1 Vimyene 13:32 - Livulu lya Shukulu Kalunga

³² Majwi aje endekele akushika kwa Shukulu Kalunga a mutula wa mu Mbetele na a mitambela yoshe yakulemesela mu membo a mu Samaliya akapwa a vushunga.”

1 Vimyene 13:32 Iomraidhean Croise

1 Vimyene 12:29

Yelovowame waakele ngombe umo wa ngolinde mu Mbetele, co mukwavo wamwakele mu Ndani.

1 Vimyene 12:31

Co Yelovowame lalo watungile myela yakulemesela akamwa ya malundu, waangwile vaka-kukombelela va ku vanu veka kesi va ku muyati wa vaLevi.

1 Vimyene 13:2

Co uje muka-kwimanena watambekele ngwendi Shukulu Kalunga nanjitumu kwendeka ku mutula ou ngwendi, “Ove mutula, Shukulu Kalunga nendeka ngwendi, ‘Kenga, mwana akasemuka ku naanga ya Ndaviti lizina lyendi Yosiya. Ikeye akatsiilao vaka-kukombelela vaje vakapanga ku mitula ya vaka-kujeneka kukulaela vaje vakakombelela vin̄ombelo a mutula ou, co akenyekelao vitsiya vya vanu.’ ”

1 Vimyene 16:24

co walandele lilundu lya Samaliya na mavundungulu a siliva akupwa 6,000 ku munalume umo lizina lyendi Shemele. Co kuje ku lilundu Omeli wazengelekeleko cimpaka, co watungilileko nganda, wailukile Samaliya, mu lizina lya Shemele, vavenya lije lilundu.

2 Vimyene 17:29

Oloni vanu vaje vatungile mu Samaliya vakele nakulishongela tumponya twavo, co vavaakele mu tuzangu tuvatungile vaIsalele. Muyati umo na umo valishongelele tumponya mu vinganda vyavo muje muvakele.

2 Mizimbu 25:13

Co a simbu ije mashwalale va vaIsalele vaje kuvaile na Amaziya ku nzita valwisile vinganda vya vaYunda mukati ka Samaliya na Mbete Holone, vatsiile vanalume vakupwa 3,000, co vapukwile vufuko vwavungi manene.

Ezela 4:10

amo na vanu vakwavo vaje vakwatele Ashulembanipale munalume uje wapwile wakama wa nzili ikeye wavatundisile ku membo avo, co wavaakele mu nganda ya Samaliya na mu lifuti lya mu Kangombe ka Yambi ka Yufuleti.”

VaLevi 26:30

Njikanyongesa myela yeni yakulemesela a malundu, nakusiwula mitula yeni ya insense, co njikombangela vivimbi vyeni a tumponya tweni twakuwa twa mwonyo. Co mukapwa va vunyengwe ku mesho ange.

Vilinga vya Miluwa 8:14

Miluwa vaje vakele mu Yelusalema omo vazivile ngwavo vanu va mu Samaliya vanatambula lijwi lya Njambi, ngecivene, vavatuminine Petulu na Yowano.