1 Vimyene 14:30 - Livulu lya Shukulu Kalunga

³⁰ A simbu yoshe eyi Lehovowame na Yelovowame vakele nakulilwisa umo na mukwavo.

1 Vimyene 14:30 Iomraidhean Croise

2 Samwele 3:1

Nzita ya akati ka mashwalale vemanenene naanga ya Saulu na mashwalale vaje vemanenene naanga ya Ndaviti yakele simbu yakama. Co nzili ya mashwalale va naanga ya Ndaviti yapwile yakama manene, oloni nzili ya mashwalale va naanga ya Saulu yakele nakuzeya.

1 Vimyene 12:21

Omo Lehovowame wetele mu Yelusalema, wakungulwile vamo mashwalale vakupwa 180,000 vakulwa mwamuvwa va ku miyati ya Yunda na Mbenjemani. Washakele kukalwa nzita ngeci elwise nzili yendi yakushwana miyati ya Isalele ya ku kunto.

1 Vimyene 12:24

“Kesi mulwise vandolome veni, vanu va Isalele, ilukeni kwimbo yeni voshe. Eci cinalingiwa cinapu cizango cange.” Voshe vononokele kushika kwa Shukulu Kalunga, co velukile ku membo avo.

1 Vimyene 14:19

Vyuma vyeka vije vyalingile Mwene Yelovowame, vinzita vyalwile na muje mwashwanene, vyoshe vavisoneka mu Livulu lya Mizimbu ya Vimyene va mu Isalele.

1 Vimyene 15:16

Mwene Asa wa mu Yunda, na Mwene Mbasha wa mu Isalele vakele nakulilwisa umo na mukwavo simbu yoshe yakushwana kwavo.

2 Mizimbu 12:15

Vilinga vya Lehovowame kutunda kukushangumuka kweta nakukukotoka, na muzimbu wa naanga yendi vavisoneka mu Livulu lya Mizimbu lya Shemaya Muka-kwimanena na mu Livulu lya Mizimbu lya Indo Muka-kwimanena. Lehovowame na Yelovowame vakele nakulwa nzita simbu yoshe.