1 Vimyene 15:12 - Livulu lya Shukulu Kalunga

¹² Ikeye washekele mu lifuti vikwizi voshe va vanalume na ava va vanakazi, vaje vakele nakupanga ku mitambela ije ivakele nakulemesela vaje vaka-kujeneka kukulaela, co ikeye watundisile tumponya twoshe tuje tuvalingile vaje vaashwanene.

1 Vimyene 15:12 Iomraidhean Croise

1 Vimyene 15:3

Ikeye walingile vuvi ngwe mwalingile lalo ishe, co kapwile wa kulongwa kuli Shukulu Kalunga Njambi yendi, ngwe mwapwile kukulwila yendi Ndaviti.

1 Vimyene 21:26

Ikeye walingile vuvi vwa shwamwa yakama manene akulemesa tumponya, ngwe muvalingile vaAmoli, vaje vashekele Shukulu Kalunga mu lifuti nakulyana kuli vaIsalele.)

1 Vimyene 22:46

Co ikeye washekele voshe vikwizi va vanalume na ava va vanakazi vaje vakele nakupanga ku mitula ya vinjambi va makuli vaje vasaleleo kutunda ku matangwa a ishe Asa.

1 Vimyene 22:47

Co lifuti lya Endome kulyakele na mwene, valishwanene kuli katumwa uje yaangwile mwene wa mu Yunda.

2 Vimyene 23:7

Co wasiwile vinjuvo vya vikwizi vije vyakele mu Njuvo ya Shukulu Kalunga. (Mukemwo muje muvakele nakupangela vanakazi vuzalo vwakupangesa mukulemesa Ashela.)

Kwituluka mu Mashiko 23:17

“Kesi kukakale cikwizi akati ka vana va vanakazi va vaIsalele, nambe kesi kukakale vundeyi akati ka vana va vanalume va vaIsalele embwe.

1 Petulu 1:18

Omwo mwazivuka ndando ije ivamipatwile nayo mukumitundisa ku mwonyo wangoco uje mwatambwile kuli vakukulwila veni. Kucapwile cuma cije casa kunyonga ngwe siliva nambe ngolinde,

Yunda 1:7

Anukeni Sondoma na Ngomola, na vinganda vije vyateleko, vije vanu vamwo valingile ngwe muje muvalingile vaje tungelo mukulikundika ku vilinga vya vupangala na mu mashungu amavi, vayanda na n̄avava ya cihiso ca tuhya ca myaka yoshe kupwa kunangula kwa mutanya mwelu kuli voshe.