1 Vimyene 14:15 - Livulu lya Shukulu Kalunga

¹⁵ Shukulu Kalunga akahisa Isalele, co Isalele ikajaja ngwe mulikajaja lihongo mu muna ndonga. Ikeye akatundisa vanu va Isalele mu lifuti eli lyalivwa lije walyanene kuli vakukulwila vavo, co akavashandwela musambwa ya Ndonga ya Yufuleti, omwo vashangumuna vukalu vwendi akushonga tumponya twa Ashela njambi wa munakazi.

1 Vimyene 14:15 Iomraidhean Croise

1 Vimyene 14:9

Unalingi vuvi vwakama manene kutuvakana vaje valivangele kushwana. Yove unanjivyana, co unashangumuna vukalu vwange akulinga tumponya na vifwa vya vutale nakuvilemesa.

2 Vimyene 15:29

Omo Peka wapwile mwene wa mu Isalele, Tingelate Pilesele, mwene wa Asilya wafungulwile vinganda vya Injone na Avele Mbete Maka na Njanowa na Kendeshe na Hazole na mafuti a Ngilyande na Ngalileya na Nafetali, co watwalele vinzinda ku Asilya.

2 Vimyene 17:11

co venyekelele insense a mitula yoshe ya vaka-kujeneka kukulaela, kukavangeya vilinga vya vanu vaje vaashekele Shukulu Kalunga mu lifuti. Co vashangumwine vukale vwa Shukulu Kalunga a vilinga vyavo vyavivi,

2 Vimyene 17:16

Vapokwele mashiko oshe a Shukulu Kalunga Njambi yavo, vafulile vana va vingombe va nkomba vavali va vutale nakuvalemesa, co lalo vafulile cifwa ca Ashela njambi wa munakazi, co valemesele vingongonosi, co valemesele Mbale kupwa njambi yavo.

2 Vimyene 17:17

Vakombelelele vana vavo va vanalume na ava va vanakazi kupwa vin̄ombelo vyakwenyekela ku vinjambi va vaka-kujeneka kukulaela, co vakele nakwihula kuli vaka-kwendeka na vakulu na kuli vaka-kulukiya, valikundikile vakevo vavenya nakulinga vije vya vunyengwe ku mesho a Shukulu Kalunga, co vashangumwine vukalu vwendi.

2 Vimyene 17:23

noo akukotoka Shukulu Kalunga kashakele kuvamona, ngwe mwavanangwile ali vangamba vendi vaka-kwimanena ngwendi akalingamo. Ngecivene, vanu va Isalele vavatwalele ku vunzinda ku Asilya, kukekwo kuvali na lelo lino.

2 Mizimbu 7:20

co njikamitundisa mu lifuti lyange lije linjamyanene, co lalo njikavyana Njuvo eyi injinajelesa kupwa mwela wakunjilemesela. Co vanu voshe vakaisimutwiya nakushendumuna Isalele.”

Myaso 52:5

Ngecivene, Njambi akakunyongesa ku myaka yoshe, ikeye akakwambata nakukukokela anja ya njuvo yove, co akakutundisa mu lifuti lya vaka-kuyoya.

Visimo 2:22

Oloni Njambi akasheka vaka-vuvi mu lifuti, vakapwa ngwe cimena civatukula mu livu.

Njelemiya 24:10

Njikatuma nzita, na njala ya lyangengela, na mushongo ali vakevo ngeci naumo wai akasalao mu lifuti lije linjanene kuli vakevo na kuli vakukulwila vavo.”

Njelemiya 28:8

Vaka-kwimanena vaje vendekele ku san̄ulu, omwo kanda simbu yange neyi yeni yete, vambulwile ngwavo nzita, na njala ya lyangengela, na mushongo vikaija ku miyati yaingi na ku vumwene vwakama.

VaLevi 26:43

Nameme ngoco, akulivanga vanu vaIsalele vanapande kuseza livu, ngeci livu lihwime omo naumo wai alinakulimamo, co vakevo vanapande kufweta mulonga wakuvyana mashiko ange, na vilongesa vyange.

Amose 2:9

“Nameme ngoco, vanu vange, omwo yeni ngeci njanyongesele vaAmoli, vaje vapwile vanu vavalaja ngwe miti ya kendale, co vakele na nzili ngwe miti ya Oke.

Amose 5:27

omo njimitwala mu vunzinda musambwa ya lifuti lya Ndamasiku.” Mwalinakwendeka Shukulu Kalunga, lizina lyendi ikeye Njambi Muka-nzili yoshe.

Zefaniya 2:4

Naumo wai akasala mu nganda ya Ngaza. Ashekelone ikapwa ngundu. Co vanu va mu Ashendonde vakavasheka a simbu ya mutanya, na vanu va mu Ekelone vakavandandumuna nakuvatundisa mu nganda yavo.

Mateo 11:7

Omo vandongisi va Yowano vatundile kuli ikeye, Yesu walekele ije mbunga ali Yowano ngwendi, “Omo mwaile kuli Yowano mu mambo, mwakamwene cuma mukajo? Cishoni citepozoka na lihunzi ndi?

Mateo 15:13

Ikeye wavakumbulwile ngwendi, “Vimbuto vyoshe vije Tate wa mwilu kavikunine vakavitukula.

Luka 7:24

Omo miluwa va Yowano velukile, co Yesu walekele ije mbunga ali Yowano ngwendi, “Omo mwaile kuli Yowano mu mambo mwakamwene munu wa cifwa mukajo? Ikeye wafwile ngwe mwila waulaja utepozoka na lihunzi ndi?

Vilinga vya Miluwa 7:43

Co yapwile mbalaka ya njambi Moleki ije mwambatele, na cifwa ca Lefane, njambi yeni wa vingongonosi, ava vakevo tumponya tweni mwapangele ngeci muvalemese. Co njikamituma ku vunzinda musambwa ya Mbambilone.’

Kwituluka mu Mashiko 28:36

“Shukulu Kalunga akamitwala, na mwene yeni uje mukaangula ku lifuti lya vungenzi, lije kumwazivukile yeni nambe vakukulwila veni. Kuje mukapangela vinjambi vakushonga va viti na mamanya.

1 Samwele 12:25

Oloni nga yeni mutwalao kulinga vuvi, co yeni na mwene yeni mukanyonga.”