo vanu va Ndaviti vakatukile. Co mwene wajavukile muna ndonga Kindelone, oku vanu vendi valinakumukava, vaile amolika na ku ngila yakuya mu mambo.

1 Vimyene 15:10

co washwanene mu Yelusalema myaka makumi awana na mwaka umo. Vakuku yendi vapwile Maka, muna Avisalome.

1 Vimyene 15:2

co washwanene myaka itatu mu Yelusalema. Vaina vapwile Maka, muna Avisalome.

1 Vimyene 2:19

Ngecivene, Mbateshemba waile kuli mwene nakwendeka vyakwimanena Andoniya. Co mwene wemanene nakukandelela vaina. Asinoni watumbamene mu litanda lyendi, vanenele litanda likwavo muje vatumbamene vaina ku livoko lyendi lya cilyo.

2 Vimyene 10:26

vatundisilemo manda yakujela ije yakele muje, vayenyekele.

2 Vimyene 18:4

Watundisile mitambela ije vakele nakulemesela vaka-kujeneka kukulaela, wasiwile vimanda vya mamanya, co wavujwile vifwa vya Ashela njambi wa munakazi. Co lalo wapokwele mu vimbazuvwila linyoka wa vunengu uje yafulile Mosesa, ivatumbwile ngwavo Nehushetane. Kweta na ku simbu ije vanu va Isalele vakele nakwenyeka insense kusingimika uje linyoka.

2 Vimyene 23:4

Yosiya washikile Hilikiya Muka-kukombelela Wakama na vaka-kukombelela vendi vakumwata na vaka-kunyunga ku cikolo ca Njuvo ya Shukulu Kalunga kutuwisa mu Njuvo ya Shukulu vivala vyoshe vije vivapangesele mukulemesa Mbale na Ashela njambi wa munakazi na vingongonosi. Co mwene wenyekelele vivala vyoshe evi anja ya nganda kuyehi na Cana ca Kindelone, asinoni vatwalele lito lyavyo ku Mbetele.

2 Vimyene 23:6

Co watundisile lalo mu Njuvo ya Shukulu Kalunga cifwa ca Ashela njambi wa munakazi, wacituwisile mu nganda wacitwalele ku Cana ca Kindelone, co wacenyekelele kuje, watwile manungu, co apwile likungu, co walishandwelele akamwa ya vimbumbo vya vanu nkala.

2 Mizimbu 34:4

Akushika kwendi, vanu vasiwile mitula ivalemeselele Mbale, na mitula ya insense. Co vatwile vunga vifwa vya Ashela, na tumponya tukwavo twoshe, asinoni vakuvile lije lito a vimbumbo vya vanu vaje vakele nakuvakombelela.

Kutuuka 32:20

Ngecivene, wanonele uje muna ngombe wa nkomba yamungile Alone, wamwenyekele, co wamutwile vunga, wavushingile na mema. Asinoni wavunwisile vanu va Isalele.

VaLevi 26:30

Njikanyongesa myela yeni yakulemesela a malundu, nakusiwula mitula yeni ya insense, co njikombangela vivimbi vyeni a tumponya tweni twakuwa twa mwonyo. Co mukapwa va vunyengwe ku mesho ange.

Zakaliya 13:3

Asinoni nga munu umo anga akashaka kwambulula vuka-kwimanena, co vaishe na vaina vakamunangula ngwavo yove unapande kutsa vene, omwo ulinakwendeka makuli mu lizina lya Shukulu Kalunga. Nga anga akatwalao kwambulula vuka-kwimanena, co vaishe na vaina vakamutsiya na mukwale.

Mateo 10:37

“Woshe uje azema ishe nambe vaina kutuvakana yange kapandele kupwa ndongisi yange, co woshe uje azema munendi wa munalume nambe wa munakazi kutuvakana yange kapandele kupwa ndongisi yange.

Yowano 18:1

Omo Yesu wamanesele kulombela, waile amo na vandongisi vendi vajavukilile musambwa ya Muna Ndonga Kindelone. Mu mutambela uje mwakele lihya, co Yesu na vandongisi vendi vakovelelemo.

2 Kolinte 5:16

Ngecivene, kukwesi simbu yeka lalo itukasompa munu woshe-iwoshe mu cisemwa ca ano asi, nambe nga ku simbu imo twasompele Kilistu ngwe ku cisemwa ca ano asi, kutukelukilamo lalo kulinga ngacije.

Ngalatiya 2:14

Oloni omo njamwene ngeci kuvakele nakwenda mu ngila yaivwa ya vushunga vwa muzimbu, co njendekele kuli Petulu ku mesho avo voshe ngwange, “Yove unapu u kaYunda, oloni unakala nakuyoya ngwe uje kesi kaYunda, kesi ngwe kaYunda. Ngecivene, vati wasa kusindiiya vaje kesi vaYunda ngeci vayoye ngwe vaYunda?”

Kwituluka mu Mashiko 33:9

Vakevo vasholwele kasingimiko kakama kuli yove, kutuvakana ku visemi vavo, nambe ku vandolome vavo, nambe ku vana vavo. Vononokele mashiko ove, vapwile va kulongwa ku cikumiiyo cove.

Kwituluka mu Mashiko 7:5

Omu mukemwo mumukalinga navo, mukasiwula mitula yavo, nakuvujula vimanda vya mamanya vyakulemesela, nakuvatula viti vya Ashela njambi yavo wa munakazi, nakwenyeka tumponya twavo.

Kwituluka mu Mashiko 9:21

Ngecivene, njanonele cuma cije cacivi cije cimwalingile, muna ngombe wa vutale uje mwafulile, co njamumbilile mu tuhya, ngeci njamutsenene na kumutwa vunga, mukemwo njombilile vuje vunga mu muna ndonga ije yakele nakutunda ku munkinda.

Yoshwa 6:24

Asinoni venyekele nganda ya Yeliko na vyoshe vije vyakelemo, kuvanga lika ngolinde, na siliva, na vivala vya vunengu, na vikuvo. Co vije vavyambatele nakuvyaka mu cipau ca Shukulu Kalunga.