1 Vimyene 14:23 - Livulu lya Shukulu Kalunga

²³ Co vatungile myela yakulemesela vinjambi vangoco, vemikile vimanda vya mamanya na vimweso vya Ashela mukuvilemesa akamwa ya malundu, na mwisi ya minzinze ya miti.

1 Vimyene 14:23 Iomraidhean Croise

1 Vimyene 12:31

Co Yelovowame lalo watungile myela yakulemesela akamwa ya malundu, waangwile vaka-kukombelela va ku vanu veka kesi va ku muyati wa vaLevi.

1 Vimyene 14:15

Shukulu Kalunga akahisa Isalele, co Isalele ikajaja ngwe mulikajaja lihongo mu muna ndonga. Ikeye akatundisa vanu va Isalele mu lifuti eli lyalivwa lije walyanene kuli vakukulwila vavo, co akavashandwela musambwa ya Ndonga ya Yufuleti, omwo vashangumuna vukalu vwendi akushonga tumponya twa Ashela njambi wa munakazi.

1 Vimyene 15:12

Ikeye washekele mu lifuti vikwizi voshe va vanalume na ava va vanakazi, vaje vakele nakupanga ku mitambela ije ivakele nakulemesela vaje vaka-kujeneka kukulaela, co ikeye watundisile tumponya twoshe tuje tuvalingile vaje vaashwanene.

1 Vimyene 20:23

Vamyata va Mwene Mbenehandande vendekele kuli ikeye ngwavo, “Omo vinjambi va Isalele vapwa vinjambi va minkinda, mukemwo vaIsalele vanatufungulwile. Oloni mwa vushunga tukavafungulula nga tukalwa navo mu cana.

1 Vimyene 3:2

Vanu vakele nakukombelela vin̄ombelo a mitula yakuliseza-seza, te kanda vacitungile Shukulu Kalunga Njuvo.

1 Vimyene 3:3

Solomoni wazemene Shukulu Kalunga, co wakavele mashiko a ishe Ndaviti, oloni watsiile lalo vimuna nakuvakombelela kupwa vin̄ombelo a mitula yakuliseza-seza.

2 Vimyene 10:26

vatundisilemo manda yakujela ije yakele muje, vayenyekele.

2 Vimyene 16:4

Oloni Ahaze wakombelelele vin̄ombelo nakwenyekela insense ku mitambela kuje vakele nakulemesela vaje vaka-kujeneka kukulaela, a malundu, na mwisi ya minzinze yoshe ya miti.

2 Vimyene 17:16

Vapokwele mashiko oshe a Shukulu Kalunga Njambi yavo, vafulile vana va vingombe va nkomba vavali va vutale nakuvalemesa, co lalo vafulile cifwa ca Ashela njambi wa munakazi, co valemesele vingongonosi, co valemesele Mbale kupwa njambi yavo.

2 Vimyene 17:19

Oloni nameme vanu va Yunda kuvononokele mashiko a Shukulu Kalunga Njambi yavo, co vatembunwinine futisi ya vanu va Isalele.

2 Mizimbu 24:18

Ngecivene, vanu valikelele kulemesela mu Njuvo ya Shukulu Kalunga, Njambi ya vakukulwila vavo, vashangumukile kulemesa tumponya, na vifwa vya Ashela njambi wa munakazi. Co vukalu vwa Shukulu Kalunga vwezile a Yunda na a Yelusalema omwo a vuvi ovu.

2 Mizimbu 28:4

Oloni mitambela ije vakele nakulemesela vaje vaka-kujeneka kukulaela, a malundu na mu minzinze yoshe ya miti yakutonola, Ahaze lalo nendi wakele nakukombelelako vin̄ombelo vya kwenyeka na kwenyekelako insense.

Kutuuka 34:13

Oloni yeni mukasiwule mitula yavo, nakunyongesa vimanda vyavo vyakulemesela, co mukavujula vimweso vya Ashela njambi yavo wa munakazi.

Isaya 57:5

Mulinakulemesa vinjambi va tumponya nakulingila vupangala mwisi ya miti yeni yakujela. Mulinakukombelela vana veni mu manzenzengoma a mamanya kuyehi na muna ndonga.

Njelemiya 17:2

Vana veni vakalemesa ku mitula, na ku vifwa vije vivashimbikilile Ashela njambi wa munakazi mwisi ya minzinze ya miti yoshe yakutonola na akamwa ya malundu,

Njelemiya 2:20

Shukulu Kalunga wa Akamwa ya Vyoshe alinakwendeka ngwendi, “Isalele, ku san̄ulu yove wanjisezele nakupokola vikumiiyo vyoshe vije vyakele akati kove nange, wavyanene kunjononoka nakunjilemesa. Oloni a malundu oshe amalaja, na mu minzinze ya miti yoshe yakutonola, walemesele vinjambi vakujeneka seo.

Njelemiya 3:13

Litavele lika ngwove uli na mulonga, co unatengulukila nakulwisa Shukulu Kalunga Njambi yove. Litavele ngwove unalingi vupangala mu minzinze yoshe ya miti, na vinjambi veka ngeci kuwononokele mashiko ange. Yange Kalunga, njinendekamo.

Ezekiyele 6:13

Mivila yavo ikashandokela mukati ka tumponya, na nakuzengeleka mitula, ikashandokela a malundu oshe amalaja, na akamwa ya minkinda yoshe, na mwisi ya minzinze ya miti, na mu miti yoshe yakama ya oke, na mu mitambela yoshe muje muvakenyekela vin̄ombelo ku tumponya twavo. Asinoni munu woshe akazivuka ngeci yange njapwa Kalunga.

Ezekiyele 6:3

Leka minkinda ya Isalele ngeci izive lijwi lya Shukulu Kalunga, izive vije yange Kalunga wa Akamwa ya Vyoshe njendeka ku minkinda, na ku malundu, na ku mingulunga, na ku vimbongo ngwange, ‘Njikatuma mukwale mukunyongesa mitambela kuje kuvakalemesa vanu tumponya.

Ezekiyele 6:6

Vinganda vyoshe vya Isalele vikanyonga, ngecivene, mitula yavo yoshe na tumponya twavo vikasanyozoka vimbazuvwila-mbazuvwila, co mitula yavo ya insense ikasanyozoka, vyoshe vije vivalingile vikanyonga.

Hoziya 10:1

Vanu va mu Isalele vapwile ngwe mukolovozi wa vushuka vwa vinyu uje wakele na vushuka vwavungi. Omo vakele mwamuvwa manene, co lalo vatungile mitula yaingi manene. Omo lifuti lyavo lyakele na vwilo manene, co lalo valingile vimanda vyavivwa manene vyakujela vije valinakulemesa.

VaLevi 26:1

Shukulu Kalunga wendekele ngwendi, “Kesi mukalishongele tumponya nambe kesi mukemike cifwa cimo cakushonga, nambe vimanda vya mamanya, nambe kulemesa mamanya akutaleka. Yange njapwa Kalunga Njambi yeni.

Mika 5:14

Njikasiwula vimweso vya Ashela njambi wa munakazi mu lifuti lyeni nakunyongesa vinganda vyeni.

Kwituluka mu Mashiko 12:2

Mu lifuti lije limukashwana mukanyongesa myela yoshe ije vakalemesela vanu vinjambi vavo a minkinda, na a malundu, na mu minzinze ya miti.

Kwituluka mu Mashiko 16:22

Co kesi mukalishimbikile manda ya limanya lyakulemesela kamponya, omwo Shukulu Kalunga wazinda evi.