1 Vimyene 13:21 - Livulu lya Shukulu Kalunga

²¹ co uje muka-kwimanena wa kakulukazi watambekele kuli uje muka-kwimanena wa ku Yunda ngwendi, “Shukulu Kalunga nendeka kuli yove ngwendi kuwononokele nakulinga vije vyanakushikile.

1 Vimyene 13:21 Iomraidhean Croise

Kushangumuka 3:7

Omo vanali laja, co vakele na mana, valimwene vali mutotototo, ngecivene, vatongele maputa a muti wa mukuyu nakuwazala.

2 Samwele 24:13

Co Ngande waile kuli Ndaviti, nakumuleka vije vyendekele Shukulu Kalunga, co wamwihwile ngwendi, “Waangulao cuma cika? Myaka itatu ya njala mu lifuti lyove, nambe vingonde vitatu utunde mu lifuti kutewa vitozi vove, nambe matangwa atatu a mushongo wakulitambwisa mu lifuti lyove? Co ololo yongolao mwamuvwa, unjileke muukumbulwilao njiilwise kuli Shukulu Kalunga.”

2 Samwele 6:7

Aje vene Shukulu Kalunga Njambi waluvalele na Uza, co wamutsiile omwo wakwatele livoko lyendi ku Cikasa ca Cikumiiyo. Uza watsililile kuje ku Cikasa ca Cikumiiyo,

1 Vimyene 13:17

omwo Shukulu Kalunga nanjishiki ngeci kesi njilye nambe kunwa cuma cimo, nambe kwiluka kwimbo mu ngila muje munjinezile embwe.”

1 Vimyene 13:20

Omo vene vacili ku mesa, lijwi lya Shukulu Kalunga lyezile kuli muka-kwimanena wa kakulukazi,

1 Vimyene 13:22

Oloni, uneluka nakulya vyakulya mu mwela uje wakushikile ngwendi kesi ukalilemo vyakulya. Omwo a eci vakakutsiya, co muvila wove kuvakautsindi mu mbumbo ya naanga yove.”

1 Vimyene 20:36

Ngecivene, wendekele kuli ikeye ngwendi, “Omwo unavyana kwononoka lishiko lya Shukulu Kalunga, co kenga, omo ukaya ndumba akakukwata.” Co omo waile ndumba wamukwatele.

Esita 6:13

Co ikeye walekele munakazi wendi na vasamba vendi voshe vyuma vyoshe vije vyalingiwile kuli ikeye. Asinoni munakazi wendi na vaje vasamba vendi vaka-mana vamulekele ngwavo, “Molendekai nashangumuka kukuhyana ku moko. Ikeye wapwa kaYunda, co kuwasa kumuhyana. Mwa vushunga vene akakufungulula.”

Njelemiya 2:19

Vuvi vwove vukakuhisa yove vavenya omwo unatundu kuli yange. Ngecivene, ukalilongesa vuvi na vunyengwe, akuseza yange Kalunga Njambi yove, kujeneka kunjisingimika. Yange Kalunga wa Akamwa ya Vyoshe, Muka-nzili yoshe, njinendekamo.”

VaLevi 10:3

Asinoni Mosesa wendekele kuli Alone ngwendi, “Omu mukemwo mwanendeka Shukulu Kalunga omo wendekele ngwendi, ‘Voshe vanjipangela vanapande kusingimika kujela kwange, njikamwesa vulemu vwa vumpau vwange kuli vanu vange voshe.’ ” Oloni Alone wolokele kuluu.

Kulava 20:12

Oloni Shukulu Kalunga wendekele kuli Mosesa na Alone ngwendi, “Yange njapwa wakujela, oloni kumwakulaelele nakunjisingimika ku mesho a vanu va Isalele. Ngecivene, kumukasa kukovelesa mbunga eyi mu lifuti lije njavakulaesele kuvana.”

Kulava 20:24

“Alone kakakovela mu lifuti lije linjakulaesele Isalele kuvanalyo, oloni ikeye akatsa, omwo muvuvali vweni mwatengulukilile nakulwisa mashiko ange ku Meliva.

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.

1 Samwele 15:19

Co omwo vikajo kuwononokele majwi a Shukulu Kalunga? Omwo vikajo washatukilile ku vyakupukula, co walingile vije kuvyavwaelelesele Shukulu Kalunga?”

1 Samwele 4:18

Omo uje munalume wambulwile vya Cikasa ca Cikumiiyo, co Eli wawile mukali a citumbamo cendi kumukulo wa cikolo. Omwo wakuluvalele nakununa manene, co wawile nakupokoka mukoshi, ngeci watsile. Ikeye waakwilile Isalele myaka makumi awana.